Žalmy

Biblia - Sväté písmo

(VUL - Latinský - Nova Vulgata)

Ž 145, 1-21

1 Laudes. David. ALEPH. Exaltabo te, Deus meus, rex, et benedicam nomini tuo in saeculum et in saeculum saeculi. 2 BETH. Per singulos dies benedicam tibi et laudabo nomen tuum in saeculum et in saeculum saeculi. 3 GHIMEL. Magnus Dominus et laudabilis nimis, et magnitudinis eius non est investigatio. 4 DALETH. Generatio generationi laudabit opera tua, et potentiam tuam pronuntiabunt. 5 HE. Magnificentiam gloriae maiestatis tuae loquentur et mirabilia tua enarrabunt. 6 VAU. Et virtutem terribilium tuorum dicent et magnitudinem tuam narrabunt. 7 ZAIN. Memoriam abundantiae suavitatis tuae eructabunt et iustitia tua exsultabunt. 8 HETH. Miserator et misericors Dominus, longanimis et multae misericordiae. 9 TETH. Suavis Dominus universis, et miserationes eius super omnia opera eius. 10 IOD. Confiteantur tibi, Domine, omnia opera tua; et sancti tui benedicant tibi. 11 CAPH. Gloriam regni tui dicant et potentiam tuam loquantur, 12 LAMED. ut notas faciant filiis hominum potentias tuas et gloriam magnificentiae regni tui. 13 MEM. Regnum tuum regnum omnium saeculorum, et dominatio tua in omnem generationem et generationem. NUN. Fidelis Dominus in omnibus verbis suis et sanctus in omnibus operibus suis. 14 SAMECH. Allevat Dominus omnes, qui corruunt, et erigit omnes depressos. 15 AIN. Oculi omnium in te sperant, et tu das illis escam in tempore opportuno. 16 PHE. Aperis tu manum tuam et imples omne animal in beneplacito. 17 SADE. Iustus Dominus in omnibus viis suis et sanctus in omnibus operibus suis. 18 COPH. Prope est Dominus omnibus invocantibus eum, omnibus invocantibus eum in veritate. 19 RES. Voluntatem timentium se faciet et deprecationem eorum exaudiet et salvos faciet eos. 20 SIN. Custodit Dominus omnes diligentes se et omnes peccatores disperdet. 21 TAU. Laudationem Domini loquetur os meum, et benedicat omnis caro nomini sancto eius in saeculum et in saeculum saeculi.

Verš 8

HETH. Miserator et misericors Dominus, longanimis et multae misericordiae.

Ex 34:6 - Et transiens coram eo clamavit: “ Dominus, Dominus Deus, misericors et clemens, patiens et multae miserationis ac verax,

Nm 14:18 - "Dominus patiens et multae misericordiae, auferens iniquitatem et scelera nullumque innoxium derelinquens, qui visitas peccata patrum in filios in tertiam et quartam generationem".

Ž 86:15 - Et tu, Domine, Deus miserator et misericors, patiens et multae misericordiae et veritatis,

Ž 103:8 - Miserator et misericors Dominus, longanimis et multae misericordiae.

Verš 15

AIN. Oculi omnium in te sperant, et tu das illis escam in tempore opportuno.

Ž 104:27 - Omnia a te exspectant, ut des illis escam in tempore suo.

Verš 3

GHIMEL. Magnus Dominus et laudabilis nimis, et magnitudinis eius non est investigatio.

Ž 18:3 - Domine, firmamentum meum et refugium meum et liberator meus; Deus meus, adiutor meus, et sperabo in eum; protector meus et cornu salutis meae et susceptor meus.

Ž 150:2 - Laudate eum in magnalibus eius, laudate eum secundum multitudinem magnitudinis eius.

Jób 5:9 - qui facit magna et inscrutabilia et mirabilia absque numero;

Verš 4

DALETH. Generatio generationi laudabit opera tua, et potentiam tuam pronuntiabunt.

Dt 4:9 - Custodi igitur temetipsum et animam tuam sollicite, ne obliviscaris verborum, quae viderunt oculi tui, et ne excidant de corde tuo cunctis diebus vitae tuae. Docebis ea filios ac nepotes tuos

Dt 6:7 - et inculcabis ea filiis tuis et loqueris ea sedens in domo tua et ambulans in itinere, decumbens atque consurgens;

Verš 7

ZAIN. Memoriam abundantiae suavitatis tuae eructabunt et iustitia tua exsultabunt.

Ž 119:171 - Eructabunt labia mea hymnum, cum docueris me iustificationes tuas.

Z 145 - Alfabetický žalm, ktorý preberá časti z iných žalmov.

Z 145,13 - V mesiášskych časoch sa Božie kráľovstvo rozšíri na všetky národy (verše 12,13). Takto Pán je a bude Kráľom všetkých národov a všetkých čias (Dan 3,100; 1 Tim 1,17).