| Kniha SirachovcovaBiblia - Sväté písmo(VUL - Latinský - Nova Vulgata) | Sir 44, 1-27 |
1 Sir 44, 1 Laus patrum. Laudemus viros gloriosos et parentes nostros in generatione sua. 2 Sir 44, 2 Multam gloriam fecit Dominus, magnificentiam suam a saeculo. 3 Sir 44, 3 Dominantes in potestatibus suis, homines magni virtute et prudentia sua praediti, nuntiantes in prophetiis, 4 Sir 44, 4 regentes populum in consiliis et peritia scripturae populos; verba sapientiae in disciplina eorum, 5 Sir 44, 5 requirentes modos musicos et narrantes carmina scripturarum; 6 Sir 44, 6 homines divites innixi virtute, pulchritudinis studium habentes, pacificantes in domibus suis. 7 Sir 44, 7 Omnes isti in generationibus gentis suae gloriam adepti sunt et a diebus suis habentur in laudibus. 8 Sir 44, 8 De illis nati sunt, qui reliquerunt nomen narrandi laudes eorum. 9 Sir 44, 9 Et sunt quorum non est memoria: perierunt quasi qui non fuerint; et nati sunt quasi non nati, et filii ipsorum post ipsos. 10 Sir 44, 10 Sed hi viri misericordiae sunt, quorum pietates non fuerunt in oblivione. 11 Sir 44, 11 Cum semine eorum permanent, bona hereditas, nepotes eorum, 12 Sir 44, 12 et in testamentis stetit semen eorum; 13 Sir 44, 13 et filii eorum propter illos. Usque in aeternum manet semen eorum, et gloria eorum non derelinquetur. 14 Sir 44, 14 Corpora ipsorum in pace sepulta sunt, et nomen eorum vivit in generationem et generationem; 15 Sir 44, 15 sapientiam ipsorum narrent populi, et laudem eorum nuntiet ecclesia. 16 Sir 44, 16 Henoch placuit Deo et translatus est in paradisum, ut det gentibus paenitentiam. 17 Sir 44, 17 Noe inventus est perfectus iustus et in tempore iracundiae factus est reconciliatio; 18 Sir 44, 18 propter eum dimissum est reliquum terrae, cum factum est diluvium: 19 Sir 44, 19 testamenta saeculi posita sunt apud illum, ne deleri posset diluvio omnis caro. 20 Sir 44, 20 Abraham magnus pater multitudinis gentium, et non est inventa macula in gloria eius; qui conservavit legem Excelsi et fuit in testamento cum illo. 21 Sir 44, 21 In carne eius stare fecit testamentum, et in tentatione inventus est fidelis. 22 Sir 44, 22 Ideo iure iurando statuit illi benedici gentes in semine eius, crescere illum quasi terrae cumulum 23 Sir 44, 23 et ut stellas exaltare semen eius et hereditare illos a mari usque ad mare et a Flumine usque ad terminos terrae. 24 Sir 44, 24 Et in Isaac eodem modo statuit propter Abraham patrem eius. 25 Sir 44, 25 Benedictionem omnium gentium dedit illi Dominus et testamentum confirmavit super caput Iacob. 26 Sir 44, 26 Agnovit eum in benedictionibus suis et dedit illi hereditatem et divisit illi partem in tribubus duodecim. 27 Sir 44, 27 Et eduxit ex illo hominem misericordiae invenientem gratiam in oculis omnis carnis,
| | Sir 44, 1-27 |
Sir 44,1 - Sir dokazuje teraz svoje tvrdenie (hl. 24), že múdrosť vždy prebývala vo vyvolenom národe tým, že z dejín svojho národa uvádza všetkých významných mužov. Tým sa čitateľ presvedčí o tom, že bohabojnosť a oddanosť Bohu mali v izraelskom národe vynikajúcich predstaviteľov.
Sir 44,17 - V hebrejskom je:"Noe bol uznaný za spravodlivého bez úhony,za doby skazy stal sa praotcom.Pre neho zostal zvyšoka pre zmluvu s ním prestala potopa."
Sir 44,21 - Abrahám prijal obriezku ako potvrdenie svojej zmluvy s Bohom. Porov. Rim 4,11.