Žalmy

Biblia - Sväté písmo

(VUL - Latinský - Nova Vulgata)

Ž 69, 1-37

1 Magistro chori. Secundum " Lilia... ". David. 2 Salvum me fac, Deus, quoniam venerunt aquae usque ad guttur meum. 3 Infixus sum in limo profundi, et non est substantia; veni in profunda aquarum, et fluctus demersit me. 4 Laboravi clamans, raucae factae sunt fauces meae; defecerunt oculi mei, dum spero in Deum meum. 5 Multiplicati sunt super capillos capitis mei, qui oderunt me gratis. Confortati sunt, qui persecuti sunt me inimici mei mendaces; quae non rapui, tunc exsolvebam. 6 Deus, tu scis insipientiam meam, et delicta mea a te non sunt abscondita. 7 Non erubescant in me, qui exspectant te, Domine, Domine virtutum. Non confundantur super me, qui quaerunt te, Deus Israel. 8 Quoniam propter te sustinui opprobrium, operuit confusio faciem meam; 9 extraneus factus sum fratribus meis et peregrinus filiis matris meae. 10 Quoniam zelus domus tuae comedit me, et opprobria exprobrantium tibi ceciderunt super me. 11 Et flevi in ieiunio animam meam, et factum est in opprobrium mihi. 12 Et posui vestimentum meum cilicium, et factus sum illis in parabolam. 13 Adversum me loquebantur, qui sedebant in porta, et in me canebant, qui bibebant vinum. 14 Ego vero orationem meam ad te, Domine, in tempore beneplaciti, Deus. In multitudine misericordiae tuae exaudi me, in veritate salutis tuae. 15 Eripe me de luto, ut non infigar, eripiar ab iis, qui oderunt me, et de profundis aquarum. 16 Non me demergat fluctus aquarum, neque absorbeat me profundum, neque urgeat super me puteus os suum. 17 Exaudi me, Domine, quoniam benigna est misericordia tua; secundum multitudinem miserationum tuarum respice in me. 18 Et ne avertas faciem tuam a puero tuo; quoniam tribulor, velociter exaudi me. 19 Accede ad animam meam, vindica eam, propter inimicos meos redime me. 20 Tu scis opprobrium meum et confusionem meam et reverentiam meam. - In conspectu tuo sunt omnes, qui tribulant me; 21 opprobrium contrivit cor meum, et elangui. Et sustinui, qui simul contristaretur, et non fuit, et qui consolaretur, et non inveni. 22 Et dederunt in escam meam fel et in siti mea potaverunt me aceto. 23 Fiat mensa eorum coram ipsis in laqueum et in retributiones et in scandalum. 24 Obscurentur oculi eorum, ne videant, et lumbos eorum semper infirma. 25 Effunde super eos iram tuam, et furor irae tuae comprehendat eos. 26 Fiat commoratio eorum deserta, et in tabernaculis eorum non sit qui inhabitet. 27 Quoniam, quem tu percussisti, persecuti sunt, et super dolorem eius, quem vulnerasti, addiderunt. 28 Appone iniquitatem super iniquitatem eorum, et non veniant ad iustitiam tuam. 29 Deleantur de libro viventium et cum iustis non scribantur. 30 Ego autem sum pauper et dolens; salus tua, Deus, suscipit me. 31 Laudabo nomen Dei cum cantico et magnificabo eum in laude. 32 Et placebit Domino super taurum, super vitulum cornua producentem et ungulas. 33 Videant humiles et laetentur; quaerite Deum, et vivet cor vestrum, 34 quoniam exaudivit pauperes Dominus et vinctos suos non despexit. 35 Laudent illum caeli et terra, maria et omnia reptilia in eis. 36 Quoniam Deus salvam faciet Sion et aedificabit civitates Iudae; et inhabitabunt ibi et possidebunt eam. 37 Et semen servorum eius hereditabunt eam; et, qui diligunt nomen eius, habitabunt in ea.

Verš 9

extraneus factus sum fratribus meis et peregrinus filiis matris meae.

Jn 2:17 - Recordati sunt discipuli eius quia scriptum est: “ Zelus domus tuae comedit me ”.

Rim 15:3 - etenim Christus non sibi placuit, sed sicut scriptum est: “ Improperia improperantium tibi ceciderunt super me ”.

Verš 25

Effunde super eos iram tuam, et furor irae tuae comprehendat eos.

Sk 1:20 - Scriptum est enim in libro Psalmorum: “Fiat commoratío eius deserta, et non sit qui inhabitet in ea” et: “Episcopatum eius accipiat alius”.

Verš 21

opprobrium contrivit cor meum, et elangui. Et sustinui, qui simul contristaretur, et non fuit, et qui consolaretur, et non inveni.

Mt 27:34 - et dederunt ei vinum bibere cum felle mixtum; et cum gustasset, noluit bibere.

Mt 27:48 - Et continuo currens unus ex eis acceptam spongiam implevit aceto et imposuit arundini et dabat ei bibere.

Mk 15:23 - Et dabant ei myrrhatum vinum; ille autem non accepit.

Jn 19:28 - Post hoc sciens Iesus quia iam omnia consummata sunt, ut consummaretur Scriptura, dicit: “ Sitio ”.

Verš 22

Et dederunt in escam meam fel et in siti mea potaverunt me aceto.

Rim 11:9 - Et David dicit: “ Fiat mensa eorum in laqueum et in captionem et in scandalum et in retributionem illis.

Verš 23

Fiat mensa eorum coram ipsis in laqueum et in retributiones et in scandalum.

Iz 6:9 - Et dixit: “ Vade, et dices populo huic: “Audientes audite et nolite intellegere, et videntes videte et nolite cognoscere”.

Iz 29:10 - Quoniam miscuit vobis Dominus spiritum soporis, clausit oculos vestros et capita vestra operuit.

Iz 44:18 - Nescierunt neque intellexerunt; nam clausit oculos eorum, ne videant et ne intellegant corde suo.

Rim 11:10 - Obscurentur oculi eorum, ne videant, et dorsum illorum semper incurva! ”.

Z 69 - Ako svedčí nadpis, žalm je od Dávida, čo potvrdzuje aj sv. Pavol (Rim 11,9) a sv. Lukáš (Sk 1,16.20). Mesiášsku povahu žalmu potvrdzujú novozákonné citácie.

Z 69,5 - "Musel som vrátiť, čo som neulúpil" - azda príslovie na potvrdenie vlastnej neviny. Takto mohol hovoriť Mesiáš, ktorý naozaj trpel nevinne.

Z 69,12 - Trpiteľ si obliekol "vrecovinu", jednoduchý oblek z kozej srsti. Izraeliti ho nosievali na znak smútku a pokánia (Ž 30,12; 35,13; porov. Jn 3,5.6.8).

Z 69,22 - "Žlč - ró'š" v hebrejčine označuje aj rastlinu, ktorej šťava je horká a jedovatá (Mt 27,34; Mk 15,23).

Z 69,23-28 - V týchto veršoch žalmista žiada podľa práva odvety (lex talionis), ktoré v SZ platilo za všeobecnú normu (Ex 21,12.23-25; Lv 24,17-21), tresty, ktoré uvalili na seba svojím prečinom. Lež Nový zákon nahrádza tento spravodlivý zákon zákonom lásky. Ježiš sa na kríži modlil za všetkých, aj za svojich nepriateľov a vrahov.