Žalmy

Biblia - Sväté písmo

(VUL - Latinský - Nova Vulgata)

Ž 91, 1-16

1 Qui habitat in protectione Altissimi, sub umbra Omnipotentis commorabitur. 2 Dicet Domino: “ Refugium meum et fortitudo mea, Deus meus, sperabo in eum ”. 3 Quoniam ipse liberabit te de laqueo venantium et a verbo maligno. 4 Alis suis obumbrabit tibi, et sub pennas eius confugies; scutum et lorica veritas eius. 5 Non timebis a timore nocturno, a sagitta volante in die, 6 a peste perambulante in tenebris, ab exterminio vastante in meridie. 7 Cadent a latere tuo mille et decem milia a dextris tuis; ad te autem non appropinquabit. 8 Verumtamen oculis tuis considerabis et retributionem peccatorum videbis. 9 Quoniam tu es, Domine, refugium meum. Altissimum posuisti habitaculum tuum. 10 Non accedet ad te malum, et flagellum non appropinquabit tabernaculo tuo, 11 quoniam angelis suis mandabit de te, ut custodiant te in omnibus viis tuis. 12 In manibus portabunt te, ne forte offendas ad lapidem pedem tuum. 13 Super aspidem et basiliscum ambulabis et conculcabis leonem et draconem. 14 Quoniam mihi adhaesit, liberabo eum; suscipiam eum, quoniam cognovit nomen meum. 15 Clamabit ad me, et ego exaudiam eum; cum ipso sum in tribulatione; eripiam eum et glorificabo eum. 16 Longitudine dierum replebo eum et ostendam illi salutare meum.

Verš 3

Quoniam ipse liberabit te de laqueo venantium et a verbo maligno.

Ž 124:7 - Anima nostra sicut passer erepta est de laqueo venantium: laqueus contritus est, et nos erepti sumus.

Verš 4

Alis suis obumbrabit tibi, et sub pennas eius confugies; scutum et lorica veritas eius.

Ž 57:1 - Magistro chori. Secundum " Ne destruxeris ". David. Miktam. Quando a Saul in cavernam fugit.

Verš 5

Non timebis a timore nocturno, a sagitta volante in die,

Jób 5:19 - In sex tribulationibus liberabit te, et in septem non tanget te malum.

Prís 3:25 - Ne paveas repentino terrore et irruentem tibi turbinem impiorum, cum venerit.

Pie 3:8 - omnes tenentes gladios et ad bella doctissimi, uniuscuiusque ensis super femur suum propter timores nocturnos.

Verš 11

quoniam angelis suis mandabit de te, ut custodiant te in omnibus viis tuis.

Ž 34:7 - ZAIN. Iste pauper clamavit, et Dominus exaudivit eum et de omnibus tribulationibus eius salvavit eum.

Mt 4:6 - et dicit ei: “ Si Filius Dei es, mitte te deorsum. Scriptum est enim: "Angelis suis mandabit de te, et in manibus tollent te, ne forte offendas ad lapidem pedem tuum" ”.

Lk 4:10 - Scriptum est enim: “Angelis suis mandabit de te, ut conservent te”

Verš 12

In manibus portabunt te, ne forte offendas ad lapidem pedem tuum.

Lk 4:11 - et: “In manibus tollent te, ne forte offendas ad lapidem pedem tuum” ”.

Verš 13

Super aspidem et basiliscum ambulabis et conculcabis leonem et draconem.

Jób 5:22 - In vastitate et fame ridebis et bestias terrae non formidabis.

Z 91,4 - "Štítom a pancierom", porov. pozn. k 35,2.