Príslovia

Biblia - Sväté písmo

(HEM - Hebrejský - Moderný)

Prís 22, 1-29

1 נבחר שם מעשר רב מכסף ומזהב חן טוב׃ 2 עשיר ורש נפגשו עשה כלם יהוה׃ 3 ערום ראה רעה ויסתר ופתיים עברו ונענשו׃ 4 עקב ענוה יראת יהוה עשר וכבוד וחיים׃ 5 צנים פחים בדרך עקש שומר נפשו ירחק מהם׃ 6 חנך לנער על פי דרכו גם כי יזקין לא יסור ממנה׃ 7 עשיר ברשים ימשול ועבד לוה לאיש מלוה׃ 8 זורע עולה יקצור און ושבט עברתו יכלה׃ 9 טוב עין הוא יברך כי נתן מלחמו לדל׃ 10 גרש לץ ויצא מדון וישבת דין וקלון׃ 11 אהב טהור לב חן שפתיו רעהו מלך׃ 12 עיני יהוה נצרו דעת ויסלף דברי בגד׃ 13 אמר עצל ארי בחוץ בתוך רחבות ארצח׃ 14 שוחה עמקה פי זרות זעום יהוה יפול שם׃ 15 אולת קשורה בלב נער שבט מוסר ירחיקנה ממנו׃ 16 עשק דל להרבות לו נתן לעשיר אך למחסור׃ 17 הט אזנך ושמע דברי חכמים ולבך תשית לדעתי׃ 18 כי נעים כי תשמרם בבטנך יכנו יחדו על שפתיך׃ 19 להיות ביהוה מבטחך הודעתיך היום אף אתה׃ 20 הלא כתבתי לך שלשום במועצות ודעת׃ 21 להודיעך קשט אמרי אמת להשיב אמרים אמת לשלחיך׃ 22 אל תגזל דל כי דל הוא ואל תדכא עני בשער׃ 23 כי יהוה יריב ריבם וקבע את קבעיהם נפש׃ 24 אל תתרע את בעל אף ואת איש חמות לא תבוא׃ 25 פן תאלף ארחתו ולקחת מוקש לנפשך׃ 26 אל תהי בתקעי כף בערבים משאות׃ 27 אם אין לך לשלם למה יקח משכבך מתחתיך׃ 28 אל תסג גבול עולם אשר עשו אבותיך׃ 29 חזית איש מהיר במלאכתו לפני מלכים יתיצב בל יתיצב לפני חשכים׃

Verš 1

נבחר שם מעשר רב מכסף ומזהב חן טוב׃

Kaz 7:1 - טוב שם משמן טוב ויום המות מיום הולדו׃

Verš 2

עשיר ורש נפגשו עשה כלם יהוה׃

Prís 29:13 - רש ואיש תככים נפגשו מאיר עיני שניהם יהוה׃

Verš 3

ערום ראה רעה ויסתר ופתיים עברו ונענשו׃

Prís 27:12 - ערום ראה רעה נסתר פתאים עברו נענשו׃

Verš 8

זורע עולה יקצור און ושבט עברתו יכלה׃

Jób 4:8 - כאשר ראיתי חרשי און וזרעי עמל יקצרהו׃

Oz 10:13 - חרשתם רשע עולתה קצרתם אכלתם פרי כחש כי בטחת בדרכך ברב גבוריך׃

Verš 9

טוב עין הוא יברך כי נתן מלחמו לדל׃

2Kor 9:6 - כי הנה הזרע בצמצום גם יקצר בצמצום והזרע בברכות גם יקצר בברכות׃

Verš 11

אהב טהור לב חן שפתיו רעהו מלך׃

Ž 101:6 - עיני בנאמני ארץ לשבת עמדי הלך בדרך תמים הוא ישרתני׃

Verš 13

אמר עצל ארי בחוץ בתוך רחבות ארצח׃

Prís 26:13 - אמר עצל שחל בדרך ארי בין הרחבות׃

Verš 14

שוחה עמקה פי זרות זעום יהוה יפול שם׃

Prís 2:16 - להצילך מאשה זרה מנכריה אמריה החליקה׃

Prís 5:3 - כי נפת תטפנה שפתי זרה וחלק משמן חכה׃

Prís 7:5 - לשמרך מאשה זרה מנכריה אמריה החליקה׃

Prís 23:27 - כי שוחה עמקה זונה ובאר צרה נכריה׃

Verš 15

אולת קשורה בלב נער שבט מוסר ירחיקנה ממנו׃

Prís 13:24 - חושך שבטו שונא בנו ואהבו שחרו מוסר׃

Prís 19:18 - יסר בנך כי יש תקוה ואל המיתו אל תשא נפשך׃

Prís 23:14 - אתה בשבט תכנו ונפשו משאול תציל׃

Prís 29:15 - שבט ותוכחת יתן חכמה ונער משלח מביש אמו׃

Prís 29:17 - יסר בנך ויניחך ויתן מעדנים לנפשך׃

Verš 16

עשק דל להרבות לו נתן לעשיר אך למחסור׃

Prís 14:31 - עשק דל חרף עשהו ומכבדו חנן אביון׃

Prís 17:5 - לעג לרש חרף עשהו שמח לאיד לא ינקה׃

Verš 22

אל תגזל דל כי דל הוא ואל תדכא עני בשער׃

Za 7:10 - ואלמנה ויתום גר ועני אל תעשקו ורעת איש אחיו אל תחשבו בלבבכם׃

Ex 23:6 - לא תטה משפט אבינך בריבו׃

Jób 31:13 - אם אמאס משפט עבדי ואמתי ברבם עמדי׃

Ž 82:3 - שפטו דל ויתום עני ורש הצדיקו׃

Verš 23

כי יהוה יריב ריבם וקבע את קבעיהם נפש׃

Ex 22:22 - כל אלמנה ויתום לא תענון׃

Ž 10:18 - לשפט יתום ודך בל יוסיף עוד לערץ אנוש מן הארץ׃

Verš 26

אל תהי בתקעי כף בערבים משאות׃

Prís 6:1 - בני אם ערבת לרעך תקעת לזר כפיך׃

Prís 11:15 - רע ירוע כי ערב זר ושנא תקעים בוטח׃

Verš 27

אם אין לך לשלם למה יקח משכבך מתחתיך׃

Prís 20:16 - לקח בגדו כי ערב זר ובעד נכרים חבלהו׃

Verš 28

אל תסג גבול עולם אשר עשו אבותיך׃

Dt 19:14 - לא תסיג גבול רעך אשר גבלו ראשנים בנחלתך אשר תנחל בארץ אשר יהוה אלהיך נתן לך לרשתה׃

Dt 27:17 - ארור מסיג גבול רעהו ואמר כל העם אמן׃

Prís 23:10 - אל תסג גבול עולם ובשדי יתומים אל תבא׃

Pris 22,2 - Na svete je majetková nerovnakosť danou skutočnosťou (porov. Mt 26,11). Pred Bohom sú však všetci ľudia rovnakí a ten istý Boh žiada, aby jedni pomáhali druhým (porov. 14,31; 17,5; Jób 34,19).

Pris 22,8 - Druhý polverš nie je presne zachovaný. Jeho zmysel je však tento: Bezbožníka neminie trest; prút, čo chystal na blížneho, bude šibať jeho.

Pris 22,11 - Druhý polverš doplnený zo LXX. – Ďalší polverš, zachovaný v pôvodine, žiada doplnok, no ten sa nezachoval.

Pris 22,14 - Porov. 2,16–19; 5,3–6; 7,21–23.

Pris 22,16 - Bedár má zisk z toho, keď ho boháč utlačuje, lebo mu Boh tajne vynahrádza všetko. Na tom však, čo boháč nahonobí nespravodlivo, je kliatba Božia, skôr či neskôr stratí to, čo tak nadobudol.

Pris 22,17-21 - Úvod k ďalšej zbierke mudrcových výpovedí (porov. úvod, bod 3). V pôvodine je jeho text hodne pokazený. Napísal ho azda zberateľ, čo zostavoval túto zbierku. Príslovia sú viacveršové, nie tak ako predošlé, čo boli dvojveršové.