Žalmy

1 ----
1 (HEM) למנצח לעבד יהוה לדוד נאם פשע לרשע בקרב לבי אין פחד אלהים לנגד עיניו׃

2 ----
2 (HEM) כי החליק אליו בעיניו למצא עונו לשנא׃

3 ----
3 (HEM) דברי פיו און ומרמה חדל להשכיל להיטיב׃

4 ----
4 (HEM) און יחשב על משכבו יתיצב על דרך לא טוב רע לא ימאס׃

5 ----
5 (HEM) יהוה בהשמים חסדך אמונתך עד שחקים׃

6 ----
6 (HEM) צדקתך כהררי אל משפטך תהום רבה אדם ובהמה תושיע יהוה׃

7 ----
7 (HEM) מה יקר חסדך אלהים ובני אדם בצל כנפיך יחסיון׃

8 ----
8 (HEM) ירוין מדשן ביתך ונחל עדניך תשקם׃

9 ----
9 (HEM) כי עמך מקור חיים באורך נראה אור׃

10 ----
10 (HEM) משך חסדך לידעיך וצדקתך לישרי לב׃

11 ----
11 (HEM) אל תבואני רגל גאוה ויד רשעים אל תנדני׃

12 ----
12 (HEM) שם נפלו פעלי און דחו ולא יכלו קום׃