Kniha Sirachovcova

1 (VUL) Gloria altitudinis firmamentum puritatis, species caeli in visione gloriae.
1 ----

2 (VUL) Sol in apparitione annuntians in processu: vas admirabile, opus Excelsi.
2 ----

3 (VUL) In meridiano suo exurit terram; et in conspectu ardoris eius quis poterit sustinere? Fornacem ventilans in operibus ardoris tripliciter,
3 ----

4 (VUL) sol exurens montes, vapores igneos exsufflans et refulgens radiis suis obcaecat oculos.
4 ----

5 (VUL) Magnus Dominus, qui fecit illum et sermonibus eius festinavit iter.
5 ----

6 (VUL) Et luna stat in tempus suum, in ostensionem temporis et signum aevi.
6 ----

7 (VUL) A luna signum diei festi; luminare, quod minuitur in consummatione.
7 ----

8 (VUL) Mensis secundum nomen eius est, crescens mirabiliter in consummatione.
8 ----

9 (VUL) Vas castrorum in excelsis, in firmamento caeli resplendens gloriose.
9 ----

10 (VUL) Species caeli gloria stellarum, mundum illuminans in excelsis Domini.
10 ----

11 (VUL) In verbis Sancti stabunt iuxta praeceptum et non deficient in vigiliis suis.
11 ----

12 (VUL) Vide arcum et benedic eum, qui fecit illum; valde speciosus est in splendore suo.
12 ----

13 (VUL) Gyravit caelum in circuitu gloriae suae, manus Excelsi tetenderunt illum.
13 ----

14 (VUL) Imperio suo acceleravit nivem et properat coruscationes iudicii sui.
14 ----

15 (VUL) Propterea aperti sunt thesauri, et evolaverunt nebulae sicut aves.
15 ----

16 (VUL) In magnitudine sua firmavit nubes, et confracti sunt lapides grandinis. Vox tonitrui eius tremefacit terram,
16 ----

17 (VUL) in conspectu eius commovebuntur montes. In voluntate eius aspirabit notus,
17 ----

18 (VUL) tempestas aquilonis et congregatio spiritus.
18 ----

19 (VUL) Et, sicut aves deponentes ad sedendum, aspergit nivem, et, sicut locusta demergens, descensus eius:
19 ----

20 (VUL) pulchritudinem candoris eius admirabitur oculus, et super imbrem eius expavescet cor.
20 ----

21 (VUL) Gelu sicut salem effundet super terram, et, dum gelaverit, fit tamquam cacumina tribuli.
21 ----

22 (VUL) Frigidus ventus aquilo flabit, et gelabit crystallus super aquam; super omnem congregationem aquarum requiescet, et sicut lorica induet se aqua.
22 ----

23 (VUL) Devorabit montes et exuret desertum et exstinguet viridem sicut ignis.
23 ----

24 (VUL) Medicina omnium in festinatione nebulae, et ros obvians ab ardore hilarescet.
24 ----

25 (VUL) Cogitatione sua placavit abyssum et plantavit in illa insulas.
25 ----

26 (VUL) Qui navigant mare, enarrant pericula eius, et audientes auribus nostris admiramur.
26 ----

27 (VUL) Illic praeclara opera et mirabilia, varia bestiarum genera et omnium pecorum et creatura belluarum.
27 ----

28 (VUL) Propter ipsum iter prosperat angelus eius, et in sermone eius composita sunt omnia.
28 ----

29 (VUL) Multa dicemus et deficiemus verbis; consummatio autem sermonum: “ Ipse est omnia!”.
29 ----

30 (VUL) Glorificantes ad quid valebimus? Ipse enim Magnus super omnia opera sua.
30 ----

31 (VUL) Terribilis Dominus et magnus vehementer, et mirabilis potentia ipsius.
31 ----

32 (VUL) Glorificantes Dominum exaltate, quantumcumque potueritis: supervalebit enim adhuc, et admirabilis magnificentia eius.
32 ----

34 (VUL) Exaltantes eum replemini virtute; ne laboretis, non enim pervenietis usquam.
33 ----

35 (VUL) Quis vidit eum et enarrabit? Et quis magnificabit eum sicut est?
34 ----

36 (VUL) Multa abscondita sunt maiora his; pauca enim vidimus operum eius.
35 ----

37 (VUL) Omnia autem Dominus fecit et pie agentibus dedit sapientiam.
36 ----