Žalmy

Biblia - Sväté písmo

(HEM - Hebrejský - Moderný)

Ž 31, 1-24

1 למנצח מזמור לדוד בך יהוה חסיתי אל אבושה לעולם בצדקתך פלטני׃ 2 הטה אלי אזנך מהרה הצילני היה לי לצור מעוז לבית מצודות להושיעני׃ 3 כי סלעי ומצודתי אתה ולמען שמך תנחני ותנהלני׃ 4 תוציאני מרשת זו טמנו לי כי אתה מעוזי׃ 5 בידך אפקיד רוחי פדיתה אותי יהוה אל אמת׃ 6 שנאתי השמרים הבלי שוא ואני אל יהוה בטחתי׃ 7 אגילה ואשמחה בחסדך אשר ראית את עניי ידעת בצרות נפשי׃ 8 ולא הסגרתני ביד אויב העמדת במרחב רגלי׃ 9 חנני יהוה כי צר לי עששה בכעס עיני נפשי ובטני׃ 10 כי כלו ביגון חיי ושנותי באנחה כשל בעוני כחי ועצמי עששו׃ 11 מכל צררי הייתי חרפה ולשכני מאד ופחד למידעי ראי בחוץ נדדו ממני׃ 12 נשכחתי כמת מלב הייתי ככלי אבד׃ 13 כי שמעתי דבת רבים מגור מסביב בהוסדם יחד עלי לקחת נפשי זממו׃ 14 ואני עליך בטחתי יהוה אמרתי אלהי אתה׃ 15 בידך עתתי הצילני מיד אויבי ומרדפי׃ 16 האירה פניך על עבדך הושיעני בחסדך׃ 17 יהוה אל אבושה כי קראתיך יבשו רשעים ידמו לשאול׃ 18 תאלמנה שפתי שקר הדברות על צדיק עתק בגאוה ובוז׃ 19 מה רב טובך אשר צפנת ליראיך פעלת לחסים בך נגד בני אדם׃ 20 תסתירם בסתר פניך מרכסי איש תצפנם בסכה מריב לשנות׃ 21 ברוך יהוה כי הפליא חסדו לי בעיר מצור׃ 22 ואני אמרתי בחפזי נגרזתי מנגד עיניך אכן שמעת קול תחנוני בשועי אליך׃ 23 אהבו את יהוה כל חסידיו אמונים נצר יהוה ומשלם על יתר עשה גאוה׃ 24 חזקו ויאמץ לבבכם כל המיחלים ליהוה׃

Verš 19

מה רב טובך אשר צפנת ליראיך פעלת לחסים בך נגד בני אדם׃

Iz 64:4 - ומעולם לא שמעו לא האזינו עין לא ראתה אלהים זולתך יעשה למחכה לו׃

1Kor 2:9 - אלא ככתוב אשר עין לא ראתה ואזן לא שמעה ולא עלה על לב אנוש את אשר הכין האלהים לאהביו׃

Verš 1

למנצח מזמור לדוד בך יהוה חסיתי אל אבושה לעולם בצדקתך פלטני׃

Ž 22:5 - אליך זעקו ונמלטו בך בטחו ולא בושו׃

Ž 25:2 - אלהי בך בטחתי אל אבושה אל יעלצו איבי לי׃

Ž 71:1 - בך יהוה חסיתי אל אבושה לעולם׃

Iz 49:23 - והיו מלכים אמניך ושרותיהם מיניקתיך אפים ארץ ישתחוו לך ועפר רגליך ילחכו וידעת כי אני יהוה אשר לא יבשו קוי׃

Verš 11

מכל צררי הייתי חרפה ולשכני מאד ופחד למידעי ראי בחוץ נדדו ממני׃

Jób 19:13 - אחי מעלי הרחיק וידעי אך זרו ממני׃

Ž 38:11 - אהבי ורעי מנגד נגעי יעמדו וקרובי מרחק עמדו׃

Verš 5

בידך אפקיד רוחי פדיתה אותי יהוה אל אמת׃

Lk 23:46 - ויקרא ישוע בקול גדול ויאמר אבי בידך אפקיד רוחי ובאמרו זאת נפח נפשו׃

Verš 24

חזקו ויאמץ לבבכם כל המיחלים ליהוה׃

Ž 27:14 - קוה אל יהוה חזק ויאמץ לבך וקוה אל יהוה׃

Z 31 - Táto modlitba je veľmi blízka Jeremiášovým vyznaniam.

Z 31,2 - Žalmista si aj v ťažkom položení zachoval jasný pohľad k Pánovi, nikdy ho neopúšťa dôvera v Božiu pomoc; Ježiš Kristus, umierajúc na kríži, hovorí slová 6. verša tohto žalmu (Lk 23,46); poznal ich aj sv. Štefan, prvomučeník (Sk 7,59).

Z 31,9 - "Na šíre priestranstvo" - vyviedol si ma z úzkych.

Z 31,10-11 - Tieto verše nám kreslia aj Ježišovo utrpenie.