Žalmy

1 ----
1 (HEM) מזמור שיר חנכת הבית לדוד ארוממך יהוה כי דליתני ולא שמחת איבי לי׃

2 ----
2 (HEM) יהוה אלהי שועתי אליך ותרפאני׃

3 ----
3 (HEM) יהוה העלית מן שאול נפשי חייתני מיורדי בור׃

4 ----
4 (HEM) זמרו ליהוה חסידיו והודו לזכר קדשו׃

5 ----
5 (HEM) כי רגע באפו חיים ברצונו בערב ילין בכי ולבקר רנה׃

6 ----
6 (HEM) ואני אמרתי בשלוי בל אמוט לעולם׃

7 ----
7 (HEM) יהוה ברצונך העמדתה להררי עז הסתרת פניך הייתי נבהל׃

8 ----
8 (HEM) אליך יהוה אקרא ואל אדני אתחנן׃

9 ----
9 (HEM) מה בצע בדמי ברדתי אל שחת היודך עפר היגיד אמתך׃

10 ----
10 (HEM) שמע יהוה וחנני יהוה היה עזר לי׃

11 ----
11 (HEM) הפכת מספדי למחול לי פתחת שקי ותאזרני שמחה׃

12 ----
12 (HEM) למען יזמרך כבוד ולא ידם יהוה אלהי לעולם אודך׃