Žalmy

1 ----
1 (HEM) תפלה לדוד הטה יהוה אזנך ענני כי עני ואביון אני׃

2 ----
2 (HEM) שמרה נפשי כי חסיד אני הושע עבדך אתה אלהי הבוטח אליך׃

3 ----
3 (HEM) חנני אדני כי אליך אקרא כל היום׃

4 ----
4 (HEM) שמח נפש עבדך כי אליך אדני נפשי אשא׃

5 ----
5 (HEM) כי אתה אדני טוב וסלח ורב חסד לכל קראיך׃

6 ----
6 (HEM) האזינה יהוה תפלתי והקשיבה בקול תחנונותי׃

7 ----
7 (HEM) ביום צרתי אקראך כי תענני׃

8 ----
8 (HEM) אין כמוך באלהים אדני ואין כמעשיך׃

9 ----
9 (HEM) כל גוים אשר עשית יבואו וישתחוו לפניך אדני ויכבדו לשמך׃

10 ----
10 (HEM) כי גדול אתה ועשה נפלאות אתה אלהים לבדך׃

11 ----
11 (HEM) הורני יהוה דרכך אהלך באמתך יחד לבבי ליראה שמך׃

12 ----
12 (HEM) אודך אדני אלהי בכל לבבי ואכבדה שמך לעולם׃

13 ----
13 (HEM) כי חסדך גדול עלי והצלת נפשי משאול תחתיה׃

14 ----
14 (HEM) אלהים זדים קמו עלי ועדת עריצים בקשו נפשי ולא שמוך לנגדם׃

15 ----
15 (HEM) ואתה אדני אל רחום וחנון ארך אפים ורב חסד ואמת׃

16 ----
16 (HEM) פנה אלי וחנני תנה עזך לעבדך והושיעה לבן אמתך׃

17 ----
17 (HEM) עשה עמי אות לטובה ויראו שנאי ויבשו כי אתה יהוה עזרתני ונחמתני׃