Kniha Jozue

1 (HEM) ויהי הגורל למטה בני יהודה למשפחתם אל גבול אדום מדבר צן נגבה מקצה תימן׃
1 (WLC) וַיְהִ֣י הַגֹּורָ֗ל לְמַטֵּ֛ה בְּנֵ֥י יְהוּדָ֖ה לְמִשְׁפְּחֹתָ֑ם אֶל־גְּב֨וּל אֱדֹ֧ום מִדְבַּר־צִ֛ן נֶ֖גְבָּה מִקְצֵ֥ה תֵימָֽן׃
1 (RIV) Or la parte toccata a sorte alla tribù dei figliuoli di Giuda secondo le loro famiglie, si estendeva sino al confine di Edom, al deserto di Tsin verso sud, all’estremità meridionale di Canaan.

2 (HEM) ויהי להם גבול נגב מקצה ים המלח מן הלשן הפנה נגבה׃
2 (WLC) וַיְהִ֤י לָהֶם֙ גְּב֣וּל נֶ֔גֶב מִקְצֵ֖ה יָ֣ם הַמֶּ֑לַח מִן־הַלָּשֹׁ֖ן הַפֹּנֶ֥ה נֶֽגְבָּה׃
2 (RIV) Il loro confine meridionale partiva dall’estremità del mar Salato, dalla lingua che volge a sud,

3 (HEM) ויצא אל מנגב למעלה עקרבים ועבר צנה ועלה מנגב לקדש ברנע ועבר חצרון ועלה אדרה ונסב הקרקעה׃
3 (WLC) וְ֠יָצָא אֶל־מִנֶּ֜גֶב לְמַעֲלֵ֤ה עַקְרַבִּים֙ וְעָ֣בַר צִ֔נָה וְעָלָ֥ה מִנֶּ֖גֶב לְקָדֵ֣שׁ בַּרְנֵ֑עַ וְעָבַ֤ר חֶצְרֹון֙ וְעָלָ֣ה אַדָּ֔רָה וְנָסַ֖ב הַקַּרְקָֽעָה׃
3 (RIV) e si prolungava al sud della salita d’Akrabbim, passava per Tsin, poi saliva al sud di Kades-Barnea, passava da Hetsron, saliva verso Addar e si volgeva verso Karkaa;

4 (HEM) ועבר עצמונה ויצא נחל מצרים והיה תצאות הגבול ימה זה יהיה לכם גבול נגב׃
4 (WLC) וְעָבַ֣ר עַצְמֹ֗ונָה וְיָצָא֙ נַ֣חַל מִצְרַ֔יִם [וְהָיָה כ] (וְהָי֛וּ ק) תֹּצְאֹ֥ות הַגְּב֖וּל יָ֑מָּה זֶה־יִהְיֶ֥ה לָכֶ֖ם גְּב֥וּל נֶֽגֶב׃
4 (RIV) passava quindi da Atsmon e continuava fino al torrente d’Egitto, per far capo al mare. Questo sarà, disse Giosuè, il vostro confine meridionale.

5 (HEM) וגבול קדמה ים המלח עד קצה הירדן וגבול לפאת צפונה מלשון הים מקצה הירדן׃
5 (WLC) וּגְב֥וּל קֵ֙דְמָה֙ יָ֣ם הַמֶּ֔לַח עַד־קְצֵ֖ה הַיַּרְדֵּ֑ן וּגְב֞וּל לִפְאַ֤ת צָפֹ֙ונָה֙ מִלְּשֹׁ֣ון הַיָּ֔ם מִקְצֵ֖ה הַיַּרְדֵּֽן׃
5 (RIV) Il confine orientale era il mar Salato, sino alla foce del Giordano. Il confine settentrionale partiva dal braccio di mare ov’è la foce del Giordano;

6 (HEM) ועלה הגבול בית חגלה ועבר מצפון לבית הערבה ועלה הגבול אבן בהן בן ראובן׃
6 (WLC) וְעָלָ֤ה הַגְּבוּל֙ בֵּ֣ית חָגְלָ֔ה וְעָבַ֕ר מִצְּפֹ֖ון לְבֵ֣ית הָעֲרָבָ֑ה וְעָלָ֣ה הַגְּב֔וּל אֶ֥בֶן בֹּ֖הַן בֶּן־רְאוּבֵֽן׃
6 (RIV) di là saliva verso Beth-Hogla, passava al nord di Beth-Araba, saliva fino al sasso di Bohan figliuolo di Ruben;

7 (HEM) ועלה הגבול דברה מעמק עכור וצפונה פנה אל הגלגל אשר נכח למעלה אדמים אשר מנגב לנחל ועבר הגבול אל מי עין שמש והיו תצאתיו אל עין רגל׃
7 (WLC) וְעָלָ֨ה הַגְּב֥וּל ׀ דְּבִרָה֮ מֵעֵ֣מֶק עָכֹור֒ וְצָפֹ֜ונָה פֹּנֶ֣ה אֶל־הַגִּלְגָּ֗ל אֲשֶׁר־נֹ֙כַח֙ לְמַעֲלֵ֣ה אֲדֻמִּ֔ים אֲשֶׁ֥ר מִנֶּ֖גֶב לַנָּ֑חַל וְעָבַ֤ר הַגְּבוּל֙ אֶל־מֵי־עֵ֣ין שֶׁ֔מֶשׁ וְהָי֥וּ תֹצְאֹתָ֖יו אֶל־עֵ֥ין רֹגֵֽל׃
7 (RIV) poi, partendo dalla valle di Acor, saliva a Debir e si dirigeva verso il nord dal lato di Ghilgal, che è dirimpetto alla salita di Adummim, a sud del torrente; poi passava presso le acque di En-Scemesh, e faceva capo a En-Roghel.

8 (HEM) ועלה הגבול גי בן הנם אל כתף היבוסי מנגב היא ירושלם ועלה הגבול אל ראש ההר אשר על פני גי הנם ימה אשר בקצה עמק רפאים צפנה׃
8 (WLC) וְעָלָ֨ה הַגְּב֜וּל גֵּ֣י בֶן־הִנֹּ֗ם אֶל־כֶּ֤תֶף הַיְבוּסִי֙ מִנֶּ֔גֶב הִ֖יא יְרֽוּשָׁלִָ֑ם וְעָלָ֨ה הַגְּב֜וּל אֶל־רֹ֣אשׁ הָהָ֗ר אֲ֠שֶׁר עַל־פְּנֵ֤י גֵֽי־הִנֹּם֙ יָ֔מָּה אֲשֶׁ֛ר בִּקְצֵ֥ה עֵֽמֶק־רְפָאִ֖ים צָפֹֽנָה׃
8 (RIV) Di là il confine saliva per la valle di Ben-Hinnom fino al versante meridionale del monte de’ Gebusei che è Gerusalemme, poi s’elevava fino al sommo del monte ch’è dirimpetto alla valle di Hinnom a occidente, e all’estremità della valle dei Refaim, al nord.

9 (HEM) ותאר הגבול מראש ההר אל מעין מי נפתוח ויצא אל ערי הר עפרון ותאר הגבול בעלה היא קרית יערים׃
9 (WLC) וְתָאַ֨ר הַגְּב֜וּל מֵרֹ֣אשׁ הָהָ֗ר אֶל־מַעְיַן֙ מֵ֣י נֶפְתֹּ֔וחַ וְיָצָ֖א אֶל־עָרֵ֣י הַר־עֶפְרֹ֑ון וְתָאַ֤ר הַגְּבוּל֙ בַּעֲלָ֔ה הִ֖יא קִרְיַ֥ת יְעָרִֽים׃
9 (RIV) Dal sommo del monte, il confine si estendeva fino alla sorgente delle acque di Neftoah, continuava verso le città del monte Efron, e si prolungava fino a Baala, che è Kiriath-Iearim.

10 (HEM) ונסב הגבול מבעלה ימה אל הר שעיר ועבר אל כתף הר יערים מצפונה היא כסלון וירד בית שמש ועבר תמנה׃
10 (WLC) וְנָסַב֩ הַגְּב֨וּל מִבַּעֲלָ֥ה יָ֙מָּה֙ אֶל־הַ֣ר שֵׂעִ֔יר וְעָבַ֕ר אֶל־כֶּ֧תֶף הַר־יְעָרִ֛ים מִצָּפֹ֖ונָה הִ֣יא כְסָלֹ֑ון וְיָרַ֥ד בֵּֽית־שֶׁ֖מֶשׁ וְעָבַ֥ר תִּמְנָֽה׃
10 (RIV) Da Baala volgeva poi a occidente verso la montagna di Seir, passava per il versante settentrionale del monte Iearim, che è Kesalon, scendeva a Beth-Scemesh e passava per Timna.

11 (HEM) ויצא הגבול אל כתף עקרון צפונה ותאר הגבול שכרונה ועבר הר הבעלה ויצא יבנאל והיו תצאות הגבול ימה׃
11 (WLC) וְיָצָ֨א הַגְּב֜וּל אֶל־כֶּ֣תֶף עֶקְרֹון֮ צָפֹונָה֒ וְתָאַ֤ר הַגְּבוּל֙ שִׁכְּרֹ֔ונָה וְעָבַ֥ר הַר־הַֽבַּעֲלָ֖ה וְיָצָ֣א יַבְנְאֵ֑ל וְהָי֛וּ תֹּצְאֹ֥ות הַגְּב֖וּל יָֽמָּה׃
11 (RIV) Di là il confine continuava verso il lato settentrionale di Escron, si estendeva verso Scikron, passava per il monte Baala, si prolungava fino a Iabneel, e facea capo al mare.

12 (HEM) וגבול ים הימה הגדול וגבול זה גבול בני יהודה סביב למשפחתם׃
12 (WLC) וּגְב֣וּל יָ֔ם הַיָּ֥מָּה הַגָּדֹ֖ול וּגְב֑וּל זֶ֠ה גְּב֧וּל בְּנֵֽי־יְהוּדָ֛ה סָבִ֖יב לְמִשְׁפְּחֹתָֽם׃
12 (RIV) Il confine occidentale era il mar grande. Tali furono da tutti i lati i confini dei figliuoli di Giuda secondo le loro famiglie.

13 (HEM) ולכלב בן יפנה נתן חלק בתוך בני יהודה אל פי יהוה ליהושע את קרית ארבע אבי הענק היא חברון׃
13 (WLC) וּלְכָלֵ֣ב בֶּן־יְפֻנֶּ֗ה נָ֤תַן חֵ֙לֶק֙ בְּתֹ֣וךְ בְּנֵֽי־יְהוּדָ֔ה אֶל־פִּ֥י יְהוָ֖ה לִֽיהֹושֻׁ֑עַ אֶת־קִרְיַ֥ת אַרְבַּ֛ע אֲבִ֥י הָעֲנָ֖ק הִ֥יא חֶבְרֹֽון׃
13 (RIV) A Caleb, figliuolo di Gefunne, Giosuè dette una parte in mezzo ai figliuoli di Giuda, come l’Eterno gli avea comandato, cioè: la città di Arba padre di Anak, la quale è Hebron.

14 (HEM) וירש משם כלב את שלושה בני הענק את ששי ואת אחימן ואת תלמי ילידי הענק׃
14 (WLC) וַיֹּ֤רֶשׁ מִשָּׁם֙ כָּלֵ֔ב אֶת־שְׁלֹושָׁ֖ה בְּנֵ֣י הָעֲנָ֑ק אֶת־שֵׁשַׁ֤י וְאֶת־אֲחִימַן֙ וְאֶת־תַּלְמַ֔י יְלִידֵ֖י הָעֲנָֽק׃
14 (RIV) E Caleb ne cacciò i tre figliuoli di Anak, Sceshai, Ahiman e Talmai, discendenti di Anak.

15 (HEM) ויעל משם אל ישבי דבר ושם דבר לפנים קרית ספר׃
15 (WLC) וַיַּ֣עַל מִשָּׁ֔ם אֶל־יֹשְׁבֵ֖י דְּבִ֑ר וְשֵׁם־דְּבִ֥ר לְפָנִ֖ים קִרְיַת־סֵֽפֶר׃
15 (RIV) Di là salì contro gli abitanti di Debir, che prima si chiamava Kiriath-Sefer.

16 (HEM) ויאמר כלב אשר יכה את קרית ספר ולכדה ונתתי לו את עכסה בתי לאשה׃
16 (WLC) וַיֹּ֣אמֶר כָּלֵ֔ב אֲשֶׁר־יַכֶּ֥ה אֶת־קִרְיַת־סֵ֖פֶר וּלְכָדָ֑הּ וְנָתַ֥תִּי לֹ֛ו אֶת־עַכְסָ֥ה בִתִּ֖י לְאִשָּֽׁה׃
16 (RIV) E Caleb disse: "A chi batterà Kiriath-Sefer e la prenderà io darò in moglie Acsa mia figliuola".

17 (HEM) וילכדה עתניאל בן קנז אחי כלב ויתן לו את עכסה בתו לאשה׃
17 (WLC) וַֽיִּלְכְּדָ֛הּ עָתְנִיאֵ֥ל בֶּן־קְנַ֖ז אֲחִ֣י כָלֵ֑ב וַיִּתֶּן־לֹ֛ו אֶת־עַכְסָ֥ה בִתֹּ֖ו לְאִשָּֽׁה׃
17 (RIV) Allora Otniel, figliuolo di Kenaz, fratello di Caleb la prese, e Caleb gli diede in moglie Acsa sua figliuola.

18 (HEM) ויהי בבואה ותסיתהו לשאול מאת אביה שדה ותצנח מעל החמור ויאמר לה כלב מה לך׃
18 (WLC) וַיְהִ֣י בְּבֹואָ֗הּ וַתְּסִיתֵ֙הוּ֙ לִשְׁאֹ֤ול מֵֽאֵת־אָבִ֙יהָ֙ שָׂדֶ֔ה וַתִּצְנַ֖ח מֵעַ֣ל הַחֲמֹ֑ור וַיֹּֽאמֶר־לָ֥הּ כָּלֵ֖ב מַה־לָּֽךְ׃
18 (RIV) E quando ella venne a star con lui, persuase Otniel a chiedere un campo a Caleb, suo padre. Essa scese di sull’asino, e Caleb le disse: "Che vuoi?"

19 (HEM) ותאמר תנה לי ברכה כי ארץ הנגב נתתני ונתתה לי גלת מים ויתן לה את גלת עליות ואת גלת תחתיות׃
19 (WLC) וַתֹּ֜אמֶר תְּנָה־לִּ֣י בְרָכָ֗ה כִּ֣י אֶ֤רֶץ הַנֶּ֙גֶב֙ נְתַתָּ֔נִי וְנָתַתָּ֥ה לִ֖י גֻּלֹּ֣ת מָ֑יִם וַיִּתֶּן־לָ֗הּ אֵ֚ת גֻּלֹּ֣ת עִלִּיֹּ֔ות וְאֵ֖ת גֻּלֹּ֥ת תַּחְתִּיֹּֽות׃ פ
19 (RIV) E quella rispose: "Fammi un dono; giacché tu m’hai stabilita in una terra arida, dammi anche delle sorgenti d’acqua". Ed egli le donò le sorgenti superiori e le sorgenti sottostanti.

20 (HEM) זאת נחלת מטה בני יהודה למשפחתם׃
20 (WLC) זֹ֗את נַחֲלַ֛ת מַטֵּ֥ה בְנֵי־יְהוּדָ֖ה לְמִשְׁפְּחֹתָֽם׃
20 (RIV) Questa è l’eredità della tribù dei figliuoli di Giuda, secondo le loro famiglie:

21 (HEM) ויהיו הערים מקצה למטה בני יהודה אל גבול אדום בנגבה קבצאל ועדר ויגור׃
21 (WLC) וַיִּֽהְי֣וּ הֶעָרִ֗ים מִקְצֵה֙ לְמַטֵּ֣ה בְנֵֽי־יְהוּדָ֔ה אֶל־גְּב֥וּל אֱדֹ֖ום בַּנֶּ֑גְבָּה קַבְצְאֵ֥ל וְעֵ֖דֶר וְיָגֽוּר׃
21 (RIV) Le città poste all’estremità della tribù dei figliuoli di Giuda, verso il confine di Edom, dal lato di mezzogiorno, erano:

22 (HEM) וקינה ודימונה ועדעדה׃
22 (WLC) וְקִינָ֥ה וְדִֽימֹונָ֖ה וְעַדְעָדָֽה׃
22 (RIV) Kabtseel, Eder, Jagur, Kina, Dimona, Adeada,

23 (HEM) וקדש וחצור ויתנן׃
23 (WLC) וְקֶ֥דֶשׁ וְחָצֹ֖ור וְיִתְנָֽן׃
23 (RIV) Kades, Hatsor, Itnan,

24 (HEM) זיף וטלם ובעלות׃
24 (WLC) זִ֥יף וָטֶ֖לֶם וּבְעָלֹֽות׃
24 (RIV) Zif, Telem, Bealoth,

25 (HEM) וחצור חדתה וקריות חצרון היא חצור׃
25 (WLC) וְחָצֹ֤ור ׀ חֲדַתָּה֙ וּקְרִיֹּ֔ות חֶצְרֹ֖ון הִ֥יא חָצֹֽור׃
25 (RIV) Hatsor-Hadatta, Kerioth-Hetsron, che è Hatsor,

26 (HEM) אמם ושמע ומולדה׃
26 (WLC) אֲמָ֥ם וּשְׁמַ֖ע וּמֹולָדָֽה׃
26 (RIV) Amam, Scema, Molada,

27 (HEM) וחצר גדה וחשמון ובית פלט׃
27 (WLC) וַחֲצַ֥ר גַּדָּ֛ה וְחֶשְׁמֹ֖ון וּבֵ֥ית פָּֽלֶט׃
27 (RIV) Hatsar-Gadda, Heshmon, Beth-Palet,

28 (HEM) וחצר שועל ובאר שבע ובזיותיה׃
28 (WLC) וַחֲצַ֥ר שׁוּעָ֛ל וּבְאֵ֥ר שֶׁ֖בַע וּבִזְיֹותְיָֽה׃
28 (RIV) Hatsar-Shual, Beer-Sceba, Biziotia, Baala, Tim, Atsen,

29 (HEM) בעלה ועיים ועצם׃
29 (WLC) בַּעֲלָ֥ה וְעִיִּ֖ים וָעָֽצֶם׃
29 (RIV) Eltolad, Kesil, Horma,

30 (HEM) ואלתולד וכסיל וחרמה׃
30 (WLC) וְאֶלְתֹּולַ֥ד וּכְסִ֖יל וְחָרְמָֽה׃
30 (RIV) Tsiklag, Madmanna,

31 (HEM) וצקלג ומדמנה וסנסנה׃
31 (WLC) וְצִֽקְלַ֥ג וּמַדְמַנָּ֖ה וְסַנְסַנָּֽה׃
31 (RIV) Sansanna,

32 (HEM) ולבאות ושלחים ועין ורמון כל ערים עשרים ותשע וחצריהן׃
32 (WLC) וּלְבָאֹ֥ות וְשִׁלְחִ֖ים וְעַ֣יִן וְרִמֹּ֑ון כָּל־עָרִ֛ים עֶשְׂרִ֥ים וָתֵ֖שַׁע וְחַצְרֵיהֶֽן׃ ס
32 (RIV) Lebaoth, Scilhim, Ain, Rimmon; in tutto ventinove città e i loro villaggi.

33 (HEM) בשפלה אשתאול וצרעה ואשנה׃
33 (WLC) בַּשְּׁפֵלָ֑ה אֶשְׁתָּאֹ֥ול וְצָרְעָ֖ה וְאַשְׁנָֽה׃
33 (RIV) Nella regione bassa: Eshtaol, Tsorea, Ashna,

34 (HEM) וזנוח ועין גנים תפוח והעינם׃
34 (WLC) וְזָנֹ֙וחַ֙ וְעֵ֣ין גַּנִּ֔ים תַּפּ֖וּחַ וְהָעֵינָֽם׃
34 (RIV) Zanoah, En-Gannim, Tappuah, Enam,

35 (HEM) ירמות ועדלם שוכה ועזקה׃
35 (WLC) יַרְמוּת֙ וַעֲדֻלָּ֔ם שֹׂוכֹ֖ה וַעֲזֵקָֽה׃
35 (RIV) Iarmuth, Adullam, Soco, Azeka,

36 (HEM) ושערים ועדיתים והגדרה וגדרתים ערים ארבע עשרה וחצריהן׃
36 (WLC) וְשַׁעֲרַ֙יִם֙ וַעֲדִיתַ֔יִם וְהַגְּדֵרָ֖ה וּגְדֵרֹתָ֑יִם עָרִ֥ים אַרְבַּֽע־עֶשְׂרֵ֖ה וְחַצְרֵיהֶֽן׃
36 (RIV) Shaaraim, Aditaim, Ghedera e Ghederotaim: quattordici città e i loro villaggi;

37 (HEM) צנן וחדשה ומגדל גד׃
37 (WLC) צְנָ֥ן וַחֲדָשָׁ֖ה וּמִגְדַּל־גָּֽד׃
37 (RIV) Tsenan, Hadasha, Migdal-Gad,

38 (HEM) ודלען והמצפה ויקתאל׃
38 (WLC) וְדִלְעָ֥ן וְהַמִּצְפֶּ֖ה וְיָקְתְאֵֽל׃
38 (RIV) Dilean, Mitspe, Iokteel,

39 (HEM) לכיש ובצקת ועגלון׃
39 (WLC) לָכִ֥ישׁ וּבָצְקַ֖ת וְעֶגְלֹֽון׃
39 (RIV) Lakis, Botskath, Eglon,

40 (HEM) וכבון ולחמס וכתליש׃
40 (WLC) וְכַבֹּ֥ון וְלַחְמָ֖ס וְכִתְלִֽישׁ׃
40 (RIV) Cabbon, Lahmas, Kitlish,

41 (HEM) וגדרות בית דגון ונעמה ומקדה ערים שש עשרה וחצריהן׃
41 (WLC) וּגְדֵרֹ֕ות בֵּית־דָּגֹ֥ון וְנַעֲמָ֖ה וּמַקֵּדָ֑ה עָרִ֥ים שֵׁשׁ־עֶשְׂרֵ֖ה וְחַצְרֵיהֶֽן׃ ס
41 (RIV) Ghederoth, Beth-Dagon, Naama e Makkeda: sedici città e i loro villaggi;

42 (HEM) לבנה ועתר ועשן׃
42 (WLC) לִבְנָ֥ה וָעֶ֖תֶר וְעָשָֽׁן׃
42 (RIV) Libna, Ether, Ashan,

43 (HEM) ויפתח ואשנה ונציב׃
43 (WLC) וְיִפְתָּ֥ח וְאַשְׁנָ֖ה וּנְצִֽיב׃
43 (RIV) Iftah, Ashna, Netsib,

44 (HEM) וקעילה ואכזיב ומראשה ערים תשע וחצריהן׃
44 (WLC) וּקְעִילָ֥ה וְאַכְזִ֖יב וּמָֽרֵאשָׁ֑ה עָרִ֥ים תֵּ֖שַׁע וְחַצְרֵיהֶֽן׃
44 (RIV) Keila, Aczib e Maresha: nove città e i loro villaggi;

45 (HEM) עקרון ובנתיה וחצריה׃
45 (WLC) עֶקְרֹ֥ון וּבְנֹתֶ֖יהָ וַחֲצֵרֶֽיהָ׃
45 (RIV) Ekron, le città del suo territorio e i suoi villaggi;

46 (HEM) מעקרון וימה כל אשר על יד אשדוד וחצריהן׃
46 (WLC) מֵעֶקְרֹ֖ון וָיָ֑מָּה כֹּ֛ל אֲשֶׁר־עַל־יַ֥ד אַשְׁדֹּ֖וד וְחַצְרֵיהֶֽן׃
46 (RIV) da Ekron e a occidente, tutte le città vicine a Asdod e i loro villaggi;

47 (HEM) אשדוד בנותיה וחצריה עזה בנותיה וחצריה עד נחל מצרים והים הגבול וגבול׃
47 (WLC) אַשְׁדֹּ֞וד בְּנֹותֶ֣יהָ וַחֲצֵרֶ֗יהָ עַזָּ֥ה בְּנֹותֶ֥יהָ וַחֲצֵרֶ֖יהָ עַד־נַ֣חַל מִצְרָ֑יִם וְהַיָּ֥ם [הַגָּבֹול כ] (הַגָּדֹ֖ול ק) וּגְבֽוּל׃ ס
47 (RIV) Asdod, le città del suo territorio e i suoi villaggi; Gaza, le città del suo territorio e i suoi villaggi fino al torrente d’Egitto e al mar grande, che serve di confine.

48 (HEM) ובהר שמיר ויתיר ושוכה׃
48 (WLC) וּבָהָ֑ר שָׁמִ֥יר וְיַתִּ֖יר וְשֹׂוכֹֽה׃
48 (RIV) Nella contrada montuosa: Shanoir, Iattir, Soco,

49 (HEM) ודנה וקרית סנה היא דבר׃
49 (WLC) וְדַנָּ֥ה וְקִרְיַת־סַנָּ֖ה הִ֥יא דְבִֽר׃
49 (RIV) Danna, Kiriath-Sanna, che è Debir,

50 (HEM) וענב ואשתמה וענים׃
50 (WLC) וַעֲנָ֥ב וְאֶשְׁתְּמֹ֖ה וְעָנִֽים׃
50 (RIV) Anab, Esthemo, Anim,

51 (HEM) וגשן וחלן וגלה ערים אחת עשרה וחצריהן׃
51 (WLC) וְגֹ֥שֶׁן וְחֹלֹ֖ן וְגִלֹ֑ה עָרִ֥ים אַֽחַת־עֶשְׂרֵ֖ה וְחַצְרֵיהֶֽן׃
51 (RIV) Goscen, Holon e Ghilo: undici città e i loro villaggi;

52 (HEM) ארב ורומה ואשען׃
52 (WLC) אֲרַ֥ב וְרוּמָ֖ה וְאֶשְׁעָֽן׃
52 (RIV) Arab, Duma, Escean,

53 (HEM) וינים ובית תפוח ואפקה׃
53 (WLC) [וְיָנִים כ] (וְיָנ֥וּם ק) וּבֵית־תַּפּ֖וּחַ וַאֲפֵֽקָה׃
53 (RIV) Ianum, Beth-Tappuah, Afeka,

54 (HEM) וחמטה וקרית ארבע היא חברון וציער ערים תשע וחצריהן׃
54 (WLC) וְחֻמְטָ֗ה וְקִרְיַ֥ת אַרְבַּ֛ע הִ֥יא חֶבְרֹ֖ון וְצִיעֹ֑ר עָרִ֥ים תֵּ֖שַׁע וְחַצְרֵיהֶֽן׃ ס
54 (RIV) Humta, Kiriath-Arba, che è Hebron, e Tsior: nove città e i loro villaggi;

55 (HEM) מעון כרמל וזיף ויוטה׃
55 (WLC) מָעֹ֥ון ׀ כַּרְמֶ֖ל וָזִ֥יף וְיוּטָּֽה׃
55 (RIV) Maon, Carmel, Zif, Iuta,

56 (HEM) ויזרעאל ויקדעם וזנוח׃
56 (WLC) וְיִזְרְעֶ֥אל וְיָקְדְעָ֖ם וְזָנֹֽוחַ׃
56 (RIV) Iizreel, Iokdeam, Zanoah,

57 (HEM) הקין גבעה ותמנה ערים עשר וחצריהן׃
57 (WLC) הַקַּ֖יִן גִּבְעָ֣ה וְתִמְנָ֑ה עָרִ֥ים עֶ֖שֶׂר וְחַצְרֵיהֶֽן׃
57 (RIV) Kain, Ghibea e Timna: dieci città e i loro villaggi;

58 (HEM) חלחול בית צור וגדור׃
58 (WLC) חַלְח֥וּל בֵּֽית־צ֖וּר וּגְדֹֽור׃
58 (RIV) Halhul, Beth-Tsur, Ghedor,

59 (HEM) ומערת ובית ענות ואלתקן ערים שש וחצריהן׃
59 (WLC) וּמַעֲרָ֥ת וּבֵית־עֲנֹ֖ות וְאֶלְתְּקֹ֑ן עָרִ֥ים שֵׁ֖שׁ וְחַצְרֵיהֶֽן׃
59 (RIV) Maarath, Beth-Anoth e Eltekon: sei città e i loro villaggi;

60 (HEM) קרית בעל היא קרית יערים והרבה ערים שתים וחצריהן׃
60 (WLC) קִרְיַת־בַּ֗עַל הִ֛יא קִרְיַ֥ת יְעָרִ֖ים וְהָֽרַבָּ֑ה עָרִ֥ים שְׁתַּ֖יִם וְחַצְרֵיהֶֽן׃ ס
60 (RIV) Kiriath-Baal che è Kiriath-Iearim, e Rabba: due città e i loro villaggi.

61 (HEM) במדבר בית הערבה מדין וסככה׃
61 (WLC) בַּמִּדְבָּ֑ר בֵּ֚ית הָעֲרָבָ֔ה מִדִּ֖ין וּסְכָכָֽה׃
61 (RIV) Nel deserto: Beth-Araba, Middin, Secacah,

62 (HEM) והנבשן ועיר המלח ועין גדי ערים שש וחצריהן׃
62 (WLC) וְהַנִּבְשָׁ֥ן וְעִיר־הַמֶּ֖לַח וְעֵ֣ין גֶּ֑דִי עָרִ֥ים שֵׁ֖שׁ וְחַצְרֵיהֶֽן׃
62 (RIV) Nibshan, Ir-Hammelah e Enghedi: sei città e i loro villaggi.

63 (HEM) ואת היבוסי יושבי ירושלם לא יוכלו בני יהודה להורישם וישב היבוסי את בני יהודה בירושלם עד היום הזה׃
63 (WLC) וְאֶת־הַיְבוּסִי֙ יֹושְׁבֵ֣י יְרֽוּשָׁלִַ֔ם לֹֽא־ [יוּכְלוּ כ] (יָכְל֥וּ ק) בְנֵֽי־יְהוּדָ֖ה לְהֹֽורִישָׁ֑ם וַיֵּ֨שֶׁב הַיְבוּסִ֜י אֶת־בְּנֵ֤י יְהוּדָה֙ בִּיר֣וּשָׁלִַ֔ם עַ֖ד הַיֹּ֥ום הַזֶּֽה׃ פ
63 (RIV) Quanto ai Gebusei che abitavano in Gerusalemme, i figliuoli di Giuda non li poteron cacciare; e i Gebusei hanno abitato coi figliuoli di Giuda in Gerusalemme fino al dì d’oggi.