Kniha Sirachovcova

1 (VUL) Filii sapientiae ecclesia iustorum, et natio illorum oboedientia et dilectio.
1 ----

2 (VUL) Indicium patris audite, filii, et sic facite, ut salvi sitis.
2 ----

3 (VUL) Deus enim honoravit patrem in filiis et iudicium matris firmavit in filios.
3 ----

4 (VUL) Qui honorat patrem, exorabit pro peccatis et continebit se ab illis et in oratione dierum exaudietur.
4 ----

5 (VUL) Et, sicut qui thesaurizat, ita et qui honorificat matrem suam.
5 ----

6 (VUL) Qui honorat patrem suum, iucundabitur in filiis et in die orationis suae exaudietur;
6 ----

7 (VUL) qui honorat patrem suum, vita vivet longiore, et, qui oboedit patri, refrigerabit matrem.
7 ----

8 (VUL) Qui timet Dominum, honorat parentes et quasi dominis serviet his, qui se genuerunt.
8 ----

9 (VUL) In opere et sermone honora patrem tuum,
9 ----

10 (VUL) ut superveniat tibi benedictio ab eo.
10 ----

11 (VUL) Benedictio patris firmat domos filiorum; maledictio autem matris eradicat fundamenta.
11 ----

12 (VUL) Ne glorieris in contumelia patris tui, non est enim tibi gloria eius confusio;
12 ----

13 (VUL) gloria enim hominis ex honore patris sui, et dedecus filii mater sine honore.
13 ----

14 (VUL) Fili, suscipe senectam patris tui et non contristes eum in vita illius;
14 ----

15 (VUL) et, si defecerit sensu, veniam da et ne spernas eum omnibus diebus vitae eius. Eleemosyna enim patris non erit in oblivione,
15 ----

16 (VUL) nam pro peccatis ipsa plantabitur
16 ----

17 (VUL) et in iustitia aedificabitur tibi; et in die tribulationis commemorabitur tui, et sicut in sereno glacies solventur tua peccata.
17 ----

18 (VUL) Quam malae famae est, qui derelinquit patrem; et maledictus a Deo, qui exasperat matrem.
18 ----

19 (VUL) Fili, in mansuetudine opera tua perfice et super hominem datorem diligeris.
19 ----

20 (VUL) Quanto magnus es, humilia te in omnibus et coram Deo invenies gratiam. Multi sunt excelsi et gloriosi, sed mansuetis revelat mysteria sua.
20 ----

21 (VUL) Quoniam magna potentia Dei solius, et ab humilibus honoratur.
21 ----

22 (VUL) Altiora te ne quaesieris et fortiora te ne scrutatus fueris; sed, quae praecepit tibi Deus, illa cogita semper et in pluribus operibus eius ne fueris curiosus.
22 ----

23 (VUL) Non est enim tibi necessarium ea, quae abscondita sunt, videre oculis tuis.
23 ----

24 (VUL) In supervacuis rebus noli scrutari multipliciter;
24 ----

25 (VUL) plurima enim super sensum hominum ostensa sunt tibi.
25 ----

26 (VUL) Multos quoque supplantavit suspicio illorum, et species vana decepit sensus illorum. Sine pupilla deerit lux, sine scientia deerit sapientia.
26 ----

27 (VUL) Cor durum male habebit in novissimo; et, qui amat periculum, in illo peribit.
27 ----

28 (VUL) Cor ingrediens duas vias non habebit successus, et pravus corde in illis scandalizabitur.
28 ----

29 (VUL) Cor nequam gravabitur doloribus, et peccator adiciet peccatum ad peccatum.
29 ----

30 (VUL) Plagis superborum non erit sanitas, frutex enim peccati radicabitur in illis et non intellegetur.
30 ----

31 (VUL) Cor sapientis intelleget verba sapientium, et auris audiens concupiscet sapientiam.
31 ----

32 (VUL) Sapiens cor et intellegibile abstinebit se a peccatis et in operibus iustitiae successus habebit.
32 ----

33 (VUL) Ignem ardentem exstinguit aqua, sic eleemosyna expiat peccata.
33 ----

34 (VUL) Deus prospector est eius, qui reddit gratiam; meminit eius in posterum, et in tempore casus sui inveniet firmamentum.
34 ----