  | Kniha SirachovcovaBiblia - Sväté písmo(VUL - Latinský - Nova Vulgata) | Sir 31, 1-42 |
1 Sir 31, 1 Vigilia divitis tabefacit carnes, et cogitatus illius aufert somnum; 2 Sir 31, 2 cogitatus victus avertit somnum, et infirmitas gravis a somno excitat. 3 Sir 31, 3 Laboravit dives in congregatione substantiae et, si requiescit, replebitur deliciis suis; 4 Sir 31, 4 laboravit pauper in penuria victus et, si requiescit, inops fit. 5 Sir 31, 5 Qui aurum diligit, non iustificabitur, et, qui insequitur lucrum, in eo oberrabit. 6 Sir 31, 6 Multi dati sunt in ruinam auri gratia, et facta est in facie ipsorum perditio illorum. 7 Sir 31, 7 Lignum offensionis est aurum sacrificantium; vae illis, qui sectantur illud: et omnis imprudens capietur in illo. 8 Sir 31, 8 Beatus dives, qui inventus est sine macula et qui post aurum non abiit nec speravit in pecunia et thesauris. 9 Sir 31, 9 Quis est hic, et laudabimus eum? Fecit enim mirabilia in populo suo. 10 Sir 31, 10 Quis probatus est in illo et perfectus est? Erit illi gloria aeterna. Quis potuit transgredi et non est transgressus, facere mala et non fecit? 11 Sir 31, 11 Ideo stabilita sunt bona illius in Domino, et eleemosynas illius enarrabit omnis ecclesia sanctorum. 12 Sir 31, 12 De continentia. Supra mensam magnam sedisti? Non aperias super illam faucem tuam prior. 13 Sir 31, 13 Non dicas: “Multa sunt, quae super illam sunt!”. 14 Sir 31, 14 Memento quoniam malum est oculus nequam; oculum nequam odit Deus. 15 Sir 31, 15 Nequius oculo quid creatum est? Ideo ab omni facie lacrimatur. 16 Sir 31, 16 Quocumque aspexerit, ne extendas manum tuam prior et invidia contaminatus erubescas; 17 Sir 31, 17 nec comprimaris cum eo in catino. 18 Sir 31, 18 Intellege, quae sunt proximi tui, ex teipso et de omni verbo cogita; 19 Sir 31, 19 utere quasi homo frugi his, quae tibi apponuntur, ne, cum manducas multum, odio habearis. 20 Sir 31, 20 Cessa prior disciplinae causa et noli nimius esse, ne forte offendas. 21 Sir 31, 21 Et, si in medio multorum sedisti, prior illis ne extendas manum tuam nec prior poscas bibere. 22 Sir 31, 22 Quam sufficiens est homini erudito vinum exiguum! Et in dormiendo non laborabis ab illo et non senties dolorem. 23 Sir 31, 23 Vigilia, cholera et tortura ventris viro infrunito; 24 Sir 31, 24 somnus sanitatis in homine parco: dormiet usque mane, et anima illius cum ipso delectabitur. 25 Sir 31, 25 Et, si coactus fueris in edendo multum, surge e medio, evome, et refrigerabit te, et non adduces corpori tuo infirmitatem. 26 Sir 31, 26 Audi me, fili, et ne spernas me et in novissimo invenies verba mea. 27 Sir 31, 27 In omnibus operibus tuis esto modestus, et omnis infirmitas non occurret tibi. 28 Sir 31, 28 Splendidum in panibus benedicent labia multorum, et testimonium bonitatis illius fidele; 29 Sir 31, 29 nequissimo in pane murmurabit civitas, et testimonium nequitiae illius verum est. 30 Sir 31, 30 In vino noli provocare; multos enim exterminavit vinum. 31 Sir 31, 31 Fornax probat aciem ferri in intinctione: sic vinum in lite corda superborum. 32 Sir 31, 32 Quasi vita hominibus vinum, si bibas illud moderate. 33 Sir 31, 33 Quae est vita ei, qui minuitur vino? 34 Sir 31, 34 Quid defraudat vitam? Mors. 35 Sir 31, 35 Vinum in iucunditatem creatum est et non in ebrietatem, ab initio. 36 Sir 31, 36 Exsultatio animae et gaudium et voluptas cordis vinum moderate potatum in tempore; 37 Sir 31, 37 sanitas est animae et corpori sobrius potus. 38 Sir 31, 38 Vinum multum potatum irritationem et iram et ruinas multas facit. 39 Sir 31, 39 Amaritudo animae vinum multum potatum in irritatione et ruina. 40 Sir 31, 40 Ebrietas multiplicat animositatem imprudentis in offensionem, minorans virtutem et faciens vulnera. 41 Sir 31, 41 In convivio vini non arguas proximum et non despicias eum in iucunditate illius; 42 Sir 31, 42 verba improperii non dicas illi et non premas illum in repetendo.
| | | Sir 31, 1-42 |
Sir 31,9 - Porov. Zachej, Lk 19,1–10.
Sir 31,17 - Podľa hebrejského lepšie sa preloží takto: "aby si sa s ním nezrazil v mise".
