| Kniha SirachovcovaBiblia - Sväté písmo(VUL - Latinský - Nova Vulgata) | Sir 23, 1-38 |
1 Sir 23, 1 Domine, pater et dominator vitae meae, ne derelinquas me in consilio eorum nec sinas me cadere in illis. 2 Sir 23, 2 Quis superponet in cogitatu meo flagella et in corde meo doctrinam sapientiae, ut ignorationibus meis non parcant mihi, et non appareant delicta mea, 3 Sir 23, 3 et ne adincrescant ignorantiae meae, et multiplicentur delicta mea, et peccata mea abundent, et incidam in conspectu adversariorum meorum, et gaudeat super me inimicus meus? 4 Sir 23, 4 Domine, pater et Deus vitae meae, ne derelinquas me in cogitatu illorum. 5 Sir 23, 5 Extollentiam oculorum meorum ne dederis mihi et omne desiderium averte a me. 6 Sir 23, 6 Aufer a me ventris concupiscentias, et concubitus concupiscentiae ne apprehendant me, et animae irreverenti et infrunitae ne tradas me. 7 Sir 23, 7 De doctrina oris. Doctrinam oris audite, filii; et, qui custodierit illam, non capietur labiis nec scandalizabitur in operibus nequissimis. 8 Sir 23, 8 In labiis suis apprehendetur peccator, et maledicus et superbus scandalizabitur in illis. 9 Sir 23, 9 Iurationi non assuescas os tuum: multi enim casus in illa. 10 Sir 23, 10 Nominatio vero Dei non sit assidua in ore tuo, et nominibus sanctorum non admiscearis, quoniam non eris immunis ab eis. 11 Sir 23, 11 Sicut enim servus exquisitus assidue livore carere non poterit, sic omnis iurans et nominans in toto a peccato non purgabitur. 12 Sir 23, 12 Vir multum iurans implebitur iniquitate, et non discedet a domo illius plaga. 13 Sir 23, 13 Et, si frustraverit, delictum illius super ipsum erit; et, si dissimulaverit, delinquet dupliciter. 14 Sir 23, 14 Et, si in vacuum iuraverit, non iustificabitur: replebitur enim malis domus illius. 15 Sir 23, 15 Est et alia loquela morti comparanda: non inveniatur in hereditate Iacob. 16 Sir 23, 16 Etenim a timoratis omnia haec sunt remota, et in delictis non volutabuntur. 17 Sir 23, 17 Indisciplinatae turpitudini non assuescat os tuum: est enim in illa verbum peccati. 18 Sir 23, 18 Memento patris et matris tuae, in medio enim magnatorum consistis; 19 Sir 23, 19 ne forte obliviscaris tui in conspectu illorum et assiduitate tua infatuatus improperium patiaris et maluisses non nasci et diem nativitatis tuae maledicas. 20 Sir 23, 20 Homo assuetus in verbis improperii in omnibus diebus suis non erudietur. 21 Sir 23, 21 Duo genera abundant in peccatis, et tertium adducit iram et perditionem: 22 Sir 23, 22 anima calida quasi ignis ardens non exstinguetur, donec consumatur; 23 Sir 23, 23 et homo fornicarius in corpore carnis suae non desinet, donec incendat ignem. 24 Sir 23, 24 Homini fornicario omnis panis dulcis: non cessabit nisi in morte. 25 Sir 23, 25 Omnis homo, qui transgreditur super lectum suum contemnens in anima sua et dicens: “ Quis me videt? 26 Sir 23, 26 Tenebrae circumdant me, et parietes cooperiunt me, et nemo circumspicit me; quem vereor? Delictorum meorum non memorabitur Altissimus ” 27 Sir 23, 27 et non intellegit quoniam omnia videt oculus illius, quoniam expellit a se timorem Dei huiusmodi hominis timor. Et oculi hominum sunt timor illius, 28 Sir 23, 28 et non cognovit quoniam oculi Domini multo plus lucidiores sunt super solem circumspicientes omnes vias hominum et profundum abyssi et hominum corda intuentes in absconditas partes. 29 Sir 23, 29 Domino enim Deo, antequam crearentur, omnia sunt agnita; sic et, postquam perfecta sunt, respicit omnia. 30 Sir 23, 30 Hic in plateis civitatis vindicabitur et quasi pullus equinus fugabitur et, ubi non speravit, apprehendetur; 31 Sir 23, 31 et erit dedecus omnibus, eo quod non intellexerit timorem Domini. 32 Sir 23, 32 Sic et mulier omnis relinquens virum suum et statuens hereditatem ex alieno matrimonio. 33 Sir 23, 33 Primo enim in lege Altissimi incredibilis fuit, secundo in virum suum deliquit, tertio in adulterio fornicata est et ex alio viro filios statuit sibi. 34 Sir 23, 34 Haec in ecclesiam adducetur et in filios eius respicietur; 35 Sir 23, 35 non tradent filii eius radices, et rami eius non dabunt fructum: 36 Sir 23, 36 derelinquet in maledictum memoriam suam, et dedecus illius non delebitur. 37 Sir 23, 37 Et agnoscent, qui derelicti sunt, quoniam nihil melius est quam timor Dei, et nihil dulcius quam attendere mandatis Domini. 38 Sir 23, 38 Gloria magna est sequi Dominum; longitudo enim dierum assumetur ab eo.
| | Sir 23, 1-38 |
Sir 23,15 - Dedičstvo Jakubovo je národ izraelský. (Jakub mal prímenie: Izrael.)
Sir 23,19 - Grécky verš znie:"aby si na to pred nimi nezabudol,aby si sa zvykom svojím nedal omámiťa neprial by si si, aby si sa nebol narodil,a aby si narodeniu svojmu nezlorečil."
Sir 23,34 - Takú ženu privedú do zhromaždenia ľudu, aby ju tam súdili a ukameňovali.