Príslovia

Biblia - Sväté písmo

(HEM - Hebrejský - Moderný)

Prís 21, 1-31

1 פלגי מים לב מלך ביד יהוה על כל אשר יחפץ יטנו׃ 2 כל דרך איש ישר בעיניו ותכן לבות יהוה׃ 3 עשה צדקה ומשפט נבחר ליהוה מזבח׃ 4 רום עינים ורחב לב נר רשעים חטאת׃ 5 מחשבות חרוץ אך למותר וכל אץ אך למחסור׃ 6 פעל אוצרות בלשון שקר הבל נדף מבקשי מות׃ 7 שד רשעים יגורם כי מאנו לעשות משפט׃ 8 הפכפך דרך איש וזר וזך ישר פעלו׃ 9 טוב לשבת על פנת גג מאשת מדונים ובית חבר׃ 10 נפש רשע אותה רע לא יחן בעיניו רעהו׃ 11 בענש לץ יחכם פתי ובהשכיל לחכם יקח דעת׃ 12 משכיל צדיק לבית רשע מסלף רשעים לרע׃ 13 אטם אזנו מזעקת דל גם הוא יקרא ולא יענה׃ 14 מתן בסתר יכפה אף ושחד בחק חמה עזה׃ 15 שמחה לצדיק עשות משפט ומחתה לפעלי און׃ 16 אדם תועה מדרך השכל בקהל רפאים ינוח׃ 17 איש מחסור אהב שמחה אהב יין ושמן לא יעשיר׃ 18 כפר לצדיק רשע ותחת ישרים בוגד׃ 19 טוב שבת בארץ מדבר מאשת מדונים וכעס׃ 20 אוצר נחמד ושמן בנוה חכם וכסיל אדם יבלענו׃ 21 רדף צדקה וחסד ימצא חיים צדקה וכבוד׃ 22 עיר גברים עלה חכם וירד עז מבטחה׃ 23 שמר פיו ולשונו שמר מצרות נפשו׃ 24 זד יהיר לץ שמו עושה בעברת זדון׃ 25 תאות עצל תמיתנו כי מאנו ידיו לעשות׃ 26 כל היום התאוה תאוה וצדיק יתן ולא יחשך׃ 27 זבח רשעים תועבה אף כי בזמה יביאנו׃ 28 עד כזבים יאבד ואיש שומע לנצח ידבר׃ 29 העז איש רשע בפניו וישר הוא יכין דרכיו׃ 30 אין חכמה ואין תבונה ואין עצה לנגד יהוה׃ 31 סוס מוכן ליום מלחמה וליהוה התשועה׃

Verš 2

כל דרך איש ישר בעיניו ותכן לבות יהוה׃

Prís 16:2 - כל דרכי איש זך בעיניו ותכן רוחות יהוה׃

Verš 3

עשה צדקה ומשפט נבחר ליהוה מזבח׃

1Sam 15:22 - ויאמר שמואל החפץ ליהוה בעלות וזבחים כשמע בקול יהוה הנה שמע מזבח טוב להקשיב מחלב אילים׃

Ž 50:8 - לא על זבחיך אוכיחך ועולתיך לנגדי תמיד׃

Ž 50:14 - זבח לאלהים תודה ושלם לעליון נדריך׃

Iz 1:11 - למה לי רב זבחיכם יאמר יהוה שבעתי עלות אילים וחלב מריאים ודם פרים וכבשים ועתודים לא חפצתי׃

Iz 1:16 - רחצו הזכו הסירו רע מעלליכם מנגד עיני חדלו הרע׃

Oz 6:6 - כי חסד חפצתי ולא זבח ודעת אלהים מעלות׃

Verš 5

מחשבות חרוץ אך למותר וכל אץ אך למחסור׃

Prís 10:4 - ראש עשה כף רמיה ויד חרוצים תעשיר׃

Prís 13:4 - מתאוה ואין נפשו עצל ונפש חרצים תדשן׃

Verš 6

פעל אוצרות בלשון שקר הבל נדף מבקשי מות׃

Prís 10:2 - לא יועילו אוצרות רשע וצדקה תציל ממות׃

Prís 10:4 - ראש עשה כף רמיה ויד חרוצים תעשיר׃

Prís 13:11 - הון מהבל ימעט וקבץ על יד ירבה׃

Verš 9

טוב לשבת על פנת גג מאשת מדונים ובית חבר׃

Prís 21:19 - טוב שבת בארץ מדבר מאשת מדונים וכעס׃

Prís 25:24 - טוב שבת על פנת גג מאשת מדונים ובית חבר׃

Prís 27:15 - דלף טורד ביום סגריר ואשת מדונים נשתוה׃

Verš 11

בענש לץ יחכם פתי ובהשכיל לחכם יקח דעת׃

Prís 19:25 - לץ תכה ופתי יערם והוכיח לנבון יבין דעת׃

Verš 14

מתן בסתר יכפה אף ושחד בחק חמה עזה׃

Prís 17:8 - אבן חן השחד בעיני בעליו אל כל אשר יפנה ישכיל׃

Prís 18:16 - מתן אדם ירחיב לו ולפני גדלים ינחנו׃

Verš 18

כפר לצדיק רשע ותחת ישרים בוגד׃

Prís 11:8 - צדיק מצרה נחלץ ויבא רשע תחתיו׃

Verš 19

טוב שבת בארץ מדבר מאשת מדונים וכעס׃

Prís 21:9 - טוב לשבת על פנת גג מאשת מדונים ובית חבר׃

Prís 25:24 - טוב שבת על פנת גג מאשת מדונים ובית חבר׃

Verš 23

שמר פיו ולשונו שמר מצרות נפשו׃

Prís 18:21 - מות וחיים ביד לשון ואהביה יאכל פריה׃

Verš 26

כל היום התאוה תאוה וצדיק יתן ולא יחשך׃

Ž 37:26 - כל היום חונן ומלוה וזרעו לברכה׃

Verš 27

זבח רשעים תועבה אף כי בזמה יביאנו׃

Prís 15:8 - זבח רשעים תועבת יהוה ותפלת ישרים רצונו׃

Iz 1:13 - לא תוסיפו הביא מנחת שוא קטרת תועבה היא לי חדש ושבת קרא מקרא לא אוכל און ועצרה׃

Jer 6:20 - למה זה לי לבונה משבא תבוא וקנה הטוב מארץ מרחק עלותיכם לא לרצון וזבחיכם לא ערבו לי׃

Am 5:21 - שנאתי מאסתי חגיכם ולא אריח בעצרתיכם׃

Verš 28

עד כזבים יאבד ואיש שומע לנצח ידבר׃

Prís 19:5 - עד שקרים לא ינקה ויפיח כזבים לא ימלט׃

Prís 19:9 - עד שקרים לא ינקה ויפיח כזבים יאבד׃

Verš 31

סוס מוכן ליום מלחמה וליהוה התשועה׃

Ž 33:17 - שקר הסוס לתשועה וברב חילו לא ימלט׃

Pris 21,11 - Porov. 19,25.

Pris 21,18 - Ničomník sa lapí v pasci, ktorú strojil.