Žalmy

1 ----
1 (HEM) ישב בסתר עליון בצל שדי יתלונן׃

2 ----
2 (HEM) אמר ליהוה מחסי ומצודתי אלהי אבטח בו׃

3 ----
3 (HEM) כי הוא יצילך מפח יקוש מדבר הוות׃

4 ----
4 (HEM) באברתו יסך לך ותחת כנפיו תחסה צנה וסחרה אמתו׃

5 ----
5 (HEM) לא תירא מפחד לילה מחץ יעוף יומם׃

6 ----
6 (HEM) מדבר באפל יהלך מקטב ישוד צהרים׃

7 ----
7 (HEM) יפל מצדך אלף ורבבה מימינך אליך לא יגש׃

8 ----
8 (HEM) רק בעיניך תביט ושלמת רשעים תראה׃

9 ----
9 (HEM) כי אתה יהוה מחסי עליון שמת מעונך׃

10 ----
10 (HEM) לא תאנה אליך רעה ונגע לא יקרב באהלך׃

11 ----
11 (HEM) כי מלאכיו יצוה לך לשמרך בכל דרכיך׃

12 ----
12 (HEM) על כפים ישאונך פן תגף באבן רגלך׃

13 ----
13 (HEM) על שחל ופתן תדרך תרמס כפיר ותנין׃

14 ----
14 (HEM) כי בי חשק ואפלטהו אשגבהו כי ידע שמי׃

15 ----
15 (HEM) יקראני ואענהו עמו אנכי בצרה אחלצהו ואכבדהו׃

16 ----
16 (HEM) ארך ימים אשביעהו ואראהו בישועתי׃