  | Kniha SirachovcovaBiblia - Sväté písmo(VUL - Latinský - Nova Vulgata) | Sir 27, 1-32 |
1 Sir 27, 1 Propter lucrum multi deliquerunt; et, qui quaerit locupletari, avertet oculum suum. 2 Sir 27, 2 Sicut in medio compaginis lapidum palus figitur, sic et inter medium venditionis et emptionis constringitur peccatum. 4 Sir 27, 4 Si non in timore Domini tenueris te, instanter cito subvertetur domus tua. 5 Sir 27, 5 Sicut in percussura cribri remanent quisquiliae, sic peripsemata hominis in cogitatu illius. 6 Sir 27, 6 Vasa figuli probat fornax, et homines iustos tentatio tribulationis. 7 Sir 27, 7 Sicut rusticationem ligni ostendit fructus illius, sic verbum ex cogitatu cordis hominis. 8 Sir 27, 8 Ante sermonem non laudes virum: haec enim tentatio est hominum. 9 Sir 27, 9 Si sequaris iustitiam, apprehendes illam et indues quasi poderem honoris et inhabitabis cum ea, et proteget te in sempiternum, et in die agnitionis invenies firmamentum. 10 Sir 27, 10 Volatilia ad sibi similia conveniunt, et veritas ad eos, qui operantur illam, revertetur. 11 Sir 27, 11 Leo venationi insidiatur semper, sic peccata operantibus iniquitates. 12 Sir 27, 12 Loquela timorati semper in sapientia manet; stultus autem sicut luna mutatur. 13 Sir 27, 13 In medio insensatorum serva tempus, in medio autem cogitantium assiduus esto. 14 Sir 27, 14 Loquela stultorum odiosa, et risus illorum in deliciis peccati. 15 Sir 27, 15 Loquacitas multum iurantis horripilationem capiti statuet, et rixa illorum obturatio aurium. 16 Sir 27, 16 Effusio sanguinis rixa superborum, et maledictio illorum auditus gravis. 17 Sir 27, 17 Qui denudat arcana, amici fidem perdit et non inveniet amicum ad animum suum: 18 Sir 27, 18 dilige amicum et coniungere fide cum illo; 19 Sir 27, 19 quod, si denudaveris absconsa illius, non persequeris post eum. 20 Sir 27, 20 Sicut enim homo, qui extulit mortuum suum, sic et qui perdit amicitiam proximi sui; 21 Sir 27, 21 et sicut qui dimittit avem de manu sua, sic dereliquisti proximum tuum et non eum capies. 22 Sir 27, 22 Non illum sequaris, quoniam longe abest; effugit enim quasi caprea de laqueo, quoniam vulnerata est anima eius; 23 Sir 27, 23 ultra eum non poteris colligare. Et maledicti est concordatio, 24 Sir 27, 24 denudare autem amici mysteria amputatio spei est. 25 Sir 27, 25 Annuens oculo fabricat iniqua; qui novit eum, recedet ab illo. 26 Sir 27, 26 In conspectu oculorum tuorum condulcabit os suum et super sermones tuos admirabitur; novissime autem pervertet os suum et in verbis tuis dabit scandalum. 27 Sir 27, 27 Multa odivi et non coaequavi ei, et Dominus odiet illum. 28 Sir 27, 28 Qui in altum mittit lapidem, super caput eius cadet, et plaga dolosa dolosi dividet vulnera. 29 Sir 27, 29 Qui foveam fodit, incidet in eam, et, qui statuit lapidem proximo, offendet in eo, et, qui laqueum alii ponit, capietur in illo. 30 Sir 27, 30 Facienti nequissimum consilium, super ipsum devolvetur, et non agnoscet, unde adveniat illi. 31 Sir 27, 31 Illusio et improperium superbo, et vindicta sicut leo insidiabitur illi. 32 Sir 27, 32 Laqueo capientur, qui oblectantur casu iustorum, dolor autem consumet illos, antequam moriantur. 33 Sir 27, 33 Ira et furor utraque exsecrabilia sunt, et vir peccator continens erit illorum.
| | | Sir 27, 1-32 |
