výhody registrácie

Žalmy

Biblia - Sväté písmo

(VUL - Latinský - Nova Vulgata)

Ž 31, 1-25

1 Magistro chori. PSALMUS. David. 2 In te, Domine, speravi, non confundar in aeternum; in iustitia tua libera me. 3 Inclina ad me aurem tuam, accelera, ut eruas me. Esto mihi in rupem praesidii et in domum munitam, ut salvum me facias. 4 Quoniam fortitudo mea et refugium meum es tu et propter nomen tuum deduces me et pasces me. 5 Educes me de laqueo, quem absconderunt mihi, quoniam tu es fortitudo mea. 6 In manus tuas commendo spiritum meum; redemisti me, Domine, Deus veritatis. 7 Odisti observantes vanitates supervacuas, ego autem in Domino speravi. 8 Exsultabo et laetabor in misericordia tua, quoniam respexisti humilitatem meam; agnovisti necessitates animae meae 9 nec conclusisti me in manibus inimici; statuisti in loco spatioso pedes meos. 10 Miserere mei, Domine, quoniam tribulor; conturbatus est in maerore oculus meus, anima mea et venter meus. 11 Quoniam defecit in dolore vita mea, et anni mei in gemitibus; infirmata est in paupertate virtus mea, et ossa mea contabuerunt. 12 Apud omnes inimicos meos factus sum opprobrium et vicinis meis valde et timor notis meis: qui videbant me foras, fugiebant a me. 13 Oblivioni a corde datus sum tamquam mortuus; factus sum tamquam vas perditum. 14 Quoniam audivi vituperationem multorum: horror in circuitu; in eo dum convenirent simul adversum me, auferre animam meam consiliati sunt. 15 Ego autem in te speravi, Domine; dixi: “ Deus meus es tu, 16 in manibus tuis sortes meae ”. Eripe me de manu inimicorum meorum et a persequentibus me; 17 illustra faciem tuam super servum tuum, salvum me fac in misericordia tua. 18 Domine, non confundar, quoniam invocavi te; erubescant impii et obmutescant in inferno. 19 Muta fiant labia dolosa, quae loquuntur adversus iustum proterva in superbia et in abusione. 20 Quam magna multitudo dulcedinis tuae, Domine, quam abscondisti timentibus te. Perfecisti eis, qui sperant in te, in conspectu filiorum hominum. 21 Abscondes eos in abscondito faciei tuae a conturbatione hominum; proteges eos in tabernaculo a contradictione linguarum. 22 Benedictus Dominus, quoniam mirificavit misericordiam suam mihi in civitate munita. 23 Ego autem dixi in trepidatione mea: “ Praecisus sum a conspectu oculorum tuorum ”. Verumtamen exaudisti vocem orationis meae, dum clamarem ad te. 24 Diligite Dominum, omnes sancti eius: fideles conservat Dominus et retribuit abundanter facientibus superbiam. 25 Viriliter agite, et confortetur cor vestrum, omnes, qui speratis in Domino.

Ž 31, 1-25





Verš 19
Muta fiant labia dolosa, quae loquuntur adversus iustum proterva in superbia et in abusione.
Iz 64:4 - Occurris laetanti, facienti iustitiam et his, qui in viis tuis recordantur tui. Ecce tu iratus es, et peccavimus; in ipsis a saeculo nos salvabimur.
1Kor 2:9 - Sed sicut scriptum est: “ Quod oculus non vidit, nec auris audivit, nec in cor hominis ascendit, quae praeparavit Deus his, qui diligunt illum ”.

Verš 1
Magistro chori. PSALMUS. David.
Ž 22:5 - In te speraverunt patres nostri, speraverunt, et liberasti eos;
Ž 25:2 - BETH. Deus meus, in te confido; non erubescam. Neque exsultent super me inimici mei,
Ž 71:1 - In te, Domine, speravi, non confundar in aeternum.
Iz 49:23 - Et erunt reges nutricii tui, et reginae nutrices tuae; vultu in terram demisso adorabunt te et pulverem pedum tuorum lingent. Et scies quia ego Dominus: non confundentur, qui sperant in me ”.

Verš 11
Quoniam defecit in dolore vita mea, et anni mei in gemitibus; infirmata est in paupertate virtus mea, et ossa mea contabuerunt.
Jób 19:13 - Fratres meos longe fecit a me, et noti mei quasi alieni recesserunt a me.
Ž 38:11 - Palpitavit cor meum, dereliquit me virtus mea, et lumen oculorum meorum, et ipsum non est mecum.

Verš 5
Educes me de laqueo, quem absconderunt mihi, quoniam tu es fortitudo mea.
Lk 23:46 - Et clamans voce magna Iesus ait: “ Pater, in manus tuas commendo spiritum meum ”; et haec dicens exspiravit.

Verš 24
Diligite Dominum, omnes sancti eius: fideles conservat Dominus et retribuit abundanter facientibus superbiam.
Ž 27:14 - Exspecta Dominum, viriliter age, et confortetur cor tuum, et sustine Dominum.

Z 31 - Táto modlitba je veľmi blízka Jeremiášovým vyznaniam.

Z 31,2 - Žalmista si aj v ťažkom položení zachoval jasný pohľad k Pánovi, nikdy ho neopúšťa dôvera v Božiu pomoc; Ježiš Kristus, umierajúc na kríži, hovorí slová 6. verša tohto žalmu (Lk 23,46); poznal ich aj sv. Štefan, prvomučeník (Sk 7,59).

Z 31,9 - "Na šíre priestranstvo" - vyviedol si ma z úzkych.

Z 31,10-11 - Tieto verše nám kreslia aj Ježišovo utrpenie.