Kniha Sirachovcova

1 (VUL) Qui timet Deum, faciet haec, et, qui continens est legis, apprehendet illam;
1 ----

2 (VUL) et obviabit illi quasi mater honorificata et quasi mulier a virginitate suscipiet illum.
2 ----

3 (VUL) Cibabit illum pane vitae et intellectus et aqua sapientiae salutaris potabit illum, et firmabitur in illa et non flectetur
3 ----

4 (VUL) et confidet in illam et non confundetur; et exaltabit illum prae proximis suis
4 ----

5 (VUL) et in medio ecclesiae aperiet os eius et adimplebit illum spiritu sapientiae et intellectus et stola gloriae vestiet illum;
5 ----

6 (VUL) iucunditatem et exsultationem thesaurizabit super illum et nomine aeterno hereditabit illum.
6 ----

7 (VUL) Homines stulti non apprehendent illam, et homines sensati obviabunt illi; homines peccatores non videbunt eam, longe enim abest a superbia et dolo.
7 ----

8 (VUL) Viri mendaces non erunt illius memores; et viri veraces invenientur in illa et successum habebunt usque ad inspectionem Dei.
8 ----

9 (VUL) Non est speciosa laus in ore peccatoris,
9 ----

10 (VUL) quoniam non a Deo tributa est ei; sapientiae enim Dei astabit laus, et in ore sapientis dicetur laus, et dominator illius docebit eam.
10 ----

11 (VUL) Ne dixeris: “ A Deo peccatum meum ” quae enim odit, ipse non facit.
11 ----

12 (VUL) Non dicas: “ Ille in me impegit ”; non enim necessarii sunt ei homines impii.
12 ----

13 (VUL) Omne exsecramentum erroris odit Dominus, et non erit amabile timentibus eum.
13 ----

14 (VUL) Deus ab initio constituit hominem et reliquit illum in manu consilii sui et dedit eum in manum concupiscentiae suae.
14 ----

15 (VUL) Adiecit mandata et praecepta sua et intellegentiam ad faciendum placitum eius.
15 ----

16 (VUL) Si volueris mandata servare, conservabunt te; si confidis in illo, etiam tu vives.
16 ----

17 (VUL) Apposuit tibi aquam et ignem; ad quod volueris, porrige manum tuam.
17 ----

18 (VUL) Ante hominem vita et mors, bonum et malum: quod placuerit ei, dabitur illi.
18 ----

19 (VUL) Quoniam multa sapientia Dei, et fortis in potentia videns omnes sine intermissione.
19 ----

20 (VUL) Oculi Domini ad timentes eum, et ipse agnoscit omnem operam hominis.
20 ----

21 (VUL) Nemini mandavit impie agere et nemini dedit spatium peccandi.
21 ----

22 (VUL) Non concupiscas multitudinem filiorum infidelium et iniquorum.
22 ----