Kniha Sirachovcova

1 (VUL) De filiis. Qui diligit filium suum, assi duat illi flagella, ut laetetur in novissimo suo.
1 ----

2 (VUL) Qui docet filium suum, fructum habebit in illo et in medio domesticorum in illo gloriabitur.
2 ----

3 (VUL) Qui docet filium suum, in zelum mittet inimicum et in medio amicorum gloriabitur in illo.
3 ----

4 (VUL) Mortuus est pater eius et quasi non est mortuus: similem enim reliquit sibi post se.
4 ----

5 (VUL) In vita sua vidit et laetatus est in illo, in obitu suo non est contristatus. Nec confusus est coram inimicis:
5 ----

6 (VUL) reliquit enim defensorem domus contra inimicos et amicis reddentem gratiam.
6 ----

7 (VUL) Qui blanditur filio, colligabit vulnera eius, et super omnem vocem turbabuntur viscera sua.
7 ----

8 (VUL) Equus indomitus evadit durus, et filius remissus evadet praeceps.
8 ----

9 (VUL) Lacta filium, et paventem te faciet; lude cum eo, et contristabit te.
9 ----

10 (VUL) Non corrideas illi, ne doleas, et in novissimo obstupescent dentes tui.
10 ----

11 (VUL) Non des illi potestatem in iuventute et ne despicias errata illius.
11 ----

12 (VUL) Curva cervicem eius in iuventute et tunde latera eius, dum infans est, ne forte induret et non credat tibi, et erit tibi ab illo dolor animae.
12 ----

13 (VUL) Doce filium tuum et operare in illo, ne in turpitudinem illius offendas.
13 ----

14 (VUL) Melior est pauper sanus et fortis viribus quam dives imbecillis et flagellatus in carne sua.
14 ----

15 (VUL) Salus carnis melior est omni auro et argento, et spiritus validus quam census immensus.
15 ----

16 (VUL) Non est census super censum salutis corporis, et non est oblectatio super cordis gaudium.
16 ----

17 (VUL) Melior est mors quam vita amara, et requies aeterna quam languor perseverans.
17 ----

18 (VUL) Bona effusa in ore clauso quasi appositiones epularum circumpositae sepulcro.
18 ----

19 (VUL) Quid proderit libatio idolo? Nec enim manducabit nec odorabitur:
19 ----

20 (VUL) sic qui effugatur a Domino portans mercedes iniquitatis,
20 ----

21 (VUL) videns oculis et ingemiscens sicut spado complectens virginem et suspirans.
21 ----

22 (VUL) Tristitiam non des animae tuae et non affligas temetipsum in consilio tuo.
22 ----

23 (VUL) Iucunditas cordis haec est vita hominis et thesaurus sine defectione sanctitatis, et exsultatio viri est longaevitas.
23 ----

24 (VUL) Indulge animae tuae et consolare cor tuum et tristitiam longe repelle a te.
24 ----

25 (VUL) Multos enim occidit tristitia, et non est utilitas in illa;
25 ----

26 (VUL) zelus et iracundia minuunt dies, et ante tempus senectam adducet cogitatus.
26 ----

27 (VUL) Splendidum cor et bonum in epulis est; epulae enim illius diligenter fiunt.
27 ----