  | ŽalmyBiblia - Sväté písmo(HEM - Hebrejský - Moderný) | Ž 43, 1-5 |
1 Ž 43, 1 שפטני אלהים וריבה ריבי מגוי לא חסיד מאיש מרמה ועולה תפלטני׃ 2 Ž 43, 2 כי אתה אלהי מעוזי למה זנחתני למה קדר אתהלך בלחץ אויב׃ 3 Ž 43, 3 שלח אורך ואמתך המה ינחוני יביאוני אל הר קדשך ואל משכנותיך׃ 4 Ž 43, 4 ואבואה אל מזבח אלהים אל אל שמחת גילי ואודך בכנור אלהים אלהי׃ 5 Ž 43, 5 מה תשתוחחי נפשי ומה תהמי עלי הוחילי לאלהים כי עוד אודנו ישועת פני ואלהי׃
| | | Ž 43, 1-5 |
Verš 2
כי אתה אלהי מעוזי למה זנחתני למה קדר אתהלך בלחץ אויב׃
Ž 35:14 - כרע כאח לי התהלכתי כאבל אם קדר שחותי׃
Ž 38:6 - נעויתי שחתי עד מאד כל היום קדר הלכתי׃
Ž 42:9 - אומרה לאל סלעי למה שכחתני למה קדר אלך בלחץ אויב׃
Verš 5
מה תשתוחחי נפשי ומה תהמי עלי הוחילי לאלהים כי עוד אודנו ישועת פני ואלהי׃
Ž 42:5 - מה תשתוחחי נפשי ותהמי עלי הוחילי לאלהים כי עוד אודנו ישועות פניו׃
Ž 42:11 - מה תשתוחחי נפשי ומה תהמי עלי הוחילי לאלהים כי עוד אודנו ישועת פני ואלהי׃
