Príslovia

Biblia - Sväté písmo

(HEM - Hebrejský - Moderný)

Prís 26, 1-28

1 כשלג בקיץ וכמטר בקציר כן לא נאוה לכסיל כבוד׃ 2 כצפור לנוד כדרור לעוף כן קללת חנם לא תבא׃ 3 שוט לסוס מתג לחמור ושבט לגו כסילים׃ 4 אל תען כסיל כאולתו פן תשוה לו גם אתה׃ 5 ענה כסיל כאולתו פן יהיה חכם בעיניו׃ 6 מקצה רגלים חמס שתה שלח דברים ביד כסיל׃ 7 דליו שקים מפסח ומשל בפי כסילים׃ 8 כצרור אבן במרגמה כן נותן לכסיל כבוד׃ 9 חוח עלה ביד שכור ומשל בפי כסילים׃ 10 רב מחולל כל ושכר כסיל ושכר עברים׃ 11 ככלב שב על קאו כסיל שונה באולתו׃ 12 ראית איש חכם בעיניו תקוה לכסיל ממנו׃ 13 אמר עצל שחל בדרך ארי בין הרחבות׃ 14 הדלת תסוב על צירה ועצל על מטתו׃ 15 טמן עצל ידו בצלחת נלאה להשיבה אל פיו׃ 16 חכם עצל בעיניו משבעה משיבי טעם׃ 17 מחזיק באזני כלב עבר מתעבר על ריב לא לו׃ 18 כמתלהלה הירה זקים חצים ומות׃ 19 כן איש רמה את רעהו ואמר הלא משחק אני׃ 20 באפס עצים תכבה אש ובאין נרגן ישתק מדון׃ 21 פחם לגחלים ועצים לאש ואיש מדונים לחרחר ריב׃ 22 דברי נרגן כמתלהמים והם ירדו חדרי בטן׃ 23 כסף סיגים מצפה על חרש שפתים דלקים ולב רע׃ 24 בשפתו ינכר שונא ובקרבו ישית מרמה׃ 25 כי יחנן קולו אל תאמן בו כי שבע תועבות בלבו׃ 26 תכסה שנאה במשאון תגלה רעתו בקהל׃ 27 כרה שחת בה יפל וגלל אבן אליו תשוב׃ 28 לשון שקר ישנא דכיו ופה חלק יעשה מדחה׃

Verš 3

שוט לסוס מתג לחמור ושבט לגו כסילים׃

Ž 32:9 - אל תהיו כסוס כפרד אין הבין במתג ורסן עדיו לבלום בל קרב אליך׃

Prís 10:13 - בשפתי נבון תמצא חכמה ושבט לגו חסר לב׃

Verš 11

ככלב שב על קאו כסיל שונה באולתו׃

2Pt 2:22 - ויקר להם כאשר יאמר משל האמת הכלב שב על קאו והחזיר עלה מן הרחצה להתגלל ברפש׃

Verš 12

ראית איש חכם בעיניו תקוה לכסיל ממנו׃

Prís 29:20 - חזית איש אץ בדבריו תקוה לכסיל ממנו׃

Verš 13

אמר עצל שחל בדרך ארי בין הרחבות׃

Prís 22:13 - אמר עצל ארי בחוץ בתוך רחבות ארצח׃

Verš 15

טמן עצל ידו בצלחת נלאה להשיבה אל פיו׃

Prís 19:24 - טמן עצל ידו בצלחת גם אל פיהו לא ישיבנה׃

Verš 20

באפס עצים תכבה אש ובאין נרגן ישתק מדון׃

Prís 22:10 - גרש לץ ויצא מדון וישבת דין וקלון׃

Verš 21

פחם לגחלים ועצים לאש ואיש מדונים לחרחר ריב׃

Prís 15:18 - איש חמה יגרה מדון וארך אפים ישקיט ריב׃

Prís 29:22 - איש אף יגרה מדון ובעל חמה רב פשע׃

Verš 22

דברי נרגן כמתלהמים והם ירדו חדרי בטן׃

Prís 18:8 - דברי נרגן כמתלהמים והם ירדו חדרי בטן׃

Verš 27

כרה שחת בה יפל וגלל אבן אליו תשוב׃

Ž 7:15 - בור כרה ויחפרהו ויפל בשחת יפעל׃

Ž 9:15 - טבעו גוים בשחת עשו ברשת זו טמנו נלכדה רגלם׃

Ž 10:2 - בגאות רשע ידלק עני יתפשו במזמות זו חשבו׃

Ž 57:6 - רשת הכינו לפעמי כפף נפשי כרו לפני שיחה נפלו בתוכה סלה׃

Kaz 10:8 - חפר גומץ בו יפול ופרץ גדר ישכנו נחש׃

Pris 26,4-5 - Naoko si tie dva verše protirečia. Lenže prvý raz sa odporúča nehovoriť s pochábľom tak hlúpo, ako hovorí on, aby sa mu nezdalo, že je to súhlas s jeho pochabými rečami, a druhý raz sa radí odpovedať mu tak, aby poznal svoju hlúposť, aby pádna odpoveď ho usvedčila z jeho pochabosti.

Pris 26,11 - Porov. 2 Pt 2,22.

Pris 26,22 - Porov. 18,8.