Náreky

1 ----
1 (HEM) זכר יהוה מה היה לנו הביט וראה את חרפתנו׃

2 ----
2 (HEM) נחלתנו נהפכה לזרים בתינו לנכרים׃

3 ----
3 (HEM) יתומים היינו אין אב אמתינו כאלמנות׃

4 ----
4 (HEM) מימינו בכסף שתינו עצינו במחיר יבאו׃

5 ----
5 (HEM) על צוארנו נרדפנו יגענו לא הונח לנו׃

6 ----
6 (HEM) מצרים נתנו יד אשור לשבע לחם׃

7 ----
7 (HEM) אבתינו חטאו אינם אנחנו עונתיהם סבלנו׃

8 ----
8 (HEM) עבדים משלו בנו פרק אין מידם׃

9 ----
9 (HEM) בנפשנו נביא לחמנו מפני חרב המדבר׃

10 ----
10 (HEM) עורנו כתנור נכמרו מפני זלעפות רעב׃

11 ----
11 (HEM) נשים בציון ענו בתלת בערי יהודה׃

12 ----
12 (HEM) שרים בידם נתלו פני זקנים לא נהדרו׃

13 ----
13 (HEM) בחורים טחון נשאו ונערים בעץ כשלו׃

14 ----
14 (HEM) זקנים משער שבתו בחורים מנגינתם׃

15 ----
15 (HEM) שבת משוש לבנו נהפך לאבל מחלנו׃

16 ----
16 (HEM) נפלה עטרת ראשנו אוי נא לנו כי חטאנו׃

17 ----
17 (HEM) על זה היה דוה לבנו על אלה חשכו עינינו׃

18 ----
18 (HEM) על הר ציון ששמם שועלים הלכו בו׃

19 ----
19 (HEM) אתה יהוה לעולם תשב כסאך לדר ודור׃

20 ----
20 (HEM) למה לנצח תשכחנו תעזבנו לארך ימים׃

21 ----
21 (HEM) השיבנו יהוה אליך ונשוב חדש ימינו כקדם׃

22 ----
22 (HEM) כי אם מאס מאסתנו קצפת עלינו עד מאד׃