![](/static/default/img/arrow_right.png) | Kniha SirachovcovaBiblia - Sväté písmo(VUL - Latinský - Nova Vulgata) | Sir 23, 1-38 |
1 (VUL) Domine, pater et dominator vitae meae, ne derelinquas me in consilio eorum nec sinas me cadere in illis.
1 ----
2 (VUL) Quis superponet in cogitatu meo flagella et in corde meo doctrinam sapientiae, ut ignorationibus meis non parcant mihi, et non appareant delicta mea,
2 ----
3 (VUL) et ne adincrescant ignorantiae meae, et multiplicentur delicta mea, et peccata mea abundent, et incidam in conspectu adversariorum meorum, et gaudeat super me inimicus meus?
3 ----
4 (VUL) Domine, pater et Deus vitae meae, ne derelinquas me in cogitatu illorum.
4 ----
5 (VUL) Extollentiam oculorum meorum ne dederis mihi et omne desiderium averte a me.
5 ----
6 (VUL) Aufer a me ventris concupiscentias, et concubitus concupiscentiae ne apprehendant me, et animae irreverenti et infrunitae ne tradas me.
6 ----
7 (VUL) De doctrina oris. Doctrinam oris audite, filii; et, qui custodierit illam, non capietur labiis nec scandalizabitur in operibus nequissimis.
7 ----
8 (VUL) In labiis suis apprehendetur peccator, et maledicus et superbus scandalizabitur in illis.
8 ----
9 (VUL) Iurationi non assuescas os tuum: multi enim casus in illa.
9 ----
10 (VUL) Nominatio vero Dei non sit assidua in ore tuo, et nominibus sanctorum non admiscearis, quoniam non eris immunis ab eis.
10 ----
11 (VUL) Sicut enim servus exquisitus assidue livore carere non poterit, sic omnis iurans et nominans in toto a peccato non purgabitur.
11 ----
12 (VUL) Vir multum iurans implebitur iniquitate, et non discedet a domo illius plaga.
12 ----
13 (VUL) Et, si frustraverit, delictum illius super ipsum erit; et, si dissimulaverit, delinquet dupliciter.
13 ----
14 (VUL) Et, si in vacuum iuraverit, non iustificabitur: replebitur enim malis domus illius.
14 ----
15 (VUL) Est et alia loquela morti comparanda: non inveniatur in hereditate Iacob.
15 ----
16 (VUL) Etenim a timoratis omnia haec sunt remota, et in delictis non volutabuntur.
16 ----
17 (VUL) Indisciplinatae turpitudini non assuescat os tuum: est enim in illa verbum peccati.
17 ----
18 (VUL) Memento patris et matris tuae, in medio enim magnatorum consistis;
18 ----
19 (VUL) ne forte obliviscaris tui in conspectu illorum et assiduitate tua infatuatus improperium patiaris et maluisses non nasci et diem nativitatis tuae maledicas.
19 ----
20 (VUL) Homo assuetus in verbis improperii in omnibus diebus suis non erudietur.
20 ----
21 (VUL) Duo genera abundant in peccatis, et tertium adducit iram et perditionem:
21 ----
22 (VUL) anima calida quasi ignis ardens non exstinguetur, donec consumatur;
22 ----
23 (VUL) et homo fornicarius in corpore carnis suae non desinet, donec incendat ignem.
23 ----
24 (VUL) Homini fornicario omnis panis dulcis: non cessabit nisi in morte.
24 ----
25 (VUL) Omnis homo, qui transgreditur super lectum suum contemnens in anima sua et dicens: “ Quis me videt?
25 ----
26 (VUL) Tenebrae circumdant me, et parietes cooperiunt me, et nemo circumspicit me; quem vereor? Delictorum meorum non memorabitur Altissimus ”
26 ----
27 (VUL) et non intellegit quoniam omnia videt oculus illius, quoniam expellit a se timorem Dei huiusmodi hominis timor. Et oculi hominum sunt timor illius,
27 ----
28 (VUL) et non cognovit quoniam oculi Domini multo plus lucidiores sunt super solem circumspicientes omnes vias hominum et profundum abyssi et hominum corda intuentes in absconditas partes.
28 ----
29 (VUL) Domino enim Deo, antequam crearentur, omnia sunt agnita; sic et, postquam perfecta sunt, respicit omnia.
29 ----
30 (VUL) Hic in plateis civitatis vindicabitur et quasi pullus equinus fugabitur et, ubi non speravit, apprehendetur;
30 ----
31 (VUL) et erit dedecus omnibus, eo quod non intellexerit timorem Domini.
31 ----
32 (VUL) Sic et mulier omnis relinquens virum suum et statuens hereditatem ex alieno matrimonio.
32 ----
33 (VUL) Primo enim in lege Altissimi incredibilis fuit, secundo in virum suum deliquit, tertio in adulterio fornicata est et ex alio viro filios statuit sibi.
33 ----
34 (VUL) Haec in ecclesiam adducetur et in filios eius respicietur;
34 ----
35 (VUL) non tradent filii eius radices, et rami eius non dabunt fructum:
35 ----
36 (VUL) derelinquet in maledictum memoriam suam, et dedecus illius non delebitur.
36 ----
37 (VUL) Et agnoscent, qui derelicti sunt, quoniam nihil melius est quam timor Dei, et nihil dulcius quam attendere mandatis Domini.
37 ----
38 (VUL) Gloria magna est sequi Dominum; longitudo enim dierum assumetur ab eo.
38 ----
![](/static/default/img/arrow_right.png) | | Sir 23, 1-38 |
Sir 23,15 - Dedičstvo Jakubovo je národ izraelský. (Jakub mal prímenie: Izrael.)
Sir 23,19 - Grécky verš znie:"aby si na to pred nimi nezabudol,aby si sa zvykom svojím nedal omámiťa neprial by si si, aby si sa nebol narodil,a aby si narodeniu svojmu nezlorečil."
Sir 23,34 - Takú ženu privedú do zhromaždenia ľudu, aby ju tam súdili a ukameňovali.