Kniha Jób

Biblia - Sväté písmo

(HEM - Hebrejský - Moderný)

Jób 24, 1-25

1 מדוע משדי לא נצפנו עתים וידעו לא חזו ימיו׃ 2 גבלות ישיגו עדר גזלו וירעו׃ 3 חמור יתומים ינהגו יחבלו שור אלמנה׃ 4 יטו אביונים מדרך יחד חבאו עניי ארץ׃ 5 הן פראים במדבר יצאו בפעלם משחרי לטרף ערבה לו לחם לנערים׃ 6 בשדה בלילו יקצירו וכרם רשע ילקשו׃ 7 ערום ילינו מבלי לבוש ואין כסות בקרה׃ 8 מזרם הרים ירטבו ומבלי מחסה חבקו צור׃ 9 יגזלו משד יתום ועל עני יחבלו׃ 10 ערום הלכו בלי לבוש ורעבים נשאו עמר׃ 11 בין שורתם יצהירו יקבים דרכו ויצמאו׃ 12 מעיר מתים ינאקו ונפש חללים תשוע ואלוה לא ישים תפלה׃ 13 המה היו במרדי אור לא הכירו דרכיו ולא ישבו בנתיבתיו׃ 14 לאור יקום רוצח יקטל עני ואביון ובלילה יהי כגנב׃ 15 ועין נאף שמרה נשף לאמר לא תשורני עין וסתר פנים ישים׃ 16 חתר בחשך בתים יומם חתמו למו לא ידעו אור׃ 17 כי יחדו בקר למו צלמות כי יכיר בלהות צלמות׃ 18 קל הוא על פני מים תקלל חלקתם בארץ לא יפנה דרך כרמים׃ 19 ציה גם חם יגזלו מימי שלג שאול חטאו׃ 20 ישכחהו רחם מתקו רמה עוד לא יזכר ותשבר כעץ עולה׃ 21 רעה עקרה לא תלד ואלמנה לא ייטיב׃ 22 ומשך אבירים בכחו יקום ולא יאמין בחיין׃ 23 יתן לו לבטח וישען ועיניהו על דרכיהם׃ 24 רומו מעט ואיננו והמכו ככל יקפצון וכראש שבלת ימלו׃ 25 ואם לא אפו מי יכזיבני וישם לאל מלתי׃

Verš 2

גבלות ישיגו עדר גזלו וירעו׃

Dt 19:14 - לא תסיג גבול רעך אשר גבלו ראשנים בנחלתך אשר תנחל בארץ אשר יהוה אלהיך נתן לך לרשתה׃

Dt 27:17 - ארור מסיג גבול רעהו ואמר כל העם אמן׃

Prís 22:28 - אל תסג גבול עולם אשר עשו אבותיך׃

Prís 23:10 - אל תסג גבול עולם ובשדי יתומים אל תבא׃

Verš 4

יטו אביונים מדרך יחד חבאו עניי ארץ׃

Prís 28:28 - בקום רשעים יסתר אדם ובאבדם ירבו צדיקים׃

Verš 10

ערום הלכו בלי לבוש ורעבים נשאו עמר׃

Lv 19:13 - לא תעשק את רעך ולא תגזל לא תלין פעלת שכיר אתך עד בקר׃

Verš 11

בין שורתם יצהירו יקבים דרכו ויצמאו׃

Dt 25:4 - לא תחסם שור בדישו׃

Jak 5:4 - הנה שכר הפעלים אספי קציר שדתיכם אשר עשקתם צעק עליכם וצעקת הקוצרים באה באזני יהוה צבאות׃

Verš 14

לאור יקום רוצח יקטל עני ואביון ובלילה יהי כגנב׃

Ž 10:8 - ישב במארב חצרים במסתרים יהרג נקי עיניו לחלכה יצפנו׃

Verš 15

ועין נאף שמרה נשף לאמר לא תשורני עין וסתר פנים ישים׃

Prís 7:8 - עבר בשוק אצל פנה ודרך ביתה יצעד׃

Ž 10:11 - אמר בלבו שכח אל הסתיר פניו בל ראה לנצח׃

Verš 16

חתר בחשך בתים יומם חתמו למו לא ידעו אור׃

Jób 38:15 - וימנע מרשעים אורם וזרוע רמה תשבר׃

Jn 3:20 - כי כל פעל עולה ישנא את האור ולא יבא לאור פן יוכחו מעשיו׃

Job 24,6 - Iní spájajú s tým koniec verša 5 a prekladajú: kvôli deťom kosia krmu po poliach a paberkujú vo vinici hriešnika. "Aj za noci" je voľný dodatok.

Job 24,7 - Preto sa v Zákone pamätalo, aby do zálohu vzatý plášť bol vrátený majiteľovi ešte toho dňa.