Kniha Sirachovcova

1 (VUL) Miserere nostri, Deus omnium, et respice nos et ostende nobis lucem miserationum tuarum;
1 ----

2 (VUL) et immitte timorem tuum super gentes, quae non exquisierunt te, ut cognoscant quia non est Deus nisi tu, et enarrent magnalia tua.
2 ----

3 (VUL) Alleva manum tuam super gentes alienas, ut videant potentiam tuam.
3 ----

4 (VUL) Sicut enim in conspectu eorum sanctificatus es in nobis, sic in conspectu nostro magnificaberis in eis,
4 ----

5 (VUL) ut cognoscant, sicut et nos cognovimus, quoniam non est Deus praeter te, Domine.
5 ----

6 (VUL) Innova signa et itera mirabilia,
6 ----

7 (VUL) glorifica manum et firma brachium dextrum,
7 ----

8 (VUL) excita furorem et effunde iram,
8 ----

9 (VUL) tolle adversarium et afflige inimicum.
9 ----

10 (VUL) Festina tempus et memento praefinitionis, et enarrentur mirabilia tua.
10 ----

11 (VUL) In ira flammae devoretur, qui salvatur; et, qui pessimant plebem tuam, inveniant perditionem.
11 ----

12 (VUL) Contere caput principum inimicorum dicentium: “ Non est alius praeter nos!”.
12 ----

13 (VUL) Congrega omnes tribus Iacob et hereditabis eos sicut ab initio.
13 ----

14 (VUL) Miserere plebi tuae, super quam invocatum est nomen tuum, et Israel, quem coaequasti primogenito tuo.
14 ----

15 (VUL) Miserere civitati sanctificationis tuae, Ierusalem, loco requiei tuae.
15 ----

16 (VUL) Reple Sion maiestate tua et gloria tua templum tuum.
16 ----

17 (VUL) Da testimonium his, qui ab initio creaturae tuae sunt, et suscita praedicationes, quas locuti sunt in nomine tuo.
17 ----

18 (VUL) Da mercedem sustinentibus te, ut prophetae tui fideles inveniantur. Et exaudi orationes servorum tuorum,
18 ----

19 (VUL) secundum beneplacitum super populo tuo, et dirige nos in viam iustitiae, et sciant omnes, qui habitant terram, quia tu es Deus saeculorum.
19 ----

20 (VUL) Omnem escam manducabit venter, et est cibus cibo melior;
20 ----

21 (VUL) fauces percipiunt cibum ferae, et cor sensatum verba mendacia.
21 ----

22 (VUL) Cor pravum dabit tristitiam, et homo peritus retribuet illi.
22 ----

23 (VUL) Omnem masculum excipiet mulier, est autem filia melior filia.
23 ----

24 (VUL) Species mulieris exhilarat faciem viri sui, et super omnem concupiscentiam hominis superducit desiderium.
24 ----

25 (VUL) Insuper, si est super lingua eius curatio et mitigatio et misericordia, non est vir illius secundum filios hominum.
25 ----

26 (VUL) Qui possidet mulierem bonam, inchoat possessionem, adiutorium secundum illum est et columna requiei.
26 ----

27 (VUL) Ubi non est saepes, diripietur vinea, et ubi non est mulier, ingemiscet errans.
27 ----

28 (VUL) Quis credit ei, qui non habet nidum et deflectens ubicumque obscuraverit, quasi succinctus latro exsiliens de civitate in civitatem?
28 ----