Žalmy

Biblia - Sväté písmo

(VUL - Latinský - Nova Vulgata)

Ž 32, 1-11

1 David. Maskil. Beatus, cui remissa est iniquitas, et obtectum est peccatum. 2 Beatus vir, cui non imputavit Dominus delictum, nec est in spiritu eius dolus. 3 Quoniam tacui, inveteraverunt ossa mea, dum rugirem tota die. 4 Quoniam die ac nocte gravata est super me manus tua, immutatus est vigor meus in ardoribus aestatis. 5 Peccatum meum cognitum tibi feci et delictum meum non abscondi. Dixi: “ Confitebor adversum me iniquitatem meam Domino ”. Et tu remisisti impietatem peccati mei. 6 Propter hoc orabit ad te omnis sanctus in tempore opportuno. Et in diluvio aquarum multarum ad eum non approximabunt. 7 Tu es refugium meum, a tribulatione conservabis me; exsultationibus salutis circumdabis me. 8 Intellectum tibi dabo et instruam te in via, qua gradieris; firmabo super te oculos meos. 9 Nolite fieri sicut equus et mulus, quibus non est intellectus; in camo et freno si accedis ad constringendum, non approximant ad te. 10 Multi dolores impii, sperantem autem in Domino misericordia circumdabit. 11 Laetamini in Domino et exsultate, iusti; et gloriamini, omnes recti corde.

Verš 1

David. Maskil. Beatus, cui remissa est iniquitas, et obtectum est peccatum.

Rim 4:6 - sicut et David dicit beatitudinem hominis, cui Deus reputat iustitiam sine operibus:

Verš 9

Nolite fieri sicut equus et mulus, quibus non est intellectus; in camo et freno si accedis ad constringendum, non approximant ad te.

Prís 26:3 - Flagellum equo et camus asino et virga dorso stultorum.

Jak 3:3 - Si autem equorum frenos in ora mittimus ad oboediendum nobis, et omne corpus illorum circumferimus.

Verš 5

Peccatum meum cognitum tibi feci et delictum meum non abscondi. Dixi: “ Confitebor adversum me iniquitatem meam Domino ”. Et tu remisisti impietatem peccati mei.

Prís 28:13 - Qui abscondit scelera sua, non prosperabit; qui autem confessus fuerit et reliquerit ea, misericordiam consequetur.

1Jn 1:9 - Si confiteamur peccata nostra, fidelis est et iustus, ut remittat nobis peccata et emundet nos ab omni iniustitia.

Verš 7

Tu es refugium meum, a tribulatione conservabis me; exsultationibus salutis circumdabis me.

Ž 27:5 - Quoniam occultabit me in tentorio suo in die malorum. Abscondet me in abscondito tabernaculi sui, in petra exaltabit me.

Ž 31:20 - Quam magna multitudo dulcedinis tuae, Domine, quam abscondisti timentibus te. Perfecisti eis, qui sperant in te, in conspectu filiorum hominum.

Z 32 - Toto je druhý kajúci žalm.

Z 32,3 - Žalmista opisuje svoju blaženosť po odpustení hriechu; lebo zakúsil, ako mu bolo, keď zamlčoval svoj hriech.