  | Kniha JóbBiblia - Sväté písmo(HEM - Hebrejský - Moderný) | Jób 23, 1-17 |
1 Jób 23, 1 ויען איוב ויאמר׃ 2 Jób 23, 2 גם היום מרי שחי ידי כבדה על אנחתי׃ 3 Jób 23, 3 מי יתן ידעתי ואמצאהו אבוא עד תכונתו׃ 4 Jób 23, 4 אערכה לפניו משפט ופי אמלא תוכחות׃ 5 Jób 23, 5 אדעה מלים יענני ואבינה מה יאמר לי׃ 6 Jób 23, 6 הברב כח יריב עמדי לא אך הוא ישם בי׃ 7 Jób 23, 7 שם ישר נוכח עמו ואפלטה לנצח משפטי׃ 8 Jób 23, 8 הן קדם אהלך ואיננו ואחור ולא אבין לו׃ 9 Jób 23, 9 שמאול בעשתו ולא אחז יעטף ימין ולא אראה׃ 10 Jób 23, 10 כי ידע דרך עמדי בחנני כזהב אצא׃ 11 Jób 23, 11 באשרו אחזה רגלי דרכו שמרתי ולא אט׃ 12 Jób 23, 12 מצות שפתיו ולא אמיש מחקי צפנתי אמרי פיו׃ 13 Jób 23, 13 והוא באחד ומי ישיבנו ונפשו אותה ויעש׃ 14 Jób 23, 14 כי ישלים חקי וכהנה רבות עמו׃ 15 Jób 23, 15 על כן מפניו אבהל אתבונן ואפחד ממנו׃ 16 Jób 23, 16 ואל הרך לבי ושדי הבהילני׃ 17 Jób 23, 17 כי לא נצמתי מפני חשך ומפני כסה אפל׃
| | | Jób 23, 1-17 |
Verš 11
באשרו אחזה רגלי דרכו שמרתי ולא אט׃
Jób 31:4 - הלא הוא יראה דרכי וכל צעדי יספור׃
Verš 13
והוא באחד ומי ישיבנו ונפשו אותה ויעש׃
Ž 115:3 - ואלהינו בשמים כל אשר חפץ עשה׃
