Kniha Sirachovcova

1 (VUL) Beatus vir, qui non est lapsus verbo ex ore suo et non est stimulatus in tristitia delicti.
1 ----

2 (VUL) Felix, quem non condemnat anima sua, et non excidit a spe sua.
2 ----

3 (VUL) Viro tenaci sine ratione est substantia; et homini livido ad quid aurum?
3 ----

4 (VUL) Qui denegat animo suo iniuste, aliis congregat, et in bonis illius alius luxuriabitur.
4 ----

5 (VUL) Qui sibi nequam est, cui alii bonus erit? Et non iucundabitur in bonis suis.
5 ----

6 (VUL) Qui sibi invidet, nihil est illo nequius; et haec redditio est malitiae illius.
6 ----

7 (VUL) Et, si bene fecerit, ignoranter et non volens facit et in novissimo manifestat malitiam suam.
7 ----

8 (VUL) Nequam est oculus lividi et avertens faciem suam et despiciens animas.
8 ----

9 (VUL) Insatiabilis oculus cupidi in parte non satiabitur, donec consumat arefaciens animam suam.
9 ----

10 (VUL) Oculus malus lividus irruit in panem et neglegens est mensae suae.
10 ----

11 (VUL) Fili, si habes, benefac tecum et Deo dignas oblationes offer.
11 ----

12 (VUL) Memor esto quoniam mors non tardat, et decretum inferorum quia non demonstratum est tibi; decretum enim huius mundi: morte morietur.
12 ----

13 (VUL) Ante mortem benefac amico tuo et secundum vires tuas exporrigens da ei.
13 ----

14 (VUL) Non defrauderis a bono diei, et particula desiderii boni non te praetereat.
14 ----

15 (VUL) Nonne aliis relinques res dolore partas et labores tuos in divisione sortis?
15 ----

16 (VUL) Da et accipe et oblecta animam tuam;
16 ----

17 (VUL) ante obitum tuum operare iustitiam, quoniam non est apud inferos quaerere voluptates.
17 ----

18 (VUL) Omnis caro sicut vestimentum veterascet et sicut folium fructificans in arbore viridi: alia generantur, et alia deiciuntur;
18 ----

19 (VUL) sic generatio carnis et sanguinis: alia finitur, et alia nascitur.
19 ----

20 (VUL) Omne opus corruptibile in fine deficiet, et, qui illud operatur, ibit cum illo;
20 ----

21 (VUL) et omne opus electum iustificabitur, et, qui operatur illud, honorabitur in illo.
21 ----

22 (VUL) Beatus vir, qui in sapientia morabitur et qui in iustitia sua meditabitur et in sensu cogitabit circumspectionem Dei;
22 ----

23 (VUL) qui excogitat vias illius in corde suo et in absconditis suis intellegens, vadens post illam quasi investigator et in viis illius consistens;
23 ----

24 (VUL) qui respicit per fenestras illius et in ianuis illius audiens;
24 ----

25 (VUL) qui requiescit iuxta domum illius et in parietibus illius figens palum, statuet casulam suam ad manus illius et requiescet in deversorio bonorum per aevum.
25 ----

26 (VUL) Statuet filios suos sub tegmine illius et sub ramis eius morabitur;
26 ----

27 (VUL) protegetur sub tegmine illius a fervore et in gloria eius requiescet.
27 ----