Kniha Sirachovcova

1 (VUL) Laus patrum. Laudemus viros gloriosos et parentes nostros in generatione sua.
1 ----

2 (VUL) Multam gloriam fecit Dominus, magnificentiam suam a saeculo.
2 ----

3 (VUL) Dominantes in potestatibus suis, homines magni virtute et prudentia sua praediti, nuntiantes in prophetiis,
3 ----

4 (VUL) regentes populum in consiliis et peritia scripturae populos; verba sapientiae in disciplina eorum,
4 ----

5 (VUL) requirentes modos musicos et narrantes carmina scripturarum;
5 ----

6 (VUL) homines divites innixi virtute, pulchritudinis studium habentes, pacificantes in domibus suis.
6 ----

7 (VUL) Omnes isti in generationibus gentis suae gloriam adepti sunt et a diebus suis habentur in laudibus.
7 ----

8 (VUL) De illis nati sunt, qui reliquerunt nomen narrandi laudes eorum.
8 ----

9 (VUL) Et sunt quorum non est memoria: perierunt quasi qui non fuerint; et nati sunt quasi non nati, et filii ipsorum post ipsos.
9 ----

10 (VUL) Sed hi viri misericordiae sunt, quorum pietates non fuerunt in oblivione.
10 ----

11 (VUL) Cum semine eorum permanent, bona hereditas, nepotes eorum,
11 ----

12 (VUL) et in testamentis stetit semen eorum;
12 ----

13 (VUL) et filii eorum propter illos. Usque in aeternum manet semen eorum, et gloria eorum non derelinquetur.
13 ----

14 (VUL) Corpora ipsorum in pace sepulta sunt, et nomen eorum vivit in generationem et generationem;
14 ----

15 (VUL) sapientiam ipsorum narrent populi, et laudem eorum nuntiet ecclesia.
15 ----

16 (VUL) Henoch placuit Deo et translatus est in paradisum, ut det gentibus paenitentiam.
16 ----

17 (VUL) Noe inventus est perfectus iustus et in tempore iracundiae factus est reconciliatio;
17 ----

18 (VUL) propter eum dimissum est reliquum terrae, cum factum est diluvium:
18 ----

19 (VUL) testamenta saeculi posita sunt apud illum, ne deleri posset diluvio omnis caro.
19 ----

20 (VUL) Abraham magnus pater multitudinis gentium, et non est inventa macula in gloria eius; qui conservavit legem Excelsi et fuit in testamento cum illo.
20 ----

21 (VUL) In carne eius stare fecit testamentum, et in tentatione inventus est fidelis.
21 ----

22 (VUL) Ideo iure iurando statuit illi benedici gentes in semine eius, crescere illum quasi terrae cumulum
22 ----

23 (VUL) et ut stellas exaltare semen eius et hereditare illos a mari usque ad mare et a Flumine usque ad terminos terrae.
23 ----

24 (VUL) Et in Isaac eodem modo statuit propter Abraham patrem eius.
24 ----

25 (VUL) Benedictionem omnium gentium dedit illi Dominus et testamentum confirmavit super caput Iacob.
25 ----

26 (VUL) Agnovit eum in benedictionibus suis et dedit illi hereditatem et divisit illi partem in tribubus duodecim.
26 ----

27 (VUL) Et eduxit ex illo hominem misericordiae invenientem gratiam in oculis omnis carnis,
27 ----