Kniha Sirachovcova

1 (VUL) Omnis amicus dicet: “ Et ego amicitiam copulavi! ”; sed est amicus solo nomine amicus. Nonne tristitia appropinquans usque ad mortem:
1 ----

2 (VUL) sodalis et amicus ad inimicitiam conversus?
2 ----

3 (VUL) O praesumptio nequissima, unde creata es cooperire aridam malitia et dolositate illius?
3 ----

4 (VUL) Sodalis amico coniucundatur in oblectationibus et in tempore tribulationis adversarius erit;
4 ----

5 (VUL) sodalis amico condolet causa ventris et contra hostem accipiet scutum.
5 ----

6 (VUL) Non obliviscaris amici tui in animo tuo et non immemor sis illius in opibus tuis.
6 ----

7 (VUL) Noli consiliari cum eo, qui tibi insidiatur, et a zelantibus te absconde consilium.
7 ----

8 (VUL) Omnis consiliarius prodit consilium, sed est consiliarius pro semetipso.
8 ----

9 (VUL) A consiliario serva animam tuam et prius scito quae sit illius necessitas et ipse enim animo suo cogitabit
9 ----

10 (VUL) ne forte mittat super te sortem et dicat tibi:
10 ----

11 (VUL) “ Bona est via tua ” et stet e contrario videre quid tibi eveniat.
11 ----

12 (VUL) Noli consiliari cum invido et a zelante te consilium absconde; nec cum muliere de ea, quae ei aemulatur, cum timido de bello, cum negotiatore de traiecticio, cum emptore de venditione, cum viro livido de gratiis agendis,
12 ----

13 (VUL) cum impio de pietate, cum inhonesto de honestate, cum operario otioso de omni opere,
13 ----

14 (VUL) cum mercennario annuali de consummatione anni, cum servo pigro de multa operatione: non attendas his in omni consilio.
14 ----

15 (VUL) Sed cum viro timorato assiduus esto, quemcumque cognoveris observantem mandata,
15 ----

16 (VUL) cuius anima est secundum animam tuam, et qui, cum titubaveris in tenebris, condolebit tibi.
16 ----

17 (VUL) Et consilium cordis statue tecum; non est enim tibi aliud fidelius illo.
17 ----

18 (VUL) Anima viri enuntiat aliquando vera quam septem circumspectores sedentes in excelso ad speculandum.
18 ----

19 (VUL) Et in his omnibus deprecare Altissimum, ut dirigat in veritate viam tuam.
19 ----

20 (VUL) Ante omnia opera verbum verax praecedat te, et ante omnem actum consilium stabile.
20 ----

21 (VUL) Radix consiliorum cor, ex quo partes quattuor oriuntur: bonum et malum, vita et mors; et dominatrix illorum est assidua lingua.
21 ----

22 (VUL) Est vir peritus multorum eruditor et animae suae inutilis est.
22 ----

23 (VUL) Est qui sophistice loquitur et odibilis est; in omni cibo voluptatis defraudabitur.
23 ----

24 (VUL) Non est illi data a Domino gratia: omni enim sapientia defraudatus est.
24 ----

25 (VUL) Est sapiens animae suae sapiens, et fructus sensus illius super corpus suum.
25 ----

26 (VUL) Vir sapiens plebem suam erudit, et fructus sensus illius fideles sunt.
26 ----

27 (VUL) Vir sapiens implebitur benedictionibus, et omnes videntes illum beatum dicent.
27 ----

28 (VUL) Vita viri in numero dierum; dies autem Israel innumerabiles sunt.
28 ----

29 (VUL) Sapiens in populo hereditabit honorem, et nomen illius erit vivens in aeternum.
29 ----

30 (VUL) Fili, in vita tua tenta animam tuam et vide si quid obnoxium ei est: non des illi.
30 ----

31 (VUL) Non enim omnia omnibus expediunt, et non omni animae omne genus placet.
31 ----

32 (VUL) Noli avidus esse in omni epulatione et non te effundas super omnem escam.
32 ----

33 (VUL) In multis enim escis erit infirmitas, et aviditas appropinquabit usque ad choleram.
33 ----

34 (VUL) Propter crapulam multi obierunt; qui autem abstinens est, adiciet vitam.
34 ----