Kniha Sirachovcova

1 (VUL) Noli facere mala, et mala non te apprehendent;
1 ----

2 (VUL) discede ab iniquitate, et deficiet abs te.
2 ----

3 (VUL) Fili, non semines in sulcis iniustitiae et non metes ea in septuplum.
3 ----

4 (VUL) Noli quaerere a Domino ducatum neque a rege cathedram honoris.
4 ----

5 (VUL) Non te iustifices ante Deum, quoniam agnitor cordis ipse est; et penes regem noli velle videri sapiens.
5 ----

6 (VUL) Noli quaerere fieri iudex, nisi valeas virtute irrumpere iniquitates; ne forte extimescas faciem potentis et ponas scandalum in aequitate tua.
6 ----

7 (VUL) Non pecces in multitudinem civitatis nec te immittas in populum.
7 ----

8 (VUL) Neque alliges duplicia peccata; nec enim in uno eris immunis.
8 ----

9 (VUL) Noli esse pusillanimis in oratione tua;
9 ----

10 (VUL) exorare et facere eleemosynam ne despicias.
10 ----

11 (VUL) Ne dicas: “ In multitudine munerum meorum respiciet Deus et, offerente me Deo altissimo, munera mea suscipiet ”.
11 ----

12 (VUL) Non irrideas hominem in amaritudine animae; est enim, qui humiliat et exaltat, circumspector Deus.
12 ----

13 (VUL) Noli arare mendacium adversus fratrem tuum neque in amicum similiter facias.
13 ----

14 (VUL) Noli velle mentiri omne mendacium, assiduitas enim illius non est bona.
14 ----

15 (VUL) Noli verbosus esse in multitudine presbyterorum et non iteres verbum in oratione tua.
15 ----

16 (VUL) Non oderis laboriosa opera et rusticationem creatam ab Altissimo.
16 ----

17 (VUL) Non te reputes in multitudine indisciplinatorum;
17 ----

18 (VUL) memento irae, quoniam non tardabit.
18 ----

19 (VUL) Humilia valde spiritum tuum, quoniam vindicta carnis impii ignis et vermis.
19 ----

20 (VUL) Noli commutare amicum cum pecunia neque fratrem carissimum cum auro Ophir.
20 ----

21 (VUL) Noli discedere a muliere sensata et bona, quam sortitus es in timore Domini; gratia enim verecundiae illius super aurum.
21 ----

22 (VUL) Non laedas servum operantem in veritate neque mercennarium dantem animam suam.
22 ----

23 (VUL) Servus sensatus sit tibi dilectus quasi anima tua; non defraudes illum libertate neque inopem derelinquas illum.
23 ----

24 (VUL) Pecora tibi sunt? Attende illis, et, si sunt utilia, perseverent apud te.
24 ----

25 (VUL) Filii tibi sunt? Erudi illos et curva a pueritia cervicem illorum.
25 ----

26 (VUL) Filiae tibi sunt? Serva corpus illarum et non ostendas hilarem faciem tuam ad illas.
26 ----

27 (VUL) Trade filiam, et grande opus feceris, et homini sensato da illam.
27 ----

28 (VUL) Mulier si est tibi secundum animam tuam, non proicias illam, sed odibili non credas teipsum. In toto corde tuo
28 ----

29 (VUL) honora patrem tuum et gemitus matris tuae ne obliviscaris.
29 ----

30 (VUL) Memento quoniam, nisi per illos, natus non fuisses; et quid retribues illis, quomodo et illi tibi?
30 ----

31 (VUL) In tota anima tua time Dominum et sacerdotes illius sanctifica.
31 ----

32 (VUL) In omni virtute tua dilige eum, qui te fecit, et ministros eius ne derelinquas.
32 ----

33 (VUL) Honora Deum ex tota anima tua et honorifica sacerdotes.
33 ----

34 (VUL) Da illis partem, sicut mandatum est tibi, primitiarum et purgationis et de neglegentia
34 ----

35 (VUL) et armum in oblationem et sacrificium sanctificationis et primitias sanctorum.
35 ----

36 (VUL) Et pauperi porrige manum tuam, ut perficiatur propitiatio et benedictio tua.
36 ----

37 (VUL) Gratia dati in conspectu omnis viventis, sed et mortuo non prohibeas gratiam.
37 ----

38 (VUL) Non desis plorantibus in consolatione et cum lugentibus luge.
38 ----

39 (VUL) Non te pigeat visitare infirmum, ex his enim in dilectione firmaberis.
39 ----

40 (VUL) In omnibus operibus tuis memorare novissima tua et in aeternum non peccabis.
40 ----