Príslovia

1 ----
1 (HEM) טוב פת חרבה ושלוה בה מבית מלא זבחי ריב׃

2 ----
2 (HEM) עבד משכיל ימשל בבן מביש ובתוך אחים יחלק נחלה׃

3 ----
3 (HEM) מצרף לכסף וכור לזהב ובחן לבות יהוה׃

4 ----
4 (HEM) מרע מקשיב על שפת און שקר מזין על לשון הות׃

5 ----
5 (HEM) לעג לרש חרף עשהו שמח לאיד לא ינקה׃

6 ----
6 (HEM) עטרת זקנים בני בנים ותפארת בנים אבותם׃

7 ----
7 (HEM) לא נאוה לנבל שפת יתר אף כי לנדיב שפת שקר׃

8 ----
8 (HEM) אבן חן השחד בעיני בעליו אל כל אשר יפנה ישכיל׃

9 ----
9 (HEM) מכסה פשע מבקש אהבה ושנה בדבר מפריד אלוף׃

10 ----
10 (HEM) תחת גערה במבין מהכות כסיל מאה׃

11 ----
11 (HEM) אך מרי יבקש רע ומלאך אכזרי ישלח בו׃

12 ----
12 (HEM) פגוש דב שכול באיש ואל כסיל באולתו׃

13 ----
13 (HEM) משיב רעה תחת טובה לא תמיש רעה מביתו׃

14 ----
14 (HEM) פוטר מים ראשית מדון ולפני התגלע הריב נטוש׃

15 ----
15 (HEM) מצדיק רשע ומרשיע צדיק תועבת יהוה גם שניהם׃

16 ----
16 (HEM) למה זה מחיר ביד כסיל לקנות חכמה ולב אין׃

17 ----
17 (HEM) בכל עת אהב הרע ואח לצרה יולד׃

18 ----
18 (HEM) אדם חסר לב תוקע כף ערב ערבה לפני רעהו׃

19 ----
19 (HEM) אהב פשע אהב מצה מגביה פתחו מבקש שבר׃

20 ----
20 (HEM) עקש לב לא ימצא טוב ונהפך בלשונו יפול ברעה׃

21 ----
21 (HEM) ילד כסיל לתוגה לו ולא ישמח אבי נבל׃

22 ----
22 (HEM) לב שמח ייטב גהה ורוח נכאה תיבש גרם׃

23 ----
23 (HEM) שחד מחיק רשע יקח להטות ארחות משפט׃

24 ----
24 (HEM) את פני מבין חכמה ועיני כסיל בקצה ארץ׃

25 ----
25 (HEM) כעס לאביו בן כסיל וממר ליולדתו׃

26 ----
26 (HEM) גם ענוש לצדיק לא טוב להכות נדיבים על ישר׃

27 ----
27 (HEM) חושך אמריו יודע דעת וקר רוח איש תבונה׃

28 ----
28 (HEM) גם אויל מחריש חכם יחשב אטם שפתיו נבון׃