  | Kniha SirachovcovaBiblia - Sväté písmo(VUL - Latinský - Nova Vulgata) | Sir 30, 1-27 |
1 Sir 30, 1 De filiis. Qui diligit filium suum, assi duat illi flagella, ut laetetur in novissimo suo. 2 Sir 30, 2 Qui docet filium suum, fructum habebit in illo et in medio domesticorum in illo gloriabitur. 3 Sir 30, 3 Qui docet filium suum, in zelum mittet inimicum et in medio amicorum gloriabitur in illo. 4 Sir 30, 4 Mortuus est pater eius et quasi non est mortuus: similem enim reliquit sibi post se. 5 Sir 30, 5 In vita sua vidit et laetatus est in illo, in obitu suo non est contristatus. Nec confusus est coram inimicis: 6 Sir 30, 6 reliquit enim defensorem domus contra inimicos et amicis reddentem gratiam. 7 Sir 30, 7 Qui blanditur filio, colligabit vulnera eius, et super omnem vocem turbabuntur viscera sua. 8 Sir 30, 8 Equus indomitus evadit durus, et filius remissus evadet praeceps. 9 Sir 30, 9 Lacta filium, et paventem te faciet; lude cum eo, et contristabit te. 10 Sir 30, 10 Non corrideas illi, ne doleas, et in novissimo obstupescent dentes tui. 11 Sir 30, 11 Non des illi potestatem in iuventute et ne despicias errata illius. 12 Sir 30, 12 Curva cervicem eius in iuventute et tunde latera eius, dum infans est, ne forte induret et non credat tibi, et erit tibi ab illo dolor animae. 13 Sir 30, 13 Doce filium tuum et operare in illo, ne in turpitudinem illius offendas. 14 Sir 30, 14 Melior est pauper sanus et fortis viribus quam dives imbecillis et flagellatus in carne sua. 15 Sir 30, 15 Salus carnis melior est omni auro et argento, et spiritus validus quam census immensus. 16 Sir 30, 16 Non est census super censum salutis corporis, et non est oblectatio super cordis gaudium. 17 Sir 30, 17 Melior est mors quam vita amara, et requies aeterna quam languor perseverans. 18 Sir 30, 18 Bona effusa in ore clauso quasi appositiones epularum circumpositae sepulcro. 19 Sir 30, 19 Quid proderit libatio idolo? Nec enim manducabit nec odorabitur: 20 Sir 30, 20 sic qui effugatur a Domino portans mercedes iniquitatis, 21 Sir 30, 21 videns oculis et ingemiscens sicut spado complectens virginem et suspirans. 22 Sir 30, 22 Tristitiam non des animae tuae et non affligas temetipsum in consilio tuo. 23 Sir 30, 23 Iucunditas cordis haec est vita hominis et thesaurus sine defectione sanctitatis, et exsultatio viri est longaevitas. 24 Sir 30, 24 Indulge animae tuae et consolare cor tuum et tristitiam longe repelle a te. 25 Sir 30, 25 Multos enim occidit tristitia, et non est utilitas in illa; 26 Sir 30, 26 zelus et iracundia minuunt dies, et ante tempus senectam adducet cogitatus. 27 Sir 30, 27 Splendidum cor et bonum in epulis est; epulae enim illius diligenter fiunt.
| | | Sir 30, 1-27 |
Sir 30,18-19 - Veľmi si treba vážiť telesné zdravie, ktoré každého naplňuje spokojnosťou.
Sir 30,27 - Po tomto verši až po hl. 36 v gréckej osnove nastáva v počítaní kapitol zmena. Tak sa pozdáva, že poradie latinskej Biblie je správnejšie, a preto sa jej všetci pridŕžajú.
