Kniha proroka Izaiáša

Biblia - Sväté písmo

(HEM - Hebrejský - Moderný)

Iz 26, 1-21

1 ביום ההוא יושר השיר הזה בארץ יהודה עיר עז לנו ישועה ישית חומות וחל׃ 2 פתחו שערים ויבא גוי צדיק שמר אמנים׃ 3 יצר סמוך תצר שלום שלום כי בך בטוח׃ 4 בטחו ביהוה עדי עד כי ביה יהוה צור עולמים׃ 5 כי השח ישבי מרום קריה נשגבה ישפילנה ישפילה עד ארץ יגיענה עד עפר׃ 6 תרמסנה רגל רגלי עני פעמי דלים׃ 7 ארח לצדיק מישרים ישר מעגל צדיק תפלס׃ 8 אף ארח משפטיך יהוה קוינוך לשמך ולזכרך תאות נפש׃ 9 נפשי אויתיך בלילה אף רוחי בקרבי אשחרך כי כאשר משפטיך לארץ צדק למדו ישבי תבל׃ 10 יחן רשע בל למד צדק בארץ נכחות יעול ובל יראה גאות יהוה׃ 11 יהוה רמה ידך בל יחזיון יחזו ויבשו קנאת עם אף אש צריך תאכלם׃ 12 יהוה תשפת שלום לנו כי גם כל מעשינו פעלת לנו׃ 13 יהוה אלהינו בעלונו אדנים זולתך לבד בך נזכיר שמך׃ 14 מתים בל יחיו רפאים בל יקמו לכן פקדת ותשמידם ותאבד כל זכר למו׃ 15 יספת לגוי יהוה יספת לגוי נכבדת רחקת כל קצוי ארץ׃ 16 יהוה בצר פקדוך צקון לחש מוסרך למו׃ 17 כמו הרה תקריב ללדת תחיל תזעק בחבליה כן היינו מפניך יהוה׃ 18 הרינו חלנו כמו ילדנו רוח ישועת בל נעשה ארץ ובל יפלו ישבי תבל׃ 19 יחיו מתיך נבלתי יקומון הקיצו ורננו שכני עפר כי טל אורת טלך וארץ רפאים תפיל׃ 20 לך עמי בא בחדריך וסגר דלתיך בעדך חבי כמעט רגע עד יעבור זעם׃ 21 כי הנה יהוה יצא ממקומו לפקד עון ישב הארץ עליו וגלתה הארץ את דמיה ולא תכסה עוד על הרוגיה׃

Verš 1

ביום ההוא יושר השיר הזה בארץ יהודה עיר עז לנו ישועה ישית חומות וחל׃

Ž 46:5 - אלהים בקרבה בל תמוט יעזרה אלהים לפנות בקר׃

Ž 125:1 - שיר המעלות הבטחים ביהוה כהר ציון לא ימוט לעולם ישב׃

Prís 18:10 - מגדל עז שם יהוה בו ירוץ צדיק ונשגב׃

Verš 20

לך עמי בא בחדריך וסגר דלתיך בעדך חבי כמעט רגע עד יעבור זעם׃

2Kor 4:17 - כי לחצנו אשר הוא קל ואך לרגע יביא לנו כבוד עולמים גדול ורב עד למאד׃

Verš 17

כמו הרה תקריב ללדת תחיל תזעק בחבליה כן היינו מפניך יהוה׃

Jn 16:21 - האשה בלדתה עצב לה כי באה עתה ואחרי ילדה את הילד לא תזכר עוד את עצבונה משמחתה כי אדם נולד לעולם׃

Iz 26,1-7 - Bohabojní, ktorých svet pokladá za slabých, zvíťazia nad svojimi nepriateľmi, ktorí sa prirovnávajú k dobytému a zrúcanému mestu (porov. 24,10).

Iz 26,13 - Utláčateľov sa už niet čo báť, sú mŕtvi.

Iz 26,16-21 - Bolesti rodičky končia radosťou, narodením nového človeka. Boží národ trpel podobne, no bezvýsledne, nových synov nedostal. Čo však nebolo možné národu, to urobí Boh.