  | Kniha SirachovcovaBiblia - Sväté písmo(VUL - Latinský - Nova Vulgata) | Sir 37, 1-34 |
1 Sir 37, 1 Omnis amicus dicet: “ Et ego amicitiam copulavi! ”; sed est amicus solo nomine amicus. Nonne tristitia appropinquans usque ad mortem: 2 Sir 37, 2 sodalis et amicus ad inimicitiam conversus? 3 Sir 37, 3 O praesumptio nequissima, unde creata es cooperire aridam malitia et dolositate illius? 4 Sir 37, 4 Sodalis amico coniucundatur in oblectationibus et in tempore tribulationis adversarius erit; 5 Sir 37, 5 sodalis amico condolet causa ventris et contra hostem accipiet scutum. 6 Sir 37, 6 Non obliviscaris amici tui in animo tuo et non immemor sis illius in opibus tuis. 7 Sir 37, 7 Noli consiliari cum eo, qui tibi insidiatur, et a zelantibus te absconde consilium. 8 Sir 37, 8 Omnis consiliarius prodit consilium, sed est consiliarius pro semetipso. 9 Sir 37, 9 A consiliario serva animam tuam et prius scito quae sit illius necessitas et ipse enim animo suo cogitabit 10 Sir 37, 10 ne forte mittat super te sortem et dicat tibi: 11 Sir 37, 11 “ Bona est via tua ” et stet e contrario videre quid tibi eveniat. 12 Sir 37, 12 Noli consiliari cum invido et a zelante te consilium absconde; nec cum muliere de ea, quae ei aemulatur, cum timido de bello, cum negotiatore de traiecticio, cum emptore de venditione, cum viro livido de gratiis agendis, 13 Sir 37, 13 cum impio de pietate, cum inhonesto de honestate, cum operario otioso de omni opere, 14 Sir 37, 14 cum mercennario annuali de consummatione anni, cum servo pigro de multa operatione: non attendas his in omni consilio. 15 Sir 37, 15 Sed cum viro timorato assiduus esto, quemcumque cognoveris observantem mandata, 16 Sir 37, 16 cuius anima est secundum animam tuam, et qui, cum titubaveris in tenebris, condolebit tibi. 17 Sir 37, 17 Et consilium cordis statue tecum; non est enim tibi aliud fidelius illo. 18 Sir 37, 18 Anima viri enuntiat aliquando vera quam septem circumspectores sedentes in excelso ad speculandum. 19 Sir 37, 19 Et in his omnibus deprecare Altissimum, ut dirigat in veritate viam tuam. 20 Sir 37, 20 Ante omnia opera verbum verax praecedat te, et ante omnem actum consilium stabile. 21 Sir 37, 21 Radix consiliorum cor, ex quo partes quattuor oriuntur: bonum et malum, vita et mors; et dominatrix illorum est assidua lingua. 22 Sir 37, 22 Est vir peritus multorum eruditor et animae suae inutilis est. 23 Sir 37, 23 Est qui sophistice loquitur et odibilis est; in omni cibo voluptatis defraudabitur. 24 Sir 37, 24 Non est illi data a Domino gratia: omni enim sapientia defraudatus est. 25 Sir 37, 25 Est sapiens animae suae sapiens, et fructus sensus illius super corpus suum. 26 Sir 37, 26 Vir sapiens plebem suam erudit, et fructus sensus illius fideles sunt. 27 Sir 37, 27 Vir sapiens implebitur benedictionibus, et omnes videntes illum beatum dicent. 28 Sir 37, 28 Vita viri in numero dierum; dies autem Israel innumerabiles sunt. 29 Sir 37, 29 Sapiens in populo hereditabit honorem, et nomen illius erit vivens in aeternum. 30 Sir 37, 30 Fili, in vita tua tenta animam tuam et vide si quid obnoxium ei est: non des illi. 31 Sir 37, 31 Non enim omnia omnibus expediunt, et non omni animae omne genus placet. 32 Sir 37, 32 Noli avidus esse in omni epulatione et non te effundas super omnem escam. 33 Sir 37, 33 In multis enim escis erit infirmitas, et aviditas appropinquabit usque ad choleram. 34 Sir 37, 34 Propter crapulam multi obierunt; qui autem abstinens est, adiciet vitam.
| | | Sir 37, 1-34 |
Sir 37,5 - Hebr. text lepšie vystihuje dobrého priateľa, keď hovorí:"Dobrý priateľ bojuje s nepriateľom,proti odporcom chopí sa štítu."
Sir 37,6 - Aj tu je hebrejský verš jasnejší:"Nezabúdaj na priateľa v boji,ani ho neopúšťaj s korisťou."
Sir 37,12-14 - Uvádza viaceré príklady a typy ľudí, s ktorými rozumný človek nikdy sa nebude radiť. Lebo sú to zaujatí poradcovia, alebo sú vôbec neschopní rady dať.
Sir 37,20 - Podľa úmyslu môže byť tá istá vec aj dobrá alebo zlá. No zlú vec úmysel – čo by bol akokoľvek dobrý – nezmení na vec dobrú.
