Kniha Sirachovcova

1 (VUL) Fili, peccasti? Non adicias iterum, sed et de pristinis deprecare, ut tibi dimittantur.
1 ----

2 (VUL) Quasi a facie colubri fuge peccata: et, si accesseris ad illa, mordebunt te.
2 ----

3 (VUL) Dentes leonis dentes eorum interficientes animas hominum.
3 ----

4 (VUL) Quasi romphaea bis acuta omnis iniquitas: plagae illius non est sanitas.
4 ----

5 (VUL) Terror et iniuriae annullabunt substantiam, et domus, quae nimis locuples est, annullabitur superbia; sic substantia superbi eradicabitur.
5 ----

6 (VUL) Deprecatio pauperis ex ore usque ad aures Dei perveniet, et iudicium festinato adveniet illi.
6 ----

7 (VUL) Qui odit correptionem, in vestigio est peccatoris; et, qui timet Deum, convertet illam ad cor suum.
7 ----

8 (VUL) Notus a longe potens lingua audaci, et sensatus novit illum labi.
8 ----

9 (VUL) Qui aedificat domum suam impendiis alienis, quasi qui colligit lapides suos in hiemem.
9 ----

10 (VUL) Stuppa collecta synagoga peccantium, et consummatio illorum flamma ignis.
10 ----

11 (VUL) Via peccantium complanata lapidibus, et in fine illius fovea inferi.
11 ----

12 (VUL) Qui custodit legem, continebit sensum suum;
12 ----

13 (VUL) consummatio timoris Dei sapientia et sensus.
13 ----

14 (VUL) Non erudietur, qui non est prudens;
14 ----

15 (VUL) est autem astutia, quae abundat in malo, et non est sensus, ubi est amaritudo.
15 ----

16 (VUL) Scientia sapientis tamquam inundatio abundabit, et consilium illius sicut fons vitae permanet.
16 ----

17 (VUL) Cor fatui quasi vas confractum et omnem sapientiam non tenebit.
17 ----

18 (VUL) Verbum sapiens, quodcumque audierit scius, laudabit et ad illud adiciet; audivit luxuriosus, et displicebit illi et proiciet illud post dorsum suum.
18 ----

19 (VUL) Narratio fatui quasi sarcina in via, sed in labiis sensati invenietur gratia.
19 ----

20 (VUL) Os prudentis quaeretur in ecclesia, et verba illius cogitabunt in cordibus suis.
20 ----

21 (VUL) Tamquam domus exterminata sic fatuo sapientia; et scientia insensati inenarrabilia verba.
21 ----

22 (VUL) Compedes in pedibus stulto doctrina et quasi vincula manuum super manum dexteram.
22 ----

23 (VUL) Fatuus in risu exaltat vocem suam; vir autem sapiens vix tacite ridebit.
23 ----

24 (VUL) Tamquam ornamentum aureum prudenti doctrina et quasi brachiale in brachio dextro.
24 ----

25 (VUL) Pes fatui facilis in domum proximi, sed homo peritus verebitur personam.
25 ----

26 (VUL) Stultus a fenestra respiciet in domum, vir autem eruditus foris stabit.
26 ----

27 (VUL) Ineruditio hominis auscultare per ostium, et prudenti gravis contumelia.
27 ----

28 (VUL) Labia imprudentium stulta narrabunt, verba autem prudentium statera ponderabuntur.
28 ----

29 (VUL) In ore fatuorum cor illorum, et in corde sapientium os illorum.
29 ----

30 (VUL) Dum maledicit impius adversarium, maledicit ipse animam suam.
30 ----

31 (VUL) Susurro coinquinabit animam suam et in omnibus odietur; et, qui cum eo manserit, odiosus erit: tacitus et sensatus honorabitur.
31 ----