Príslovia

1 ----
1 (HEM) שמעו בנים מוסר אב והקשיבו לדעת בינה׃

2 ----
2 (HEM) כי לקח טוב נתתי לכם תורתי אל תעזבו׃

3 ----
3 (HEM) כי בן הייתי לאבי רך ויחיד לפני אמי׃

4 ----
4 (HEM) וירני ויאמר לי יתמך דברי לבך שמר מצותי וחיה׃

5 ----
5 (HEM) קנה חכמה קנה בינה אל תשכח ואל תט מאמרי פי׃

6 ----
6 (HEM) אל תעזבה ותשמרך אהבה ותצרך׃

7 ----
7 (HEM) ראשית חכמה קנה חכמה ובכל קנינך קנה בינה׃

8 ----
8 (HEM) סלסלה ותרוממך תכבדך כי תחבקנה׃

9 ----
9 (HEM) תתן לראשך לוית חן עטרת תפארת תמגנך׃

10 ----
10 (HEM) שמע בני וקח אמרי וירבו לך שנות חיים׃

11 ----
11 (HEM) בדרך חכמה הרתיך הדרכתיך במעגלי ישר׃

12 ----
12 (HEM) בלכתך לא יצר צעדך ואם תרוץ לא תכשל׃

13 ----
13 (HEM) החזק במוסר אל תרף נצרה כי היא חייך׃

14 ----
14 (HEM) בארח רשעים אל תבא ואל תאשר בדרך רעים׃

15 ----
15 (HEM) פרעהו אל תעבר בו שטה מעליו ועבור׃

16 ----
16 (HEM) כי לא ישנו אם לא ירעו ונגזלה שנתם אם לא יכשולו׃

17 ----
17 (HEM) כי לחמו לחם רשע ויין חמסים ישתו׃

18 ----
18 (HEM) וארח צדיקים כאור נגה הולך ואור עד נכון היום׃

19 ----
19 (HEM) דרך רשעים כאפלה לא ידעו במה יכשלו׃

20 ----
20 (HEM) בני לדברי הקשיבה לאמרי הט אזנך׃

21 ----
21 (HEM) אל יליזו מעיניך שמרם בתוך לבבך׃

22 ----
22 (HEM) כי חיים הם למצאיהם ולכל בשרו מרפא׃

23 ----
23 (HEM) מכל משמר נצר לבך כי ממנו תוצאות חיים׃

24 ----
24 (HEM) הסר ממך עקשות פה ולזות שפתים הרחק ממך׃

25 ----
25 (HEM) עיניך לנכח יביטו ועפעפיך יישרו נגדך׃

26 ----
26 (HEM) פלס מעגל רגלך וכל דרכיך יכנו׃

27 ----
27 (HEM) אל תט ימין ושמאול הסר רגלך מרע׃