Príslovia

Biblia - Sväté písmo

(VUL - Latinský - Nova Vulgata)

Prís 14, 1-35

1 Sapientia mulierum aedificat domum suam, insipientia eam manibus destruet. 2 Ambulans recto itinere timet Deum; despicit illum, qui infami graditur via. 3 In ore stulti virga superbiae, labia autem sapientium custodiunt eos. 4 Ubi non sunt boves, praesepe vacuum est; plurimae autem segetes in fortitudine bovis. 5 Testis fidelis non mentitur, profert autem mendacium dolosus testis. 6 Quaerit derisor sapientiam et non invenit; doctrina prudentibus facilis. 7 Cede coram viro stulto, quia nescies labia prudentiae. 8 Sapientia callidi est intellegere viam suam, et imprudentia stultorum errans. 9 Stulti parvipendent peccatum, et inter iustos morabitur gratia. 10 Cor novit amaritudinem animae suae, in gaudio eius non miscebitur extraneus. 11 Domus impiorum delebitur, tabernacula vero iustorum germinabunt. 12 Est via, quae videtur homini recta, novissima autem eius deducunt ad mortem. 13 Etiam in risu cor dolore miscebitur, et extrema gaudii luctus occupat. 14 Viis suis replebitur stultus, et super eum erit vir bonus. 15 Simplex credit omni verbo, astutus considerat gressus suos. 16 Sapiens timet et declinat a malo, stultus transilit et confidit. 17 Impatiens operabitur stultitiam, et vir versutus odiosus est. 18 Possidebunt simplices stultitiam, et astuti coronabuntur scientia. 19 Procumbunt mali ante bonos, et impii ante portas iustorum. 20 Etiam proximo suo pauper odiosus erit, amici vero divitum multi. 21 Qui despicit proximum suum, peccat; qui autem miseretur pauperis, beatus erit. 22 Nonne errant, qui operantur malum? Misericordia et veritas iis, qui praeparant bona. 23 In omni labore erit abundantia; verbum autem labiorum tendit tantummodo ad egestatem. 24 Corona sapientium divitiae eorum, fatuitas stultorum fatuitas est. 25 Liberat animas testis fidelis, et profert mendacia versipellis. 26 In timore Domini fiducia fortis, et filiis eius erit spes. 27 Timor Domini fons vitae, declinans a laqueis mortis. 28 In multitudine populi dignitas regis, et in paucitate plebis ruina principis. 29 Qui patiens est, multa gubernatur prudentia; qui autem impatiens est, exaltat stultitiam. 30 Vita carnium sanitas cordis, putredo ossium invidia. 31 Qui calumniatur egentem, exprobrat Factori eius; honorat autem eum, qui miseretur pauperis. 32 In malitia sua impelletur impius, sperat autem iustus in integritate sua. 33 In corde prudentis requiescit sapientia, at in medio stultorum agnoscetur? 34 Iustitia elevat gentem, vituperium autem populorum est peccatum. 35 Acceptus est regi minister intellegens, et iracundia ei, qui turpiter agit.

Verš 33

In corde prudentis requiescit sapientia, at in medio stultorum agnoscetur?

Prís 10:14 - Sapientes recondunt scientiam, os autem stulti ruinae proximum est.

Prís 12:23 - Homo versutus celat scientiam, et cor insipientium provocat stultitiam.

Prís 13:16 - Omnis astutus agit cum consilio; qui autem fatuus est, aperit stultitiam.

Verš 2

Ambulans recto itinere timet Deum; despicit illum, qui infami graditur via.

Jób 12:4 - Qui deridetur ab amico suo sicut ego, invocabit Deum, et exaudiet eum; deridetur enim iusti integritas.

Verš 5

Testis fidelis non mentitur, profert autem mendacium dolosus testis.

Ex 23:1 - Non suscipies famam falsam nec iunges manum tuam cum impio, ut dicas falsum testimonium.

Prís 12:17 - Qui spirat veritatem, index iustitiae est, testis autem mendax, fraudulentiae.

Verš 12

Est via, quae videtur homini recta, novissima autem eius deducunt ad mortem.

Prís 16:25 - Est via, quae videtur homini recta, et novissima eius ducunt ad mortem.

Verš 13

Etiam in risu cor dolore miscebitur, et extrema gaudii luctus occupat.

Prís 5:4 - novissima autem illius amara quasi absinthium et acuta quasi gladius biceps.

Verš 14

Viis suis replebitur stultus, et super eum erit vir bonus.

Prís 1:31 - Comedent igitur fructus viae suae suisque consiliis saturabuntur.

Verš 20

Etiam proximo suo pauper odiosus erit, amici vero divitum multi.

Prís 19:4 - Divitiae addunt amicos plurimos; pauper autem ab amico suo separatur.

Prís 19:7 - Omnes fratres hominis pauperis oderunt eum, insu7per et amici procul recesserunt ab eo; qui tantum verba sectatur, nihil habebit.

Verš 22

Nonne errant, qui operantur malum? Misericordia et veritas iis, qui praeparant bona.

Lk 6:38 - date, et dabitur vobis: mensuram bonam, confertam, coagitatam, supereffluentem dabunt in sinum vestrum; eadem quippe mensura, qua mensi fueritis, remetietur vobis ”.

Verš 27

Timor Domini fons vitae, declinans a laqueis mortis.

Prís 10:11 - Vena vitae os iusti, et os impiorum operit violentiam.

Prís 13:14 - Lex sapientis fons vitae, ut declinet a laqueis mortis.

Verš 31

Qui calumniatur egentem, exprobrat Factori eius; honorat autem eum, qui miseretur pauperis.

Prís 17:5 - Qui despicit pauperem, exprobrat Factori eius; et, qui in ruina laetatur alterius, non erit impunitus.

Prís 14:21 - Qui despicit proximum suum, peccat; qui autem miseretur pauperis, beatus erit.

Pris 14,3 - Porov. 10,13.

Pris 14,4 - Porov. 10,4.

Pris 14,6 - Porov. 15,14; 17,24.

Pris 14,7 - Pôvodný text porušený. Preklad podľa zmyslu.

Pris 14,9 - V prvom polverši text porušený.

Pris 14,24 - Preklad verša s opravami pôvodného textu podľa LXX.

Pris 14,32 - Druhý polverš opravený podľa LXX. V pôvodine miesto "bezúhonnosťou" je "vo svojej smrti".