  | Kniha SirachovcovaBiblia - Sväté písmo(VUL - Latinský - Nova Vulgata) | Sir 28, 1-30 |
1 Sir 28, 1 Qui vindicari vult, a Domino inveniet vindictam, et peccata illius servans servabit. 2 Sir 28, 2 Dimitte proximo tuo nocenti te, et tunc deprecanti tibi peccata tua solventur. 3 Sir 28, 3 Homo homini reservat iram et a Deo quaerit medelam? 4 Sir 28, 4 In hominem similem sibi non habet misericordiam et de peccatis suis deprecatur? 5 Sir 28, 5 Ipse, cum caro sit, reservat iram et propitiationem petit a Deo? Quis exorabit pro delictis illius? 6 Sir 28, 6 Memento novissimorum et desine inimicari, 7 Sir 28, 7 tabitudinis et mortis et permane in mandatis eius. 8 Sir 28, 8 Memorare mandatorum et non irascaris proximo. 9 Sir 28, 9 Memorare testamentum Altissimi et ne respicias ignorantiam proximi. 10 Sir 28, 10 Abstine te a lite et minues peccata: 11 Sir 28, 11 homo enim iracundus incendit litem, et vir peccator turbabit amicos et in medio pacem habentium immittet inimicitiam. 12 Sir 28, 12 Secundum enim ligna silvae sic ignis exardescit, et secundum virtutem hominis sic iracundia illius erit, et secundum substantiam suam exaltabit iram suam. 13 Sir 28, 13 Certamen festinatum incendit ignem, et lis festinans effundit sanguinem, et lingua testificans adducit mortem. 14 Sir 28, 14 Si sufflaveris in scintillam, quasi ignis exardebit; et, si exspueris super illam, exstinguetur: utraque ex ore tuo proficiscuntur. 15 Sir 28, 15 Susurro et bilinguis maledictus: multos enim perdidit pacem habentes. 16 Sir 28, 16 Lingua tertia multos commovit et dispersit illos de gente in gentem; 17 Sir 28, 17 civitates muratas divitum destruxit et domos magnatorum evertit; 18 Sir 28, 18 virtutes populorum concidit et gentes fortes dissolvit. 19 Sir 28, 19 Lingua tertia mulieres viratas eiecit et privavit illas laboribus suis. 20 Sir 28, 20 Qui respicit illam, non habebit requiem nec habebit amicum, in quo requiescat. 21 Sir 28, 21 Flagelli plaga livorem facit, plaga autem linguae comminuet ossa; 22 Sir 28, 22 multi ceciderunt in ore gladii, sed non sic quasi qui interierunt per linguam suam. 23 Sir 28, 23 Beatus, qui tectus est ab ea, qui in iracundiam illius non transivit, et qui non attraxit iugum illius et in vinculis eius non est ligatus. 24 Sir 28, 24 Iugum enim illius iugum ferreum est, et vinculum illius vinculum aereum est; 25 Sir 28, 25 mors illius mors nequissima, et utilis potius infernus quam illa. 26 Sir 28, 26 Non obtinebit imperium iustorum, et in flamma eius non comburentur; 27 Sir 28, 27 qui relinquunt Deum, incident in illam, et exardebit in illis et non exstinguetur et immittetur in illos quasi leo et quasi pardus laedet illos. 28 Sir 28, 28 Saepi aures tuas spinis, linguam nequam noli audire et ori tuo facito ostia et seras. 29 Sir 28, 29 Aurum tuum et argentum tuum obsigna et verbis tuis facito stateram et frenos ori tuo rectos. 30 Sir 28, 30 Et attende, ne forte labaris in lingua, ne cadas in conspectu inimicorum insidiantium tibi, et sit casus tuus insanabilis in mortem.
| | | Sir 28, 1-30 |
Sir 28,16 - "Tretí jazyk" je jazyk toho človeka, ktorý sa mieša medzi dvoch ľudí a ktorý sa pritom postará o to, aby medzi nich priniesol nedorozumenie.
