Žalmy

1 ----
1 (HEM) למנצח עלמות לבן מזמור לדוד אודה יהוה בכל לבי אספרה כל נפלאותיך׃

2 ----
2 (HEM) אשמחה ואעלצה בך אזמרה שמך עליון׃

3 ----
3 (HEM) בשוב אויבי אחור יכשלו ויאבדו מפניך׃

4 ----
4 (HEM) כי עשית משפטי ודיני ישבת לכסא שופט צדק׃

5 ----
5 (HEM) גערת גוים אבדת רשע שמם מחית לעולם ועד׃

6 ----
6 (HEM) האויב תמו חרבות לנצח וערים נתשת אבד זכרם המה׃

7 ----
7 (HEM) ויהוה לעולם ישב כונן למשפט כסאו׃

8 ----
8 (HEM) והוא ישפט תבל בצדק ידין לאמים במישרים׃

9 ----
9 (HEM) ויהי יהוה משגב לדך משגב לעתות בצרה׃

10 ----
10 (HEM) ויבטחו בך יודעי שמך כי לא עזבת דרשיך יהוה׃

11 ----
11 (HEM) זמרו ליהוה ישב ציון הגידו בעמים עלילותיו׃

12 ----
12 (HEM) כי דרש דמים אותם זכר לא שכח צעקת עניים׃

13 ----
13 (HEM) חננני יהוה ראה עניי משנאי מרוממי משערי מות׃

14 ----
14 (HEM) למען אספרה כל תהלתיך בשערי בת ציון אגילה בישועתך׃

15 ----
15 (HEM) טבעו גוים בשחת עשו ברשת זו טמנו נלכדה רגלם׃

16 ----
16 (HEM) נודע יהוה משפט עשה בפעל כפיו נוקש רשע הגיון סלה׃

17 ----
17 (HEM) ישובו רשעים לשאולה כל גוים שכחי אלהים׃

18 ----
18 (HEM) כי לא לנצח ישכח אביון תקות ענוים תאבד לעד׃

19 ----
19 (HEM) קומה יהוה אל יעז אנוש ישפטו גוים על פניך׃

20 ----
20 (HEM) שיתה יהוה מורה להם ידעו גוים אנוש המה סלה׃