Žalmy

1 ----
1 (HEM) לדוד ריבה יהוה את יריבי לחם את לחמי׃

2 ----
2 (HEM) החזק מגן וצנה וקומה בעזרתי׃

3 ----
3 (HEM) והרק חנית וסגר לקראת רדפי אמר לנפשי ישעתך אני׃

4 ----
4 (HEM) יבשו ויכלמו מבקשי נפשי יסגו אחור ויחפרו חשבי רעתי׃

5 ----
5 (HEM) יהיו כמץ לפני רוח ומלאך יהוה דוחה׃

6 ----
6 (HEM) יהי דרכם חשך וחלקלקות ומלאך יהוה רדפם׃

7 ----
7 (HEM) כי חנם טמנו לי שחת רשתם חנם חפרו לנפשי׃

8 ----
8 (HEM) תבואהו שואה לא ידע ורשתו אשר טמן תלכדו בשואה יפל בה׃

9 ----
9 (HEM) ונפשי תגיל ביהוה תשיש בישועתו׃

10 ----
10 (HEM) כל עצמותי תאמרנה יהוה מי כמוך מציל עני מחזק ממנו ועני ואביון מגזלו׃

11 ----
11 (HEM) יקומון עדי חמס אשר לא ידעתי ישאלוני׃

12 ----
12 (HEM) ישלמוני רעה תחת טובה שכול לנפשי׃

13 ----
13 (HEM) ואני בחלותם לבושי שק עניתי בצום נפשי ותפלתי על חיקי תשוב׃

14 ----
14 (HEM) כרע כאח לי התהלכתי כאבל אם קדר שחותי׃

15 ----
15 (HEM) ובצלעי שמחו ונאספו נאספו עלי נכים ולא ידעתי קרעו ולא דמו׃

16 ----
16 (HEM) בחנפי לעגי מעוג חרק עלי שנימו׃

17 ----
17 (HEM) אדני כמה תראה השיבה נפשי משאיהם מכפירים יחידתי׃

18 ----
18 (HEM) אודך בקהל רב בעם עצום אהללך׃

19 ----
19 (HEM) אל ישמחו לי איבי שקר שנאי חנם יקרצו עין׃

20 ----
20 (HEM) כי לא שלום ידברו ועל רגעי ארץ דברי מרמות יחשבון׃

21 ----
21 (HEM) וירחיבו עלי פיהם אמרו האח האח ראתה עינינו׃

22 ----
22 (HEM) ראיתה יהוה אל תחרש אדני אל תרחק ממני׃

23 ----
23 (HEM) העירה והקיצה למשפטי אלהי ואדני לריבי׃

24 ----
24 (HEM) שפטני כצדקך יהוה אלהי ואל ישמחו לי׃

25 ----
25 (HEM) אל יאמרו בלבם האח נפשנו אל יאמרו בלענוהו׃

26 ----
26 (HEM) יבשו ויחפרו יחדו שמחי רעתי ילבשו בשת וכלמה המגדילים עלי׃

27 ----
27 (HEM) ירנו וישמחו חפצי צדקי ויאמרו תמיד יגדל יהוה החפץ שלום עבדו׃

28 ----
28 (HEM) ולשוני תהגה צדקך כל היום תהלתך׃