| Kniha SirachovcovaBiblia - Sväté písmo(VUL - Latinský - Nova Vulgata) | Sir 25, 1-36 |
1 (VUL) In tribus placitum est spiritui meo, quae sunt probata coram Deo et hominibus:
1 ----
2 (VUL) concordia fratrum et amor proximorum et vir et mulier bene sibi consentientes.
2 ----
3 (VUL) Tres species odivit anima mea, et aggravor valde animae illorum:
3 ----
4 (VUL) pauperem superbum, divitem mendacem, senem fatuum et insensatum.
4 ----
5 (VUL) In iuventute tua non congregasti; quomodo in senectute tua invenies?
5 ----
6 (VUL) Quam speciosum canitiei iudicium, et presbyteris cognoscere consilium!
6 ----
7 (VUL) Quam speciosa veteranis sapientia, et gloriosis intellectus et consilium!
7 ----
8 (VUL) Corona senum multa peritia, et gloria illorum timor Dei.
8 ----
9 (VUL) Novem insuspicabilia cordis magnificavi, et decimum dicam in lingua hominibus:
9 ----
10 (VUL) homo, qui iucundatur in filiis, vivens et videns subversionem inimicorum suorum;
10 ----
11 (VUL) beatus, qui habitat cum muliere sensata et non arat in bove et in asino simul; et qui lingua sua non est lapsus, et qui non servivit indigno se;
11 ----
12 (VUL) beatus, qui invenit amicum verum, et qui enarrat iustitiam auri audienti;
12 ----
13 (VUL) quam magnus, qui invenit sapientiam et scientiam, sed non est super timentem Dominum.
13 ----
14 (VUL) Timor Dei super omnia excedit;
14 ----
15 (VUL) qui tenet illum, cui assimilabitur?
15 ----
16 (VUL) Timor Dei initium dilectionis eius; fides autem initium adhaesionis ei.
16 ----
17 (VUL) Omnis plaga tristitia cordis est, et omnis malitia nequitia mulieris.
17 ----
18 (VUL) Et omnem plagam et non plagam cordis;
18 ----
19 (VUL) et omnem nequitiam et non nequitiam mulieris;
19 ----
20 (VUL) et omnem calamitatem et non calamitatem odientium;
20 ----
21 (VUL) et omnem vindictam et non vindictam inimicorum.
21 ----
22 (VUL) Non est venenum nequius super venenum colubri,
22 ----
23 (VUL) et non est ira super iram mulieris; commorari leoni et draconi placebit quam habitare cum muliere nequam.
23 ----
24 (VUL) Nequitia mulieris immutat faciem eius et obscurat vultum eius tamquam ursus. In medio proximorum eius accumbet vir eius
24 ----
25 (VUL) et invitus suspirabit amare.
25 ----
26 (VUL) Parva omnis malitia prae malitia mulieris: sors peccatorum cadat super illam.
26 ----
27 (VUL) Sicut ascensus arenosus in pedibus veterani, sic mulier linguata homini quieto.
27 ----
28 (VUL) Ne incidas in mulieris speciem et non concupiscas mulieris opes.
28 ----
29 (VUL) Ira et irreverentia et confusio magna
29 ----
30 (VUL) mulier, si primatum habeat super virum suum.
30 ----
31 (VUL) Cor humile et facies tristis et plaga cordis mulier nequam.
31 ----
32 (VUL) Manus debiles et genua dissoluta mulier, quae non beatificat virum suum.
32 ----
33 (VUL) A muliere initium factum est peccati, et per illam omnes morimur.
33 ----
34 (VUL) Non des aquae tuae exitum, nec modicum, nec mulieri nequam veniam prodeundi.
34 ----
35 (VUL) Si non ambulaverit ad manum tuam, confundet te in conspectu inimicorum;
35 ----
36 (VUL) a carnibus tuis abscinde illam et dimitte illam de domo tua.
36 ----
| | Sir 25, 1-36 |
Sir 25,36 - Aj Sirachovec dovoľuje rozchod manželov ako krajné riešenie ťažkosti.