Žalmy

Biblia - Sväté písmo

(VUL - Latinský - Nova Vulgata)

Ž 21, 1-14

1 Magistro chori. PSALMUS. David. 2 Domine, in virtute tua laetabitur rex et super salutare tuum exsultabit vehementer. 3 Desiderium cordis eius tribuisti ei et voluntatem labiorum eius non denegasti. 4 Quoniam praevenisti eum in benedictionibus dulcedinis; posuisti in capite eius coronam de auro purissimo. 5 Vitam petiit a te, et tribuisti ei longitudinem dierum in saeculum et in saeculum saeculi. 6 Magna est gloria eius in salutari tuo, magnificentiam et decorem impones super eum; 7 quoniam pones eum benedictionem in saeculum saeculi, laetificabis eum in gaudio ante vultum tuum. 8 Quoniam rex sperat in Domino et in misericordia Altissimi non commovebitur. 9 Inveniet manus tua omnes inimicos tuos, dextera tua inveniet, qui te oderunt. 10 Pones eos ut clibanum ignis in tempore vultus tui: Dominus in ira sua deglutiet eos, et devorabit eos ignis. 11 Fructum eorum de terra perdes et semen eorum de filiis hominum. 12 Quoniam intenderunt in te mala, cogitaverunt consilia: nihil potuerunt. 13 Quoniam pones eos dorsum, arcus tuos tendes in vultum eorum. 14 Exaltare, Domine, in virtute tua; cantabimus et psallemus virtutes tuas.

Z 21 - Tento žalm je obsahove príbuzný predošlému. Rozdiel je len v tom, že 20. ž. je modlitbou pred bojom, 21. žalm je poďakovaním po boji.

Z 21,9 - Dávid ďakuje za Božiu pomoc v boji a svojím obvyklým spôsobom sa rozhorľuje proti nepriateľom izraelského ľudu, ktorí mu hrozili záhubou.