Kniha Sirachovcova

1 (VUL) Laus sapientiae. Sapientia laudabit animam suam et in Deo honorabitur et in medio populi sui gloriabitur
1 ----

2 (VUL) et in ecclesia Altissimi aperiet os suum et in conspectu virtutis illius gloriabitur
2 ----

3 (VUL) et in medio populi sui exaltabitur et in plenitudine sancta admirabitur
3 ----

4 (VUL) et in multitudine electorum habebit laudem et inter benedictos benedicetur dicens:
4 ----

5 (VUL) “ Ego ex ore Altissimi prodivi, primogenita ante omnem creaturam.
5 ----

6 (VUL) Ego feci in caelis, ut oriretur lumen indeficiens, et sicut nebula texi omnem terram.
6 ----

7 (VUL) Ego in altissimis habitavi, et thronus meus in columna nubis.
7 ----

8 (VUL) Gyrum caeli circuivi sola et in profundum abyssi ambulavi,
8 ----

9 (VUL) in fluctibus maris et in omni terra steti
9 ----

10 (VUL) et in omni populo et in omni gente primatum habui
10 ----

11 (VUL) et omnium excellentium et humilium corda virtute calcavi. In his omnibus requiem quaesivi: cuius in hereditate morabor?
11 ----

12 (VUL) Tunc praecepit et dixit mihi Creator omnium, et, qui creavit me, quietem dedit tabernaculo meo
12 ----

13 (VUL) et dixit mihi: “In Iacob inhabita et in Israel hereditare et in electis meis mitte radices”.
13 ----

14 (VUL) Ab initio ante saecula creata sum et usque ad futurum saeculum non desinam.
14 ----

15 (VUL) Et in tabernaculo sancto coram ipso ministravi, et sic in Sion firmata sum et in civitate similiter dilecta requievi, et in Ierusalem potestas mea.
15 ----

16 (VUL) Et radicavi in populo honorificato et in parte Domini, in hereditate illius, et in plenitudine sanctorum detentio mea.
16 ----

17 (VUL) Quasi cedrus exaltata sum in Libano, et quasi cupressus in montibus Hermon.
17 ----

18 (VUL) Quasi palma exaltata sum in Engaddi, et quasi plantatio rosae in Iericho.
18 ----

19 (VUL) Quasi oliva speciosa in campis, et quasi platanus exaltata sum iuxta aquam in plateis.
19 ----

20 (VUL) Sicut cinnamomum et balsamum aromatizans odorem dedi; quasi myrrha electa dedi suavitatem odoris.
20 ----

21 (VUL) Et quasi storax et galbanus et ungula et gutta, et quasi libani vapor in tabernaculo.
21 ----

22 (VUL) Ego quasi terebinthus extendi ramos meos, et rami mei rami honoris et gratiae.
22 ----

23 (VUL) Ego quasi vitis germinavi gratiam, et flores mei fructus honoris et honestatis.
23 ----

24 (VUL) Ego mater pulchrae dilectionis et timoris et agnitionis et sanctae spei.
24 ----

25 (VUL) In me gratia omnis viae et veritatis, in me omnis spes vitae et virtutis.
25 ----

26 (VUL) Transite ad me, omnes, qui concupiscitis me, et a generationibus meis implemini.
26 ----

27 (VUL) Doctrina enim mea super mel dulcis, et hereditas mea super mel et favum;
27 ----

28 (VUL) memoria mea in generationes saeculorum.
28 ----

29 (VUL) Qui edunt me, adhuc esurient; et, qui bibunt me, adhuc sitient.
29 ----

30 (VUL) Qui audit me, non confundetur; et, qui operantur in me, non peccabunt:
30 ----

31 (VUL) qui elucidant me, vitam aeternam habebunt ”.
31 ----

32 (VUL) Haec omnia liber testamenti Altissimi,
32 ----

33 (VUL) lex, quam mandavit nobis Moyses, hereditas domui Iacob.
33 ----

34 (VUL) Posuit David puero suo excitare regem ex ipso fortissimum, et in throno honoris sedentem in sempiternum.
34 ----

35 (VUL) Lex, quae implet quasi Phison sapientiam et sicut Tigris in diebus novorum,
35 ----

36 (VUL) quae adimplet quasi Euphrates sensum et quasi Iordanis in tempore messis,
36 ----

37 (VUL) quae redundavit disciplina sicut Nilus et assistens quasi Geon in die vindemiae.
37 ----

38 (VUL) Non perfecit primus scire ipsam, sic nec ultimus investigavit eam.
38 ----

39 (VUL) Super mare enim abundavit cogitatio eius, et consilium illius super abyssum magnam.
39 ----

40 (VUL) Ego sapientia effudi flumina,
40 ----

41 (VUL) ego quasi trames aquae immensae de fluvio et sicut aquaeductus exivi in paradisum.
41 ----

42 (VUL) Dixi: “ Rigabo hortum meum plantationum et inebriabo prati mei fructum ”.
42 ----

43 (VUL) Et ecce factus est mihi trames in fluvium, et fluvius meus appropinquavit ad mare.
43 ----

44 (VUL) Quoniam doctrinam quasi antelucanum illuminabo et enarrabo illam usque ad longinquum.
44 ----

45 (VUL) Penetrabo omnes inferiores partes terrae et inspiciam omnes dormientes et illuminabo omnes sperantes in Domino;
45 ----

46 (VUL) adhuc doctrinam quasi prophetiam effundam et relinquam illam in generationes saeculorum et non desinam in progenies illorum usque in aevum sanctum.
46 ----

47 (VUL) Videte quoniam non soli mihi laboravi, sed omnibus exquirentibus illam.
47 ----