Žalmy

1 ----
1 (HEM) שיר מזמור לבני קרח למנצח על מחלת לענות משכיל להימן האזרחי יהוה אלהי ישועתי יום צעקתי בלילה נגדך׃

2 ----
2 (HEM) תבוא לפניך תפלתי הטה אזנך לרנתי׃

3 ----
3 (HEM) כי שבעה ברעות נפשי וחיי לשאול הגיעו׃

4 ----
4 (HEM) נחשבתי עם יורדי בור הייתי כגבר אין איל׃

5 ----
5 (HEM) במתים חפשי כמו חללים שכבי קבר אשר לא זכרתם עוד והמה מידך נגזרו׃

6 ----
6 (HEM) שתני בבור תחתיות במחשכים במצלות׃

7 ----
7 (HEM) עלי סמכה חמתך וכל משבריך ענית סלה׃

8 ----
8 (HEM) הרחקת מידעי ממני שתני תועבות למו כלא ולא אצא׃

9 ----
9 (HEM) עיני דאבה מני עני קראתיך יהוה בכל יום שטחתי אליך כפי׃

10 ----
10 (HEM) הלמתים תעשה פלא אם רפאים יקומו יודוך סלה׃

11 ----
11 (HEM) היספר בקבר חסדך אמונתך באבדון׃

12 ----
12 (HEM) היודע בחשך פלאך וצדקתך בארץ נשיה׃

13 ----
13 (HEM) ואני אליך יהוה שועתי ובבקר תפלתי תקדמך׃

14 ----
14 (HEM) למה יהוה תזנח נפשי תסתיר פניך ממני׃

15 ----
15 (HEM) עני אני וגוע מנער נשאתי אמיך אפונה׃

16 ----
16 (HEM) עלי עברו חרוניך בעותיך צמתותני׃

17 ----
17 (HEM) סבוני כמים כל היום הקיפו עלי יחד׃

18 ----
18 (HEM) הרחקת ממני אהב ורע מידעי מחשך׃