2. kniha Machabejcov

1 (VUL) Invenitur autem in descriptio nibus quod Ieremias propheta iussit eos ignem accipere, qui transmigrabant, ut significatum est,
1 ----

2 (VUL) et ut mandavit propheta transmigratis dans illis legem, ne obliviscerentur praecepta Domini et ut non exerrarent mentibus videntes simulacra aurea et argentea et ornamenta eorum.
2 ----

3 (VUL) Et alia huiusmodi dicens hortabatur, ne legem amoverent a corde suo.
3 ----

4 (VUL) Erat autem in ipsa scriptura quomodo tabernaculum et arcam iussit propheta, divino responso ad se facto, comitari secum, usquequo exiit in montem, in quo Moyses ascendit et vidit Dei hereditatem.
4 ----

5 (VUL) Et veniens Ieremias invenit domum speluncae; et tabernaculum et arcam et altare incensi intulit illuc et ostium obstruxit.
5 ----

6 (VUL) Et accesserunt quidam ex his, qui simul sequebantur, ut notarent viam, et non potuerunt invenire.
6 ----

7 (VUL) Ut autem cognovit Ieremias, culpans illos dixit quod ignotus erit locus, donec congreget Deus congregationem populi et misericordia fiat;
7 ----

8 (VUL) et tunc Dominus ostendet haec, et apparebit maiestas Domini, et nubes erit, sicut et sub Moyse manifestabatur, sicut et Salomon petiit, ut locus sanctificaretur magnifice.
8 ----

9 (VUL) Manifestabatur autem et ut sapientiam habens obtulit sacrificium dedicationis et consummationis templi.
9 ----

10 (VUL) Sicut et Moyses orabat ad Dominum, et descendit ignis de caelo et consumpsit sacrificia, sic et Salomon oravit, et descendit ignis de caelo et consumpsit holocausta.
10 ----

11 (VUL) Et dixit Moyses: “ Eo quod non sit comestum, quod erat pro peccato, consumptum est ”.
11 ----

12 (VUL) Similiter et Salomon octo dies celebravit.
12 ----

13 (VUL) Inferebantur autem in descriptionibus et commentariis secundum Nehemiam haec eadem, et ut construens bibliothecam congregavit libros de regibus et prophetis et libros David et epistulas regum de donariis.
13 ----

14 (VUL) Similiter autem et Iudas ea, quae deciderant per bellum, quod nobis acciderat, congregavit omnia, et sunt apud nos.
14 ----

15 (VUL) Si ergo desideratis haec, mittite, qui perferant vobis.
15 ----

16 (VUL) Acturi itaque purificationem, scripsimus vobis; bene ergo facietis, si egeritis hos dies.
16 ----

17 (VUL) Deus autem, qui liberavit universum populum suum et reddidit hereditatem omnibus et regnum et sacerdotium et sanctificationem,
17 ----

18 (VUL) sicut promisit in lege. Speramus enim in Deo quod cito nostri miserebitur et congregabit de sub caelo in locum sanctum; eripuit enim nos de magnis periculis et locum purgavit.
18 ----

19 (VUL) De Iuda vero Maccabaeo et fratribus eius et de templi magni purificatione et de arae dedicatione,
19 ----

20 (VUL) sed et de proeliis, quae pertinent ad Antiochum Epiphanem et filium eius Eupatorem,
20 ----

21 (VUL) et de illuminationibus, quae de caelo factae sunt ad eos, qui generose pro Iudaismo fortiter fecerunt, ita ut universam regionem, cum pauci essent, vindicarent et barbaram multitudinem fugarent
21 ----

22 (VUL) et famosissimum in toto orbe templum recuperarent et civitatem liberarent et leges, quae futurum erat ut abolerentur, restituerentur, Domino cum omni clementia propitio facto illis,
22 ----

23 (VUL) quae omnia ab Iasone Cyrenaeo quinque libris declarata sunt, tentavimus nos uno volumine breviare.
23 ----

24 (VUL) Considerantes enim multitudinem numerorum et difficultatem, quae adest volentibus aggredi narrationes historiarum propter multitudinem rerum,
24 ----

25 (VUL) curavimus volentibus quidem legere, ut esset animi oblectatio, studiosis vero, ut facilius possint memoriae commendare, omnibus autem legentibus utilitas conferatur.
25 ----

26 (VUL) Et nobis quidem ipsis, qui hoc opus breviandi causa suscepimus, non facilem laborem, immo vero negotium plenum vigiliarum et sudoris assumpsimus.
26 ----

27 (VUL) Sicut praeparanti convivium et quaerenti aliorum utilitatem non facile est, tamen propter multorum gratiam libenter laborem sustinebimus,
27 ----

28 (VUL) accurate quidem de singulis elaborare auctori concedentes, ipsi autem persequi datam formam brevitati studentes.
28 ----

29 (VUL) Sicut enim novae domus architecto de universa structura curandum est, ei vero, qui inurere et pingere curat, quae apta sunt ad ornatum exquirenda sunt, ita aestimo et in nobis.
29 ----

30 (VUL) Inire quidem et deambulacrum facere verborum et curiosius partes singulas quasque disquirere historiae congruit auctori;
30 ----

31 (VUL) brevitatem vero dictionis sectari et exsecutionem rerum vitare brevianti concedendum est.
31 ----

32 (VUL) Hinc ergo narrationem incipiemus, praedictis tantulo subiuncto; stultum etenim est ante historiam efffluere, ipsam autem historiam concidere.
32 ----