Žalmy

Biblia - Sväté písmo

(VUL - Latinský - Nova Vulgata)

Ž 115, 1-18

1 Non nobis, Domine, non nobis, sed nomini tuo da gloriam super misericordia tua et veritate tua. 2 Quare dicent gentes: “ Ubi est Deus eorum? ”. 3 Deus autem noster in caelo; omnia, quaecumque voluit, fecit. 4 Simulacra gentium argentum et aurum, opera manuum hominum. 5 Os habent et non loquentur, oculos habent et non videbunt. 6 Aures habent et non audient, nares habent et non odorabunt. 7 Manus habent et non palpabunt, pedes habent et non ambulabunt; non clamabunt in gutture suo. 8 Similes illis erunt, qui faciunt ea, et omnes, qui confidunt in eis. 9 Domus Israel speravit in Domino: adiutorium eorum et scutum eorum est. 10 Domus Aaron speravit in Domino: adiutorium eorum et scutum eorum est. 11 Qui timent Dominum, speraverunt in Domino: adiutorium eorum et scutum eorum est. 12 Dominus memor fuit nostri et benedicet nobis: benedicet domui Israel, benedicet domui Aaron, 13 benedicet omnibus, qui timent Dominum, pusillis cum maioribus. 14 Adiciat Dominus super vos, super vos et super filios vestros. 15 Benedicti vos a Domino, qui fecit caelum et terram. 16 Caeli, caeli sunt Domino, terram autem dedit filiis hominum. 17 Non mortui laudabunt te, Domine, neque omnes, qui descendunt in silentium, 18 sed nos, qui vivimus, benedicimus Domino ex hoc nunc et usque in saeculum.

Verš 5

Os habent et non loquentur, oculos habent et non videbunt.

Dt 4:28 - Ibique servietis diis, qui hominum manu fabricati sunt, ligno et lapidi, qui non vident nec audiunt nec comedunt nec odorantur.

Jer 10:3 - quia leges populorum vanae sunt. Quia lignum de saltu praecidit opus manuum artificis in ascia,

Jer 10:9 - Argentum involutum, quod de Tharsis affertur, et aurum de Ophaz, opus artificis et manuum aurificis, hyacinthus et purpura indumentum eorum; opus artificum universa haec.

Z 115,17-18 - Izraeliti sa domnievali, že po smrti sa ani Pán nestará o mŕtvych, ani mŕtvi nemôžu nijako osláviť Boha. "V šeóle", v podsvetí sa ani nežilo, ani nehynulo, bol to život veľmi malátny, tam sa nedal vykonať nijaký záslužný skutok (Ž 6,6; 30,10; 88,11).