Žalmy

Biblia - Sväté písmo

(HEM - Hebrejský - Moderný)

Ž 91, 1-16

1 ישב בסתר עליון בצל שדי יתלונן׃ 2 אמר ליהוה מחסי ומצודתי אלהי אבטח בו׃ 3 כי הוא יצילך מפח יקוש מדבר הוות׃ 4 באברתו יסך לך ותחת כנפיו תחסה צנה וסחרה אמתו׃ 5 לא תירא מפחד לילה מחץ יעוף יומם׃ 6 מדבר באפל יהלך מקטב ישוד צהרים׃ 7 יפל מצדך אלף ורבבה מימינך אליך לא יגש׃ 8 רק בעיניך תביט ושלמת רשעים תראה׃ 9 כי אתה יהוה מחסי עליון שמת מעונך׃ 10 לא תאנה אליך רעה ונגע לא יקרב באהלך׃ 11 כי מלאכיו יצוה לך לשמרך בכל דרכיך׃ 12 על כפים ישאונך פן תגף באבן רגלך׃ 13 על שחל ופתן תדרך תרמס כפיר ותנין׃ 14 כי בי חשק ואפלטהו אשגבהו כי ידע שמי׃ 15 יקראני ואענהו עמו אנכי בצרה אחלצהו ואכבדהו׃ 16 ארך ימים אשביעהו ואראהו בישועתי׃

Verš 3

כי הוא יצילך מפח יקוש מדבר הוות׃

Ž 124:7 - נפשנו כצפור נמלטה מפח יוקשים הפח נשבר ואנחנו נמלטנו׃

Verš 4

באברתו יסך לך ותחת כנפיו תחסה צנה וסחרה אמתו׃

Ž 57:1 - למנצח אל תשחת לדוד מכתם בברחו מפני שאול במערה חנני אלהים חנני כי בך חסיה נפשי ובצל כנפיך אחסה עד יעבר הוות׃

Verš 5

לא תירא מפחד לילה מחץ יעוף יומם׃

Jób 5:19 - בשש צרות יצילך ובשבע לא יגע בך רע׃

Prís 3:25 - אל תירא מפחד פתאם ומשאת רשעים כי תבא׃

Pie 3:8 - כלם אחזי חרב מלמדי מלחמה איש חרבו על ירכו מפחד בלילות׃

Verš 11

כי מלאכיו יצוה לך לשמרך בכל דרכיך׃

Ž 34:7 - חנה מלאך יהוה סביב ליראיו ויחלצם׃

Mt 4:6 - ויאמר אליו אם בן האלהים אתה התנפל למטה כי כתוב כי מלאכיו יצוה לך ועל כפים ישאונך פן תגף באבן רגלך׃

Lk 4:10 - כי כתוב כי מלאכיו יצוה לך לשמרך׃

Verš 12

על כפים ישאונך פן תגף באבן רגלך׃

Lk 4:11 - וכי על כפים ישאונך פן תגף באבן רגלך׃

Verš 13

על שחל ופתן תדרך תרמס כפיר ותנין׃

Jób 5:22 - לשד ולכפן תשחק ומחית הארץ אל תירא׃

Z 91,4 - "Štítom a pancierom", porov. pozn. k 35,2.