![](/static/default/img/arrow_right.png) | Kniha SirachovcovaBiblia - Sväté písmo(VUL - Latinský - Nova Vulgata) | Sir 48, 1-28 |
1 (VUL) Et surrexit Elias propheta quasi ignis, et verbum ipsius quasi facula ardebat.
1 ----
2 (VUL) Qui induxit in illos famem et zelo suo paucos fecit eos.
2 ----
3 (VUL) Verbo Domini continuit caelum et deiecit de caelo ignem ter.
3 ----
4 (VUL) Quam amplificatus es, Elias, in mirabilibus tuis! Et quis potest similiter gloriari tibi?
4 ----
5 (VUL) Qui suscitasti mortuum de sorte mortis ab inferis in verbo Domini.
5 ----
6 (VUL) Qui deiecisti reges ad perniciem et gloriosos de lecto suo et confregisti facile potentiam ipsorum;
6 ----
7 (VUL) qui audis in Sinai indicium et in Horeb iudicia vindictae.
7 ----
8 (VUL) Qui ungis reges ad retributionem et prophetas facis successores post te;
8 ----
9 (VUL) qui receptus es in turbine ignis et in curru equorum igneorum;
9 ----
10 (VUL) qui scriptus es paratus in tempora lenire iracundiam Domini ante furorem, convertere cor patris ad filium et restituere tribus Iacob.
10 ----
11 (VUL) Beati sunt, qui te viderunt et in amicitia tua dormierunt!
11 ----
12 (VUL) Nam et nos vita quidem vivemus, post mortem autem non erit tale nomen nostrum.
12 ----
13 (VUL) Elias quidem in turbine tectus est, et in Eliseo completus est spiritus eius. In diebus suis non pertimuit principem, et potentia nemo vicit illum;
13 ----
14 (VUL) nec superavit illum verbum aliquod, et mortuum prophetavit corpus eius.
14 ----
15 (VUL) In vita sua fecit monstra et in morte mirabilia operatus est.
15 ----
16 (VUL) In omnibus istis non paenituit populum, et non recesserunt a peccatis suis, usque dum eiecti sunt de terra sua et dispersi sunt in omnem terram;
16 ----
17 (VUL) et relicta est gens perpauca, et princeps in domo David.
17 ----
18 (VUL) Quidam ipsorum fecerunt, quod placeret Deo; alii autem multiplicaverunt peccata.
18 ----
19 (VUL) Ezechias munivit civitatem suam et induxit in medium ipsius aquam et fodit ferro rupem et aedificavit ad aquam puteum.
19 ----
20 (VUL) In diebus ipsius ascendit Sennacherib et misit Rabsacen et discessit, et sustulit manum suam in Sion et superbus factus est in exaltatione sua.
20 ----
21 (VUL) Tunc mota sunt corda et manus ipsorum, et doluerunt quasi parturientes mulieres
21 ----
22 (VUL) et invocaverunt Dominum misericordem et expandentes manus suas extulerunt ad eum, et Sanctus audivit cito vocem ipsorum.
22 ----
23 (VUL) Non est commemoratus peccatorum illorum neque dedit illos inimicis suis, sed purgavit eos in manu Isaiae sancti prophetae;
23 ----
24 (VUL) percussit castra Assyriorum et contrivit illos angelus eius.
24 ----
25 (VUL) Nam fecit Ezechias quod placuit Deo et fortiter ivit in via David patris sui, quam mandavit illi Isaias propheta, magnus et fidelis in visione sua.
25 ----
26 (VUL) In diebus ipsius retro rediit sol, et addidit regi vitam.
26 ----
27 (VUL) Spiritu magno vidit ultima et consolatus est lugentes in Sion; usque in sempiternum ostendit futura
27 ----
28 (VUL) et abscondita, antequam evenirent.
28 ----
![](/static/default/img/arrow_right.png) | | Sir 48, 1-28 |
Sir 48,10 - Eliáš má prísť na konci sveta. Jeho duch sa zjavil už v Jánovi Krstiteľovi, ako Spasiteľ výslovne potvrdzuje, keď hovorí, že už prišiel; to znamená, že pôsobil takým neohrozeným duchom, ako kedysi Eliáš vystupoval proti hriešnemu kráľovi (Mt 17,11 n.). – Sir za blahoslavených pokladá vrstovníkov Eliášových. Vrstovníci Sirachovcovi nie sú takí šťastliví. Tak treba prekladať s hebrejským znením:"Šťastlivý každý, kto ťa kedy videl, aj keď zomrel;ale šťastlivejší si ty sám, ktorý budeš žiť navždy."
Sir 48,13 - Za veršom v hebrejskej osnove nasleduje pokračovanie tohto znenia:"Dva razy toľko zázrakov robila divom bol každý výrok jeho úst." (Porov. 2 Kr 2,9.15)
Sir 48,14 - Keď hodili istú mŕtvolu do hrobu, v ktorom spočívalo mŕtve telo Elizeovo, ten mŕtvy človek len dotykom s jeho kosťami prišiel znovu k životu (2 Kr 13,21).
Sir 48,20 - Rabsake: veliteľ vojska.
Sir 48,26 - Porov. 2 Kr 20,11; Iz 38,8.